ಬೀದರ್​ನಲ್ಲಿ ಜೂಜು ಅಡ್ಡೆ ಮೇಲೆ ದಾಳಿ ನಡೆಸಿದ 14 ಪೊಲೀಸರು ಕ್ವಾರಂಟೈನ್​​​ಗೆ!

ಜೂಜು ಅಡ್ಡೆಯ ಮೇಲೆ ದಾಳಿ ಮಾಡಿದ ಸಿಪಿಐ ಶರಣಬಸವೇಶ್ವರ ಭಜಂತ್ರಿ, ಪಿಎಸ್​ಐ ಸುರೇಶ್​​​ ಭಾವಿಮನಿ, 12 ಕಾನ್ಸ್​ಟೆಬಲ್​ಗಳನ್ನು ಕ್ವಾರಂಟೈನ್​​​​ಗೆ ಒಳಪಡಿಸಲಾಗಿದೆ.

ಬೀದರ್: ಸೋಂಕು ಪತ್ತೆಯಾದವನ ಪ್ರಾಥಮಿಕ ಸಂಪರ್ಕಕ್ಕೆ ಬಂದಿದ್ದ ವ್ಯಕ್ತಿಯನ್ನು ಬಂಧಿಸಿದ ಕಾರಣ 14 ಪೊಲೀಸರನ್ನು ಕ್ವಾರಂಟೈನ್​​ಗೆ ಒಳಪಡಿಸಲಾಗಿದೆ.

ಸಿಪಿಐ ಶರಣಬಸವೇಶ್ವರ ಭಜಂತ್ರಿ, ಪಿಎಸ್​ಐ ಸುರೇಶ್​​​ ಭಾವಿಮನಿ, 12 ಮಂದಿ ಕಾನ್ಸ್​ಟೆಬಲ್ ಅವರನ್ನು​ ಕ್ವಾರಂಟೈನ್​​​​ಗೆ ಒಳಪಡಿಸಲಾಗಿದೆ.

ಚಿಟಗುಪ್ಪ ತಾಲೂಕಿನ ಮದರಗಿ ಗ್ರಾಮದಲ್ಲಿ ಮೇ 14 ರಂದು ಚಿಟಗುಪ್ಪ ಠಾಣೆಯ ಪೊಲೀಸರು​ ಜೂಜುಕೋರರನ್ನು ಬಂಧಿಸಿದ್ದರು. ನಿನ್ನೆ ಸೋಂಕು ಪತ್ತೆಯಾದವನ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ವ್ಯಕ್ತಿ ಸಹ ಬಂಧನಕ್ಕೊಳಗಾಗಿದ್ದ.

ಸೋಂಕು ಪತ್ತೆಯಾದ ಪ್ರಕರಣದ ಚಲನವಲನ ಪರಿಶೀಲನೆಯಲ್ಲಿ ಪೊಲೀಸರು ದ್ವಿತೀಯ ಸಂಪರ್ಕಕ್ಕೆ ಸೇರಿದ್ದಾರೆ ಎಂಬುದು ಗೊತ್ತಾಗಿದೆ. ಹೀಗಾಗಿ, ಮುನ್ನೆಚ್ಚರಿಕಾ ಕ್ರಮವಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಿ.ಎಲ್​​. ನಾಗೇಶ್​ ಅವರ ಆದೇಶದಂತೆ ಕ್ವಾರಂಟೈನ್ ಮಾಡಲಾಗಿದೆ.