ತುಂಗಭದ್ರಾ ಜಲಾಶಯದಿಂದ 42, 572 ಕ್ಯೂಸೆಕ್ ನೀರು ನದಿಗೆ

ತುಂಗಭದ್ರಾ ಜಲಾಶಯದಿಂದ ನದಿಗೆ 42,572 ಕ್ಯೂಸೆಕ್ ನೀರನ್ನು ಹರಿಬಿಡಲಾಗುತ್ತಿದೆ. ಜಲಾನಯನ ವ್ಯಾಪ್ತಿಯಲ್ಲಿ ಉತ್ತಮ ಮಳೆಯಾಗುತ್ತಿದ್ದು, ಉತ್ತಮ ಒಳಹರಿವು ದಾಖಲಾಗಿದೆ. ಟಿಬಿ ಡ್ಯಾಂನಿಂದ ನದಿಗೆ 42, 572 ಕ್ಯೂಸೆಕ್ ನೀರು ಹೊರ ಬಿಡಲಾಗುತ್ತಿದೆ.

ಹೊಸಪೇಟೆ: ತುಂಗಭದ್ರಾ ಜಲಾಶಯದಿಂದ ನದಿಗೆ 42,572 ಕ್ಯೂಸೆಕ್ ನೀರನ್ನು ಹರಿಬಿಡಲಾಗುತ್ತಿದೆ.

ಎರಡು ಅಡಿ ಎತ್ತರದ ಮೂಲಕ 12 ಕ್ರಸ್ಟ್ ಗೇಟ್​ನಲ್ಲಿ ಹಾಗೂ ಒಂದು ಅಡಿ ಎತ್ತರದ ಮೂಲಕ 4 ಕ್ರಸ್ಟ್ ಗೇಟ್​ನ ಮೂಲಕ ನದಿಗೆ ನೀರನ್ನು ಹರಿಸಲಾಗುತ್ತಿದೆ. ಒಟ್ಟು 16 ಕ್ರಸ್ಟ್‌ ಗೇಟ್ ಮೂಲಕ ನೀರನ್ನು ರಿಲೀಸ್ ಮಾಡಲಾಗಿದೆ. ಸದ್ಯ ಜಲಾಶಯದಲ್ಲಿ 1,633 ಅಡಿ ನೀರು ಇದ್ದು, 100.855 ಟಿಎಂಸಿ ನೀರು ಸಂಗ್ರಹವಾಗಿದೆ.

ಜಲಾಶಯಕ್ಕೆ ಹೊರ ಹರಿವಿನ ಆಧಾರದ ಮೇಲೆ ನದಿಗೆ ನೀರನ್ನು ಹರಿಸಲಾಗುತ್ತಿದೆ. ತುಂಗಭದ್ರಾ ಜಲಾಶಯದ ವ್ಯಾಪ್ತಿಯಲ್ಲಿ ಉತ್ತಮ ಮಳೆಯಾಗುತ್ತಿದ್ದು, ಒಳಹರಿವು ಹೆಚ್ಚಳವಾಗಿದೆ. ಹಲವು ದಿನಗಳಿಂದ ಒಳಹರಿವಿನ ಪ್ರಮಾಣ ಕುಸಿತಕಂಡಿತ್ತು. ಈಗ ಮತ್ತೆ ಒಳಹರಿವನ ಪ್ರಮಾಣ ಅಧಿಕವಾಗಿದೆ.