ಬಳ್ಳಾರಿ: ಜಿಲ್ಲೆಯ ಕೃಷ್ಣಾನಗರ ಕ್ಯಾಂಪ್‌ನ ಅಭಯ ಆಂಜನೇಯಸ್ವಾಮಿ ದೇವಸ್ಥಾನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾಜಿ ಸಚಿವ ಜನಾರ್ದನ ರೆಡ್ಡಿ ಅವರಿಗೆ ಅಭಿಮಾನಿಯೊಬ್ಬರು ನಾಣ್ಯದ ತುಲಾಭಾರ ಮಾಡಿದ್ದಾರೆ.
ಅಭಯ ಆಂಜನೇಯಸ್ವಾಮಿ ದೇವಸ್ಥಾನದಲ್ಲಿ ಲೋಕ ಕಲ್ಯಾಣಾರ್ಥ ಗಣಪತಿ ಹೋಮ ಮತ್ತು ತುಲಾಭಾರ ಆಯೋಜನೆ ಮಾಡಲಾಗಿತ್ತು. ರೆಡ್ಡಿ ಅವರ ಅಭಿಮಾನಿ ಹಾಗೂ ರೈತ ಆಲಪಾಟಿ ಶ್ರೀನಿವಾಸ ಕಾರ್ಯಕ್ರಮ ಆಯೋಜಿಸಿದ್ದು, ರೆಡ್ಡಿ ದಂಪತಿ ಎರಡು ತಾಸು ಹೋಮದಲ್ಲಿ ಪಾಲ್ಗೊಂಡಿದ್ದರು.
ಜನಾರ್ದನ ರೆಡ್ಡಿಗೆ ನಾಣ್ಯದ ತುಲಾಭಾರ ಮಾಡಿದ ಅಭಿಮಾನಿ
ಇದನ್ನೂ ಓದಿ: ಶೀಘ್ರವೇ ಪ್ರಕರಣ ಇತ್ಯರ್ಥ ಮಾಡಲು ಸುಪ್ರೀಂಕೋರ್ಟ್ನಲ್ಲಿ ಕೋರಿದ್ದೇನೆ: ಜನಾರ್ದನ ರೆಡ್ಡಿ
ಹೋಮದ ಬಳಿಕ ಜನಾರ್ದನ ರೆಡ್ಡಿಯವರ ತುಲಾಭಾರವು ಮಂತ್ರಘೋಷಗಳ ಮಧ್ಯೆ ನಡೆಯಿತು. ಬಳಿಕ ರೆಡ್ಡಿ ಜೊತೆ ಫೋಟೋ ತೆಗೆದುಕೊಳ್ಳಲು ಜನರ ಮುಗಿಬಿದ್ದರು. ಶನಿವಾರ ನಡೆದ ಈ ಕಾರ್ಯಕ್ರಮದಲ್ಲಿ ರೆಡ್ಡಿ ಅಭಿಮಾನಿಗಳು, ಆಪ್ತರು ಭಾಗಿಯಾಗಿದ್ದರು.
