ಬಳ್ಳಾರಿ: ಇಲ್ಲಿನ ದೇವಿನಗರದ ರಿಮ್ಯಾಂಡ್ ಹೋಂನಲ್ಲಿದ್ದ 16 ವರ್ಷದ ಅಪ್ರಾಪ್ತ ಯುವಕನೋರ್ವನನ್ನು ಹೋಂಗಾರ್ಡ್ಗಳಿಬ್ಬರು ಮನಸೋಯಿಚ್ಛೆ ಥಳಿಸಿದ ಪರಿಣಾಮ ಆತ ಮೃತಪಟ್ಟಿರುವ ಘಟನೆ ನಿನ್ನೆ ತಡ ರಾತ್ರಿ ನಡೆದಿದೆ.
ಬಳ್ಳಾರಿ ಮೂಲದ ಹೋಂಗಾರ್ಡ್ಗಳಾದ ಓಬಳೇಶ ಮತ್ತು ಮಾರುತಿ ಎಂಬುವರು ಇದೀಗ ಕೌಲ್ ಬಜಾರ್ ಪೊಲೀಸ್ ಠಾಣೆಯ ಅತಿಥಿಯಾಗಿದ್ದಾರೆ. ಲೈಂಗಿಕ ದೌರ್ಜನ್ಯದ ಆರೋಪದಡಿ ಪಕ್ಕದ ಜಿಲ್ಲೆಯೊಂದರಿಂದ ಈ ಯುವಕನನ್ನ ಬಳ್ಳಾರಿಯ ರಿಮ್ಯಾಂಡ್ ಹೋಂಗೆ (ವೀಕ್ಷಣಾಲಯ) ಕರೆ ತರಲಾಗಿತ್ತು. ನಿನ್ನೆ ಬೆಳಗಿನ ಉಪಾಹಾರ ಹಾಗೂ ಮಧ್ಯಾಹ್ನದ ಊಟ ಸವಿದ ಆ ಯುವಕ ಹೋಂಗಾರ್ಡ್ಗಳೊಂದಿಗೆ ಕ್ಯಾತೆ ತೆಗೆದ ಪರಿಣಾಮ ಹೋಂಗಾರ್ಡ್ಗಳು ಥಳಿಸಿದ್ದಾರೆ ಎನ್ನಲಾಗುತ್ತದೆ.
ರಾತ್ರಿ ಊಟ ಬಡಿಸಲು ಗೃಹ‌ಪಾಲಕರು ತೆರಳಿದಾಗ ಯುವಕ ಅತೀವ ಅಸ್ವಸ್ಥನಾಗಿದ್ದು, ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ. ಹೋಂಗಾರ್ಡ್ಗಳ ವಿರುದ್ಧ ವೀಕ್ಷಣಾಲಯದ ಗೃಹ ಪಾಲಕರು ಕೌಲ್ ಬಜಾರ್ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ದೂರು ದಾಖಲಿಸಿದ್ದು, ಪೊಲೀಸರು ತನಿಖೆ ಮುಂದುವರಿದಿದೆ.
