ಬಳ್ಳಾರಿಯಲ್ಲಿ ಶ್ರೀ ಕೋಟೆ ಮಲ್ಲೇಶ್ವರನ ಅದ್ಧೂರಿ ರಥೋತ್ಸವ

ಬಳ್ಳಾರಿ ನಗರದ ತೇರು ಬೀದಿಯಲ್ಲಿ ಶ್ರೀ ಕೋಟೆ ಮಲ್ಲೇಶ್ವರ ರಥೋತ್ಸವ ಜರುಗಿತು. ರಥೋತ್ಸವಕ್ಕೆ ಶಾಸಕ ಜಿ. ಸೋಮಶೇಖರ್ ರೆಡ್ಡಿ, ಪೊಲೀಸ್ ಇಲಾಖೆಯ ಅಧಿಕಾರಿಗಳು ಚಾಲನೆ ನೀಡಿದ್ರು.

ಬಳ್ಳಾರಿ: ನಗರದ ತೇರು ಬೀದಿಯಲ್ಲಿ ಶ್ರೀ ಕೋಟೆ ಮಲ್ಲೇಶ್ವರ ರಥೋತ್ಸವ ಅದ್ಧೂರಿಯಾಗಿ ಜರುಗಿತು. ಡೊಳ್ಳು ಕುಣಿತ, ಬ್ಯಾಂಡ್, ಗೊರವರ‌ ಕುಣಿತ, ಗೊಂಬೆ ಕುಣಿತದ ಕಲಾವಿದರು ರಥೋತ್ಸವಕ್ಕೆ ಮೆರಗು ನೀಡಿದ್ರು.

ಬಳ್ಳಾರಿ ನಗರ ಶಾಸಕ ಜಿ.ಸೋಮಶೇಖರ್ ರೆಡ್ಡಿ, ಪೊಲೀಸ್ ಇಲಾಖೆಯ ಅಧಿಕಾರಿಗಳು ಶ್ರೀಕೋಟೆ ಮಲ್ಲೇಶ್ವರ ರಥ ಎಳೆಯುವ ಮೂಲಕ ಚಾಲನೆ ನೀಡಿದ್ರು. ರಥೋತ್ಸವದ ವೇಳೆ ಭದ್ರತೆಗಾಗಿ ನಗರದ ವಿವಿಧ ಠಾಣೆಗಳ 300 ಪೊಲೀಸ್ ಸಿಬ್ಬಂದಿ ಮತ್ತು ಅಧಿಕಾರಿಗಳನ್ನು ನಿಯೋಜಿಸಲಾಗಿತ್ತು.

ನಗರದ ಸಂಜೀವಿನಿ ಸೇವಾ ಟ್ರಸ್ಟ್​​ನಿಂದ ರಥೋತ್ಸವಕ್ಕೆ ಬಂದ ಸಾರ್ವಜನಿಕರಿಗೆ ಎಂ. ಪ್ರಭಂಜನ್ ಮತ್ತು ನಾರಾಯಣ್ ರಾವ್ ಅವರು ತಂಪು ಪಾನೀಯ, 3 ಸಾವಿರ ಮಜ್ಜಿಗೆ ಪ್ಯಾಕೆಟ್ ಮತ್ತು 50 ಕೆ.ಜಿ ಮೊಸರೊನ್ನ ವಿತರಿಸಿದರು.