ಬೀದರ್: ಕೊರೊನಾ ಬೆಂಬಿಡದೆ ಗಡಿ ಜಿಲ್ಲೆ ಬೀದರ್ ನಗರವನ್ನು ಕಾಡುತ್ತಿದ್ದು, ಬೆಳಿಗ್ಗೆ ಕೊರೊನಾ ಬುಲೆಟಿನ್ನಲ್ಲಿ 4 ಪ್ರಕರಣ ಪತ್ತೆಯಾದ್ರೆ, ಸಂಜೆ ಮತ್ತೆ 3 ಹೊಸ ಪ್ರಕರಣ ದಾಖಲಾಗಿದೆ. ಒಂದೇ ದಿನ 7 ಜನರಲ್ಲಿ ಸೋಂಕು ಪತ್ತೆಯಾದ ವರದಿಯಾಗಿದ್ದು, ಈ ಮೂಲಕ ಬೀದರ್ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 48ಕ್ಕೆರಿದೆ.
ನಗರದ ಓಲ್ಡ್ ಸಿಟಿಯ ಕಂಟೇನ್ಮೆಂಟ್ ಏರಿಯಾದಲ್ಲಿ ಜಿಲ್ಲಾಡಳಿತ ನಡೆಸಿದ ಸಾಮೂಹಿಕ ವೈದ್ಯಕೀಯ ತಪಾಸಣೆಯಿಂದ ಬುಧವಾದ 12 ಪ್ರಕರಣ ಪತ್ತೆಯಾಗಿತ್ತು. ಈ ಪೈಕಿ ಗುರುವಾರ ಸಂಜೆ ಪ್ರಕಟವಾದ ಕೊರೊನಾ ಬುಲೆಟಿನ್ನಲ್ಲಿ ಸೋಂಕಿತರ ಸಂಖ್ಯೆ 959ರ ಸಂಪರ್ಕದಲ್ಲಿ ಬಂದ 36 ವಯಸ್ಸಿನ ಮಹಿಳೆ, 18 ಮತ್ತು 16 ವಯಸ್ಸಿನ ಇಬ್ಬರು ಗಂಡು ಮಕ್ಕಳಲ್ಲಿ ಸೋಂಕು ಪತ್ತೆಯಾಗಿದೆ.
ಸೋಂಕಿತರೆಲ್ಲರೂ ಬೀದರ್ ನಗರದ ಓಲ್ಡ್ ಸಿಟಿ ನಿವಾಸಿಗಳಾಗಿದ್ದು, ಕಳೆದ ಮೂರು ದಿನಗಳಲ್ಲಿ 21 ಪ್ರಕರಣಗಳು ಓಲ್ಡ್ ಸಿಟಿಯಲ್ಲಿ ಪತ್ತೆಯಾಗಿವೆ. ಇಂದು ಒಂದೇ ದಿನದಲ್ಲಿ ಹುಮನಾಬಾದ್ ತಾಲೂಕಿನ ಹುಣಸಗೇರಾ ಗ್ರಾಮದ ಒಬ್ಬ ಮಹಿಳೆ ಸೇರಿದಂತೆ ಓಲ್ಡ್ ಸಿಟಿಯ 6 ಜನರಲ್ಲಿ ಸೋಂಕು ಪತ್ತೆಯಾಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಬೀದರ್ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 48ಕ್ಕೆರಿದ್ದು, ಈ ಪೈಕಿ 14 ಜನರು ಗುಣಮುಖರಾಗಿ ಮನೆಗೆ ವಾಪಸಾಗಿದ್ದಾರೆ. ಅಲ್ಲದೆ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದಾನೆ. ಉಳಿದ 33 ಜನರು ಜಿಲ್ಲಾ ಕೊರೊನಾ ವಾರ್ಡ್ನಲ್ಲಿ ದಾಖಲಾಗಿದ್ದಾರೆ.
