ಬಳ್ಳಾರಿ: ಕೋವಿಡ್ ಸೋಂಕು ಹರಡದಂತೆ ಲಾಕ್‌ ಡೌನ್ ವಿಧಿಸಿರುವ ಹಿನ್ನೆಲೆಯಲ್ಲಿ ವರ್ಲ್ಡ್ ಮಿಷನ್ ಸಂಸ್ಥೆ ಬಳ್ಳಾರಿ ಘಟಕ ವತಿಯಿಂದ ಡಿ.ಸಿ.ನಗರದಲ್ಲಿರುವ 50 ಬಡ ಕುಟುಂಬಗಳಿಗೆ 6 ಕೆ.ಜಿ ತೊಗರಿ ಬೇಳೆ, 5 ಕೆ.ಜಿ ಗೋಧಿ ಹಿಟ್ಟು, 4 ಕೆ.ಜಿ ಎಣ್ಣೆ ಇರುವ ಆಹಾರ ಪದಾರ್ಥಗಳ ಕಿಟ್‌ಗಳನ್ನು ಮಂಗಳವಾರದಂದು ವಿತರಿಸಲಾಯಿತು ಎಂದು ವರ್ಲ್ಡ್ ಮಿಷನ್ ಮ್ಯಾನೇಜರ್ ಪ್ರೇಮಲತಾ ತಿಳಿಸಿದರು.
ಒಂದು ವಾರದಲ್ಲಿ 15 ಗ್ರಾಮಗಳಲ್ಲಿನ 1,202 ಬಡ ಕುಟುಂಬಗಳಿಗೆ ಆಹಾರ ಪದಾರ್ಥಗಳ ಕಿಟ್‌ಗಳನ್ನು ವಿತರಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕಿ ಮಮತಾ, ವರ್ಲ್ಡ್ ಮಿಷನ್ ಸಂಸ್ಥೆಯ ಸಿಬ್ಬಂದಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
