ಬಳ್ಳಾರಿ: ಮೃತ ಆಪ್ತ ಸಹಾಯಕ ಮಹೇಶ ರೆಡ್ಡಿ ಕುಟುಂಬಕ್ಕೆ ನಗರದ ಅವಂಬಾವಿಯಲ್ಲಿ ಸುಂದರ ಮನೆಯೊಂದನ್ನು ಸಮಾಜ ಕಲ್ಯಾಣ ಸಚಿವ ಬಿ.ಶ್ರೀರಾಮುಲು ನಿರ್ಮಿಸಿ ಕೊಟ್ಟಿದ್ದಾರೆ.
40x40 ಅಡಿ ಜಾಗದಲ್ಲಿ ಮನೆ ಸಿದ್ಧವಾಗಿದ್ದು, ನಾಳೆ ಸಚಿವ ಶ್ರೀರಾಮುಲು ಮೃತ ಮಹೇಶ ಕುಟುಂಬಕ್ಕೆ ಹಸ್ತಾಂತರಿಸಲಿದ್ದಾರೆ. ಶ್ರೀರಾಮುಲುಗೆ ಆಪ್ತರಾಗಿದ್ದ ಮಹೇಶ ಸಾವು ಇನ್ನೂ ನಿಗೂಢವಾಗಿಯೇ ಇದೆ. ಇದರ ಬೆನ್ನಲ್ಲೇ ಶ್ರೀರಾಮುಲು ಮಹೇಶ ರೆಡ್ಡಿ ಕುಟುಂಬಕ್ಕೆ ಅಂದಾಜು 50 ಲಕ್ಷ ರೂ.ಗಳ ವೆಚ್ಚದಲ್ಲಿ ಮನೆ ನಿರ್ಮಿಸಿ ಕೊಡುತ್ತಿದ್ದಾರೆ. ಬಿ.ಶ್ರೀರಾಮುಲು ನಿಲಯದ ಹೆಸರಿನಡಿ ನಿರ್ಮಾಣವಾಗಿರುವ ಈ ಮನೆಯಲ್ಲಿ ಡಬಲ್ ಬೆಡ್ ರೂಮ್, ವಿಶಾಲವಾದ ಸಭಾಂಗಣ ಹಾಗೂ ಅತ್ಯಾಧುನಿಕ ಸೌಲಭ್ಯವುಳ್ಳ ಕಿಚನ್ ಕೂಡ ರೆಡಿಯಾಗಿದೆ.
ಓದಿ:ಆರೋಗ್ಯ ಸಚಿವರ ಜಿಲ್ಲೆಯಲ್ಲಿಯೇ ಬೆಡ್ಗಾಗಿ ಕೋವಿಡ್ ಸೋಂಕಿತನ ಪರದಾಟ
ನಾಳೆ ಈ ಮನೆಯ ಕೀ ಹಸ್ತಾಂತರಿಸುವ ಹಿನ್ನೆಲೆ ಹೊಸ ಮನೆಗೆ ತಳಿರು-ತೋರಣ ಹಾಗೂ ವಿದ್ಯುತ್ ದೀಪಗಳಿಂದ ಅಲಂಕಾರ ಮಾಡಲಾಗುತ್ತಿದೆ. ಕೋವಿಡ್ ಹೆಚ್ಚಾದ ಹಿನ್ನೆಲೆ ಅತ್ಯಂತ ಸರಳವಾಗಿ ಗೃಹ ಪ್ರವೇಶ ಮಾಡಲಾಗುತ್ತಿದೆ.
