ಬಳ್ಳಾರಿ: ಸಮೀಪದ ಕುಡಿತಿನಿ ಬಿಟಿಪಿಎಸ್ಗೆ ಇಂದು ಕಲ್ಲಿದ್ದಲು ಪೂರೈಕೆ ಆರಂಭವಾಗಿದೆ. ಕಲ್ಲಿದ್ದಲು ತುಂಬಿದ್ದ ಮೂರು ರೈಲುಗಳಲ್ಲಿ ಬಿಟಿಪಿಎಸ್ (ಬಳ್ಳಾರಿ ಶಾಖೋತ್ಪನ್ನ ವಿದ್ಯುತ್ ಉತ್ಪಾದನಾ ಘಟಕ)ಗೆ ಪೂರೈಕೆಯಾಗುತ್ತಿದೆ.
ಕಲ್ಲಿದ್ದಲು ಪೂರೈಕೆವಾಗದಿದ್ದರೇ ಬಿಟಿಪಿಎಸ್ ಸಂಪೂರ್ಣ ಸ್ಥಗಿತವಾಗುವ ಸಾಧ್ಯತೆ ಇತ್ತು. ಒಂದು ದಿನಕ್ಕೆ 25 ಸಾವಿರ ಟನ್ ಕಲ್ಲಿದ್ದಲು ಬಿಟಿಪಿಎಸ್ಗೆ ಅಗತ್ಯವಾಗಿದೆ.
ಒಟ್ಟು 1,700 ಮೆ.ವ್ಯಾ ಉತ್ಪಾದನಾ ಸಾಮರ್ಥ್ಯದ ಪೈಕಿ ಕೇವಲ ಒಂದು ಘಟಕ ಕಾರ್ಯ ನಿರ್ವಹಣೆ ಮಾಡುತ್ತಿದೆ. ಮೂಲಗಳ ಪ್ರಕಾರ ಬಿಟಿಪಿಎಸ್ನಲ್ಲಿ 36 ಸಾವಿರ ಟನ್ ಕಲ್ಲಿದ್ದಲು ಸಂಗ್ರಹವಿದೆ.
ಕಲ್ಲಿದ್ದಲು ಸಂಗ್ರಹ ಹೆಚ್ಚಾಗುವವರೆಗೂ ಒಂದೇ ಘಟಕ ಕಾರ್ಯನಿರ್ವಹಿಸಲಿದ್ದು, ಸಂಗ್ರಹ ಹೆಚ್ಚಾದ ಬಳಿಕವಷ್ಟೇ ಮೂರು ಘಟಕಗಳು ಕಾರ್ಯಾರಂಭ ಮಾಡಲಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಮಕ್ಕಳು ನಾಪತ್ತೆ ಪ್ರಕರಣ: ಓರ್ವ ಯುವತಿ ಸೇರಿ ನಾಲ್ವರು ಮಂಗಳೂರಿನಲ್ಲಿ ಪತ್ತೆ
