ಬಳ್ಳಾರಿ: ರಾಹುಲ್ ಗಾಂಧಿ ಅಭಿಮಾನಿಯೋರ್ವ ಮೈಗೆ ಕಾಂಗ್ರೆಸ್ ಧ್ವಜದ ಬಣ್ಣ ಹಚ್ಚಿಕೊಂಡು ಉಗ್ರಪ್ಪ ಚುನಾವಣಾ ಪ್ರಚಾರಕ್ಕೆ ಆಗಮಿಸಿದ್ದು ವಿಶೇಷವಾಗಿತ್ತು.
ಬಳ್ಳಾರಿ ಲೋಕಸಭಾ ಚುನಾವಣಾ ಅಭ್ಯರ್ಥಿ ಉಗ್ರಪ್ಪ ಪರ ನಿನ್ನೆ ನಗರದ ಬೆಂಗಳೂರು ರಸ್ತೆಯಲ್ಲಿನ ಎಪಿಎಂಸಿ ಮಾರುಕಟ್ಟೆ ಮುಂಭಾಗ ನಡೆದ ಬಹಿರಂಗ ಸಭೆಯಲ್ಲಿ ರಾಣಿತೋಟದ ಯುವಕ ಅಶೋಕ ದೇಹಕ್ಕೆ ಕಾಂಗ್ರೆಸ್ ಪಕ್ಷದ ಧ್ವಜದ ಬಣ್ಣ ಹಚ್ಚಿಕೊಂಡು ಬಂದು ಎಲ್ಲರ ಗಮನ ಸೆಳೆದ.
ಮೈಗೆ ಕಾಂಗ್ರೆಸ್ ಧ್ವಜದ ಬಣ್ಣ ಹಚ್ಚಿಕೊಂಡು ಅಭಿಮಾನ ಮೆರೆದ ಯುವಕ
ನಾನು ರಾಹುಲ್ ಗಾಂಧಿ ಅಭಿಮಾನಿ, ಕಾಂಗ್ರೆಸ್ ಪಕ್ಷ ಅಂದ್ರೆ ಇಷ್ಟ. ಅದಕ್ಕಾಗಿ ಈ ರೀತಿಯ ಅಭಿಮಾನ ತೋರುತ್ತಿದ್ದೇನೆ ಎಂದು ಯುವಕ ಹೇಳಿದ್ದಾನೆ.
