ಚಾಮರಾಜನಗರ: ಬಿಎಸ್ಪಿ ಉಚ್ಛಾಟಿತ ಶಾಸಕ ಎನ್.ಮಹೇಶ್ ಬಿಜೆಪಿ ಸರ್ಕಾರವನ್ನು ಮತ್ತು ಸಿಎಂ ಬಿಎಸ್ವೈ ಅವರನ್ನು ಬಾಯ್ತುಂಬ ಹೊಗಳಿದ್ರು.
ಕೊಳ್ಳೇಗಾಲದ ಪ್ರವಾಹ ಪೀಡಿತ ಪ್ರದೇಶಗಳಿಗೆ ಸಚಿವ ಸೋಮಣ್ಣ ಭೇಟಿ ನೀಡಿದ ಬಳಿಕ ನಡೆಸಿದ ಸುದ್ದಿಗೋಷ್ಟಿಯಲ್ಲಿ ಶಾಸಕ ಮಹೇಶ್ ಮಾತನಾಡಿ, ನೆರೆಗೆ ಸಂಪೂರ್ಣ ತುತ್ತಾದ ಮನೆಗೆ ೫ ಲಕ್ಷ ರೂ. ಕೊಡುವ ಐತಿಹಾಸಿಕ ತೀರ್ಮಾನವನ್ನು ಬಿಜೆಪಿ ಸರ್ಕಾರ ಮಾಡಿದೆ. ಜಖಂಗೊಂಡ ಮನೆಗಳಿಗೂ 1 ಲಕ್ಷ ರೂ. ಘೋಷಿಸಿದ್ದಾರೆ. ನೆರೆ ಸಂತ್ರಸ್ತರಿಗೆ ಶಾಶ್ವತ ಪರಿಹಾರ ನೀಡಲು ಈ ಸರ್ಕಾರಕ್ಕೆ ಇಚ್ಛಾಶಕ್ತಿ ಇದೆ. ಬಿ.ಎಸ್. ಯಡಿಯೂರಪ್ಪ ಅವರಿಗೂ ಇದೆ ಎಂದರು.
ಬಿಎಸ್ವೈಯನ್ನು ಬಾಯ್ತುಂಬ ಹೊಗಳಿದ ಮಹೇಶ್
ಇನ್ನು, ಇತ್ತೀಚೆಗಷ್ಟೇ ಸಂತೇಮರಹಳ್ಳಿಯಲ್ಲಿ ಕರೆದಿದ್ದ ಸಭೆಯಲ್ಲಿ ಮಹೇಶ್ ಅವರು ಬಿಜೆಪಿಗೆ ತೆರಳಿದರೇ ತಮಗೆ ಯಾವುದೇ ಅಭ್ಯಂತರವಿಲ್ಲ ಎಂದು ಅವರ ಬೆಂಬಲಿಗರೇ ತಿಳಿಸಿದ್ದಾರೆ ಎಂದು ಮೂಲಗಳು ಖಚಿತಪಡಿಸಿವೆ.
ಒಟ್ಟಾರೆ ಬಿಎಸ್ ಪಿ ಉಚ್ಛಾಟಿತ ಶಾಸಕ ಎನ್ ಮಹೇಶ್ ಅವರ ಈ ಹೊಗಳಿಕೆ ಮಾತುಗಳು ಬಿಜೆಪಿ ಸೇರುತ್ತಾರೆ ಎಂಬ ಮಾತಿಗೆ ಪುಷ್ಟಿ ನೀಡಿವೆ.
