ನಗರದಲ್ಲಿ ಬಂಬೂ ಬ್ಯಾರಿಕೇಡ್ ಹಾಕಲು ಮುಂದಾದ ಬಳ್ಳಾರಿ ಪಾಲಿಕೆ... ಇದು ಈಟಿವಿ ಭಾರತ ಇಂಪ್ಯಾಕ್ಟ್​!

ಕೊನೆಗೂ ಎಚ್ಚತ್ತ ಬಳ್ಳಾರಿ ಮಹಾನಗರ ಪಾಲಿಕೆ, ನಗರದಲ್ಲಿ ಬಂಬೂ ಬ್ಯಾರಿಕೇಡ್​ ಹಾಕಲು ಮುಂದಾಗಿದೆ.

ಬಳ್ಳಾರಿ: ರಾಜ್ಯವ್ಯಾಪಿ ಮುಂದಿನ 14 ದಿನಗಳ ಕಾಲ ಕರೆ ನೀಡಿರುವ ಕೊರೊನಾ ನಿಯಂತ್ರಣದ ಲಾಕ್​ಡೌನ್ ಹಿನ್ನೆಲೆ ಬಳ್ಳಾರಿ ಮಹಾನಗರದಲ್ಲಿ ಬಂಬೂ ಮತ್ತು ಕಟ್ಟಿಗೆಯಿಂದ ಬ್ಯಾರಿಕೇಡ್ ಅಳವಡಿಸಲು ಕೊನೆಗೂ ಬಳ್ಳಾರಿ ಮಹಾನಗರ ಪಾಲಿಕೆ ಮುಂದಾಗಿದೆ.

ಈ ಬಗ್ಗೆ ಈಟಿವಿ ಭಾರತ ‘ಲಾಕ್​​ಡೌನ್​ಗೆ ಪೂರ್ವ ತಯಾರಿ ಮಾಡಿಕೊಳ್ಳದ ಪಾಲಿಕೆ: ನಗರದಲ್ಲಿ ಬ್ಯಾರಿಕೇಡ್ ಹಾಕಲು ಹಿಂದೇಟು’ ಎಂಬ ಶೀರ್ಷಿಕೆ ಅಡಿಯಲ್ಲಿ ವರದಿ ಪ್ರಕಟಿಸಿತ್ತು. ಅದನ್ನ ಸೂಕ್ಷ್ಮವಾಗಿ ಗಮನಿಸಿದ ಬಳ್ಳಾರಿ ಮಹಾನಗರ ಪಾಲಿಕೆ ಆಯುಕ್ತೆ ಪ್ರೀತಿ ಗೆಹ್ಲೋಟ್, ಬಳ್ಳಾರಿ ‌ಮಹಾನಗರದ ಪ್ರಮುಖ ರಸ್ತೆಗಳು ಸೇರಿದಂತೆ ನಗರದಲ್ಲಿ ಬಂಬೂ ಮತ್ತು ಕಟ್ಟಿಗೆಯಿಂದ ಬ್ಯಾರಿಕೇಡ್​ಗಳನ್ನು ಅಳವಡಿಸಿದ್ದಾರೆ.

ನಿನ್ನೆಯಿಂದಲೇ ನಗರದ ಪ್ರಮುಖ ರಸ್ತೆಗಳಾದ ಗಡಿಗಿ ಚನ್ನಪ್ಪ, ಮೋತಿ ವೃತ್ತ, ಎಸ್ಪಿ ವೃತ್ತ ಹಾಗೂ ಬೆಂಗಳೂರು ರಸ್ತೆ ಸೇರಿದಂತೆ ನಾನಾ ಕಡೆಗಳಲ್ಲಿ ಈ ಬಂಬೂ ಮತ್ತು ಕಟ್ಟಿಗೆಯ ಬ್ಯಾರಿಕೇಡ್ ಅಳವಡಿಸಲಾಗಿದ್ದು, ಇಂದು ಸಹ ಇದರ ಕಾರ್ಯ ಮುಂದುವರೆಯಲಿದೆ.