ಬಳ್ಳಾರಿ: ಗಣಿ ನಗರಿ ಬಳ್ಳಾರಿಯ ಆರೋಗ್ಯ ಸಂಜೀವಿನಿ ವಿಜಯನಗರ ವೈದ್ಯಕೀಯ ವಿಜ್ಞಾನ ಸಂಸ್ಥೆ (ವಿಮ್ಸ್) ಆಸ್ಪತ್ರೆಯಲ್ಲಿ ಸೋಂಕಿತರ ಹಾಗೂ ಸಾಮಾನ್ಯ ಕಾಯಿಲೆಯಿಂದ ಬಳಲುತ್ತಿರುವ ರೋಗಿಗಳ ಸಂಖ್ಯೆ ಹೆಚ್ಚಾದ ಹಿನ್ನೆಲೆ ಬೆಡ್ಗಳ ಕೊರತೆ ಮುಂದುವರೆದಿದೆ.
ಬಳ್ಳಾರಿಯ ವಿಮ್ಸ್ ಆಸ್ಪತ್ರೆಯಲ್ಲಿ ಲಭ್ಯವಿರುವ ಬೆಡ್ಗಳೆಲ್ಲವೂ ಫುಲ್ ಆಗಿರೋ ಪರಿಣಾಮ ಕೋವಿಡ್ ಸೋಂಕಿಗೆ ಒಳಗಾದ ಹಾಗೂ ಸಾಮಾನ್ಯ ಕಾಯಿಲೆಯಿಂದ ಬಳಲುತ್ತಿರೋ ರೋಗಿಗಳಿಗೆ ಬೆಡ್ಗಳೇ ಸಿಗುತ್ತಿಲ್ಲ. ಬೆಡ್ಗಳ ಕೊರತೆ ಉಂಟಾದ ಹಿನ್ನೆಲೆ ನೆಲದ ಮೇಲೆ ಬೆಡ್ ಹಾಕಲಾಗಿದೆ. ಒಂದೇ ಬೆಡ್ ಮೇಲೆ ಇಬ್ಬರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಹೊರಗಡೆ ಆ್ಯಂಬುಲೆನ್ಸ್ನಲ್ಲೇ ಆಕ್ಸಿಜನ್ ಹಾಕಿ ಚಿಕಿತ್ಸೆ ನೀಡಲು ವೈದ್ಯರು ಮುಂದಾಗಿರೋದು ಕೂಡ ಕಂಡುಬಂದಿದೆ.
ಈ ಸಂಬಂಧ ಈಟಿವಿ ಭಾರತಕ್ಕೆ ಪ್ರತಿಕ್ರಿಯಿಸಿರುವ ವಿಮ್ಸ್ ನಿರ್ದೇಶಕ ಡಾ. ಟಿ.ಗಂಗಾಧರಗೌಡ, ಕೇವಲ 1,070 ಬೆಡ್ಗಳು ವಿಮ್ಸ್ ಆಸ್ಪತ್ರೆಯಲ್ಲಿ ಲಭ್ಯವಾಗಿವೆ. ಆ ಪೈಕಿ ಕೇವಲ 471 ಬೆಡ್ಗಳು ಮಾತ್ರ ಕೋವಿಡ್ ಸೋಂಕಿತರಿಗೆ ಮೀಸಲಿರಿಸಲಾಗಿದೆ.
ಇದನ್ನೂ ಓದಿ: ಹುಬ್ಬಳ್ಳಿಯ ಕಿಮ್ಸ್ ಆವರಣದಲ್ಲಿ ನಿಷೇಧಾಜ್ಞೆ ಜಾರಿ
ದಿನದಿಂದ ದಿನಕ್ಕೆ ಕೊರೊನಾ ಸೋಂಕಿತರ ಪ್ರಮಾಣ ಹೆಚ್ಚಾಗುತ್ತಿರೋದರಿಂದಲೇ ಇರುವ ಬೆಡ್ಗಳೆಲ್ಲವೂ ಭರ್ತಿಯಾಗಿವೆ. ಹೀಗಾಗಿ, ನೆಲದ ಮೇಲೆಯೇ ಬೆಡ್ಗಳನ್ನು ಹಾಕಲಾಗಿದೆ. ಬೆಡ್ಗಳ ಕೊರತೆಯಿದೆ. ಕೊರತೆ ಇಲ್ಲ ಅಂತಾ ಹೇಳೋಕೆ ಆಗಲ್ಲ ಎಂದು ವಾಸ್ತವವನ್ನ ಒಪ್ಪಿಕೊಂಡಿದ್ದಾರೆ ಡಾ. ಗಂಗಾಧರಗೌಡ.
