ಕಲ್ಲಿದ್ದಲು ಕೊರತೆ: ನಾಳೆಯಿಂದ ಕುಡಿತಿನಿ ಬಿಟಿಪಿಎಸ್ ಸ್ಥಗಿತ ಸಾಧ್ಯತೆ

ಕಲ್ಲಿದ್ದಲು ಪೂರೈಕೆಯಲ್ಲಿ ಕೊರತೆ ಕಂಡುಬಂದ ಹಿನ್ನೆಲೆಯಲ್ಲಿ ಬಳ್ಳಾರಿ ಜಿಲ್ಲೆಯ ಕುಡಿತಿನಿ ಸಮೀಪವಿರುವ ಬಿಟಿಪಿಎಸ್ ಕಾರ್ಯ ನಾಳೆಯಿಂದ ಸ್ಥಗಿತಗೊಳ್ಳುವ ಸಾಧ್ಯತೆ ಇದೆ.

ಬಳ್ಳಾರಿ: ಕಲ್ಲಿದ್ದಲು ಕೊರತೆಯಿಂದಾಗಿ ಜಿಲ್ಲೆಯ ಕುಡಿತಿನಿ ಸಮೀಪವಿರುವ ಬಿಟಿಪಿಎಸ್ (ಶಾಖೋತ್ಪನ್ನ ವಿದ್ಯುತ್ ಕೇಂದ್ರ) ಸ್ಥಗಿತವಾಗುವ ಆತಂಕ ಎದುರಾಗಿದೆ.

ಗಣಿ ಪ್ರದೇಶದಲ್ಲಿ ಮಳೆ, ನೆರೆ ಹಾಗೂ ರೈಲು ಸಂಚಾರದ ಸಮಸ್ಯೆಯಿಂದಾಗಿ ಕಲ್ಲಿದ್ದಲು ಪೂರೈಕೆಯಲ್ಲಿ ವ್ಯತ್ಯಯವಾಗಿದೆ. ಬಿಟಿಪಿಎಸ್​ಗೆ ಆಂಧ್ರದ ಸಿಂಗರೇಣಿ, ಮಹನಂದಿ, ಜೊತೆಗೆ ಮಹಾರಾಷ್ಟ್ರದಿಂದಲೂ ಕಲ್ಲಿದ್ದಲು ಪೂರೈಕೆಯಾಗುತ್ತಿತ್ತು. ಆದ್ರೆ ಇದೀಗ ಎಲ್ಲಾ ಕಡೆ ಕಲ್ಲಿದ್ದಲು ರವಾನೆ ಬಂದ್ ಆಗಿದ್ದು ಸಮಸ್ಯೆ ಉದ್ಭವಿಸಿದೆ.

1,700 ಮೆಗಾ ವ್ಯಾಟ್ ಸಾಮರ್ಥ್ಯದ ಬಿಟಿಪಿಎಸ್​ಗೆ ದಿನಕ್ಕೆ 25 ಸಾವಿರ ಟನ್ ಕಲ್ಲಿದ್ದಲು ಬೇಕು. ಆದ್ರೆ ಅಧಿಕಾರಿಗಳು ಕಳೆದ ನಾಲ್ಕು ದಿನಗಳ ಹಿಂದೆ ಬಿಟಿಪಿಎಸ್​ನಲ್ಲಿ ಕೇವಲ 15 ಸಾವಿರ ಟನ್ ಸ್ಟಾಕ್ ಇದೆ ಎಂದಿದ್ದರು. ಜೊತೆಗೆ ಇರುವ ಮೂರು ಘಟಕಗಳಲ್ಲಿ ಎರಡು ಘಟಕ ಬಂದ್ ಮಾಡಿದ್ರು. ಇಂದು ಒಂದು ಘಟಕ ಕಾರ್ಯ ನಿರ್ವಹಿಸುತ್ತಿದ್ದು, ನಾಳೆಯಿಂದ ಬಿಟಿಪಿಎಸ್ ಸಂಫೂರ್ಣವಾಗಿ ಸ್ಥಗಿತಗೊಳ್ಳುವ ಸಾಧ್ಯತೆ ಇದೆ.