ತಮಿಳುನಾಡಿಗೆ ಸಾಗಿಸುತ್ತಿದ್ದ 6 ಕೆಜಿ ಗಾಂಜಾ ವಶ... ಆರೋಪಿ ಬಂಧನ

ತಮಿಳುನಾಡಿಗೆ ಗಾಂಜಾ ಸಾಗಿಸುತ್ತಿದ್ದ ಆರೋಪಿಯನ್ನು ಹನೂರು ತಾಲೂಕಿನ ಗಡಿಭಾಗದ ನಾಲಾರೋಡಿನಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಚಾಮರಾಜನಗರ: ತಮಿಳುನಾಡಿಗೆ ಗಾಂಜಾ ಸಾಗಿಸುತ್ತಿದ್ದ ಆರೋಪಿಯನ್ನು ಹನೂರು ತಾಲೂಕಿನ ಗಡಿಭಾಗದ ನಾಲಾರೋಡಿನಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ತಮಿಳುನಾಡಿನ ಸೇಲಂ‌ ಜಿಲ್ಲೆಯ ಶೆಟ್ಟಿಯೂರು ಗ್ರಾಮದ ಕನಕರಾಜು ಬಂಧಿತ ಆರೋಪಿ. ಈರೋಡ್​ನಿಂದ ನಾಲಾರೋಡ್ ಮೂಲಕ ತಮಿಳುನಾಡಿನ ಕೋಟೆಮಾಳಕ್ಕೆ ಗಾಂಜಾ ಸಾಗಿಸುತ್ತಿದ್ದಾಗ ರಾಮಾಪುರ ಪಿಐ ಮನೋಜ್ ಕುಮಾರ್ ನೇತೃತ್ವದಲ್ಲಿ ಲಿಂಗರಾಜು, ಬೊಮ್ಮೆಗೌಡ ಸಿಬ್ಬಂದಿ ದಾಳಿ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಬಂಧಿತ ಕನಕರಾಜ ಈ ಹಿಂದೆಯೂ ತಮಿಳುನಾಡಿಗೆ ಗಾಂಜಾ ಸಾಗಿಸುತ್ತಿದ್ದ ಎನ್ನಲಾಗ್ತಿದೆ.

ಬಂಧಿತನಿಂದ 6 ಕೆಜಿ ಒಣ ಗಾಂಜಾ ವಶಪಡಿಸಿಕೊಂಡಿದ್ದು, ರಾಮಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.