ಬಳ್ಳಾರಿ : ನಗರದ ವಿಮ್ಸ್ ಆವರಣದಲ್ಲಿ ಇರುವ ಕೋವಿಡ್ -19 ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಸೋಂಕಿತರು ಧ್ಯಾನ ಮತ್ತು ಪ್ರಾಣಾಯಾಮಗಳನ್ನು ಮಾಡಿದರು. ಇನ್ನು ಕೆಲವರು ಚಿತ್ರ ಗೀತೆಗಳನ್ನು ಹಾಡುವ ಮೂಲಕ ಧನಾತ್ಮಕ ಆಲೋಚನೆಗಳಲ್ಲಿ ತೊಡಗಿಕೊಂಡಿದ್ದರು.
ನಾಲ್ಕು ಗೋಡೆಗೆ ಸೀಮಿತವಾಗಿರುವ ಕೋವಿಡ್ ಸೋಂಕಿತರು ಧನಾತ್ಮಕ ಆಲೋಚನೆಗಳಿಂದ ವಾಸ್ತವದ ಬಗ್ಗೆ ಅರಿಯಲು ಮತ್ತು ಆರೋಗ್ಯ ವೃದ್ಧಿಯ ಕಡೆ ಗಮನಹರಿಸಲು ವಿಮ್ಸ್ ಆಸ್ಪತ್ರೆಯಲ್ಲಿ ಧ್ಯಾನ ಮತ್ತು ಪ್ರಾಣಾಯಾಮಗಳನ್ನು ಮಾಡಿಸಲಾಗುತ್ತಿದೆ. ಸಿಬ್ಬಂದಿಯ ಈ ಪ್ಲಾನ್ಗೆ ಸೋಂಕಿತರು ಖುಷಿಯಾಗಿದ್ದು ಸಂತೋಷ ಹಂಚಿಕೊಂಡಿದ್ದಾರೆ.
ಭಾನುವಾರ ಕೊರೊನಾ ವೈರಸ್ ಪಾಸಿಟಿವ್ ಎಂದು ನನಗೆ ಮಾಹಿತಿ ಬಂದ ನಂತರ ಸರ್ಕಾರಿ ಆಸ್ಪತ್ರೆಯಲ್ಲಿ ಸರಿಯಾಗಿ ಚಿಕಿತ್ಸೆ ಕೊಡಲ್ಲ ಹೋಗಬೇಡ ಎಂದು ಕೆಲವರು ತಿಳಿಸಿದರು. ಆದರೆ ಖಾಸಗಿ ಹಾಸ್ಪಿಟಲ್ನಲ್ಲಿ ಚಿಕಿತ್ಸೆ ಪಡೆಯಬೇಕೆಂದ್ರೆ 80 ಸಾವಿರ ಖರ್ಚಾಗುತ್ತದೆ. ಆದಕ್ಕೆ ಬಳ್ಳಾರಿಗೆ ಆಗಮಿಸಿದೆ. ಇಲ್ಲಿಯ ವೈದ್ಯರು, ನರ್ಸ್ಗಳು, ಉತ್ತಮ ಚಿಕಿತ್ಸೆ ನೀಡುತ್ತಿದ್ದಾರೆ ಎಂದು ಸೋಂಕಿತರೊಬ್ಬರು ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.
ರೋಗಿಗಳು ಉತ್ತಮ ಸೌಲಭ್ಯದ ಕುರಿತು ಉತ್ತಮ ಪ್ರತಿಕ್ರಿಯೆ ನೀಡುತ್ತಿದ್ದು ಈ ಮಾಹಿತಿಯನ್ನು ಜಿಲ್ಲಾಧಿಕಾರಿ ಎಸ್.ಎಸ್. ನಕುಲ್ ಅವರು ಮಾಹಿತಿ ಪ್ರಸಾರ ಗ್ರೂಪ್ನಲ್ಲಿ ಹಂಚಿಕೊಂಡಿದ್ದಾರೆ.
