ಬಳ್ಳಾರಿ: ಮಹಾಮಾರಿ ಕೋವಿಡ್ -19 ಸೋಂಕು ಹರಡುವಿಕೆಯಿಂದ ಉದ್ಭವಿಸಿದ ಸಂಕಷ್ಟದ ಹಿನ್ನೆಲೆಯಲ್ಲಿ ಗಣಿನಾಡಿನ ಕಲಾ-ಸಂಘಗಳಿಗೆ ಆರ್ಥಿಕ ನೆರವು ನೀಡುವ ಸಲುವಾಗಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಅಂದಾಜು 17 ಕೋಟಿ ರೂ. ಅನುದಾನದ ಕ್ರಿಯಾ - ಯೋಜನೆಯ ತಯಾರಿ ನಡೆಸಿದೆ.
2019-20ನೇ ಸಾಲಿನಲ್ಲಿ ಕೋವಿಡ್ - 19 ಸೋಂಕು ಹರಡುವಿಕೆಯಿಂದ ಗಣಿ ಜಿಲ್ಲೆಯಲ್ಲಿನ ಬಡ ಕಲಾ- ಸಂಘಗಳು ಅನುದಾನದ ಕೊರತೆಯನ್ನು ಎದುರಿಸುತ್ತಿವೆ. ಈ ಆರ್ಥಿಕ ಸಂಕಷ್ಟದ ನಿವಾರಣೆಗೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯು ಕ್ರಿಯಾ - ಯೋಜನೆಯನ್ನು ತಯಾರಿಸಲಾಗಿದೆ. ಅಂದಾಜು 10 ಕೋಟಿ ರೂ. ಅನುದಾನವನ್ನು ಸಾಮಾನ್ಯ ವರ್ಗದ ಕಲಾ - ಸಂಘಗಳಿಗೆ ಮೀಸಲಿರಿಸಲಾಗಿದೆ. ಅಂದಾಜು 7 ಕೋಟಿ ರೂ. ಅನುದಾನವನ್ನು ಪರಿಶಿಷ್ಟ ಪಂಗಡ ಹಾಗೂ ಪರಿಶಿಷ್ಟ ಜಾತಿ ಸಮುದಾಯದ ವರ್ಗಗಳಿಗೆ ಮೀಸಲಿರಿಸಲಾಗಿದೆ ಎಂದು ಜಿಲ್ಲಾ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಸಿದ್ದಲಿಂಗೇಶ ಕೆ.ರಂಗಣ್ಣನವರ್ 'ಈ ಟಿವಿ ಭಾರತ್' ಗೆ ತಿಳಿಸಿದ್ದಾರೆ.
ಜಿಲ್ಲೆಯ ನೂರಾರು ಕಲಾ- ಸಂಘಗಳ ಬಡ ಕಲಾವಿದರಿಗೆ ಈಗಾಗಲೇ ಅಂದಾಜು 2000 ರೂ. ಧನ ಸಹಾಯ ನೀಡಲಾಗಿದ್ದು, ಕಲಾವಿದರಿಗೆಲ್ಲರಿಗೂ ಮಾಸಾಶನ ನೀಡಲಾಗಿದೆ. ಇದಲ್ಲದೇ, ಕಲಾವಿದರು ಮೃತಪಟ್ಟರೆ, ವಿಧವೆಯರಿಗೂ ಕೂಡ ಮಾಸಾಶನ ನೀಡಲಾಗುತ್ತಿದೆ ಎಂದು ಸಿದ್ದಲಿಂಗೇಶ ತಿಳಿಸಿದ್ದಾರೆ.
