ಕೊರೊನಾ ನಿರ್ಮೂಲನೆಗೆ ಪ್ರಾರ್ಥಿಸಿ ಗೋಕಾಕಿನ ಬನಶಂಕರಿಗೆ ವಿಶೇಷ ಹೋಮ

ಗೋಕಾಕ ನಗರದಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿದ್ದು, ಜನರಲ್ಲಿ ಭೀತಿ ಹೆಚ್ಚಿಸಿದೆ. ಈ ಕಾರಣಕ್ಕೆ ಕೊರೊನಾ ತೊಲಗಲೆಂದು ಸ್ಥಳೀಯರು ವಿಶೇಷ ಹೋಮ ನಡೆಸಿದ್ದಾರೆ.

ಬೆಳಗಾವಿ: ಕೊರೊನಾ ತೊಲಗಲೆಂದು ಪ್ರಾರ್ಥಿಸಿ ಗೋಕಾಕ ನಗರದ ಅಪ್ಸರಾ ಕೂಟದಲ್ಲಿರುವ ಬನಶಂಕರಿ ದೇವಸ್ಥಾನದಲ್ಲಿ ವಿಶೇಷ ಹೋಮ ನಡೆಸಲಾಯಿತು.

ಇಂದಿನಿಂದ ಒಂದು ವಾರ ಗೋಕಾಕಿನಲ್ಲಿ ಲಾಕ್​ಡೌನ್ ಇರುವ ಕಾರಣ ದಿನಸಿ ಖರೀದಿಗೂ ಜನರು ಮುಗಿಬಿದ್ದಿದ್ದು, ಗೋಕಾಕಿನ ಪ್ರಮುಖ ಮಾರ್ಕೆಟ್​ಗಳೆಲ್ಲವೂ ಫುಲ್ ರಷ್ ಆಗಿವೆ. ಸಾಮಾಜಿಕ ಅಂತರ ಮರೆತು, ಮಾಸ್ಕ್ ಧರಿಸದೇ ಮಾರುಕಟ್ಟೆ ಪ್ರದೇಶದಲ್ಲಿ ಜನಜಂಗುಳಿ ನೆರೆದಿದೆ.