ಕಟ್ಟಡ ನವೀಕರಣ ವೇಳೆ ಕಾಲುಜಾರಿ ಬಿದ್ದು ಕಾವಲುಗಾರ ಸಾವು

ಚಾಮರಾಜನಗರದ ವಾಸವಿ ಮಹಲ್​ ಛತ್ರದ ನವೀಕರಣ ವೇಳೆ ಕಾವಲುಗಾರ ಜವರಯ್ಯ ಕಟ್ಟಡದ ಮೇಲಿಂದ ಕಾಲು ಜಾರಿ ಬಿದ್ದು ಮೃತಪಟ್ಟಿದ್ದಾರೆ.

ಚಾಮರಾಜನಗರ: ಆಕಸ್ಮಿಕವಾಗಿ ಛಾವಣಿ ಮೇಲಿಂದ ಬಿದ್ದು ಕಾವಲುಗಾರ ಮೃತಪಟ್ಟಿರುವ ಘಟನೆ ನಗರದ ವಾಸವಿ ಮಹಲ್ ಛತ್ರದಲ್ಲಿ ನಡೆದಿದೆ.

ಮೃತಪಟ್ಟ ಕಾವಲುಗಾರ ಜವರಯ್ಯ

ನಗರದ ಗಾಳಿಪುರ ನಿವಾಸಿ ಜವರಯ್ಯ(55) ಮೃತ ದುರ್ದೈವಿ.

ಇವರು ಹಲವು ವರ್ಷಗಳಿಂದ ವಾಸವಿ ಮಹಲ್​ನ ಕಾವಲುಗಾರನಾಗಿ ಕಾರ್ಯನಿರ್ವಹಿಸುತ್ತಿದ್ದರು. ಛತ್ರದ ಛಾವಣಿಯ ನವೀಕರಣ ಕಾರ್ಯ ನಡೆಯುತ್ತಿದ್ದು, ಪ್ಲಾಸ್ಟಿಕ್ ಶೀಟಿನ ಮೇಲೆ ಕಾಲಿಟ್ಟಿದ್ದರಿಂದ ಜಾರಿ ಕೆಳಗೆ ಬಿದ್ದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ.

ಜಿಲ್ಲಾಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಲಾಗಿದ್ದು, ಚಾಮರಾಜನಗರ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.