ETV Bharat / state

'ಇಲ್ಲ'ಗಳ ಸರಮಾಲೆ ಈ ಸರ್ಕಾರಿ ಶಾಲೆ... ಸರ್ಕಾರ ರೂಪಿಸಿದ ಯೋಜನೆಗಳೆಲ್ಲಾ ಎಲ್ಲಿ ಹೋದವು - ಚಿಕ್ಕೋಡಿ

ಚಿಕ್ಕೋಡಿ ತಾಲೂಕಿನ ಜೋಡಕುರಳಿ ಗ್ರಾಮದಲ್ಲಿರುವ ಸರ್ಕಾರಿ ಶಾಲೆಯೂ ಯಾವುದೇ ಮೂಲಭೂತ ಸೌಕರ್ಯಗಳಿಲ್ಲದೆ ಸೊರಗುತ್ತಿದ್ದು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಸಂಕಷ್ಟಕ್ಕೀಡಾಗಿದ್ದಾರೆ.

'ಇಲ್ಲ'ಗಳ ಸರಮಾಲೆ ಈ ಸರ್ಕಾರಿ ಶಾಲೆ... ಸರ್ಕಾರ ರೂಪಿಸಿದ ಯೋಜನೆಗಳೆಲ್ಲಾ ಎಲ್ಲಿ ಹೋದವು

ಮೂಲಭೂತ ಸೌಕರ್ಯಗಳಿಲ್ಲದೆ ಸೊರಗುತ್ತಿರುವ ಸರ್ಕಾರಿ ಶಾಲೆ

By

Published : Jun 20, 2019, 4:40 AM IST

ಚಿಕ್ಕೋಡಿ: ಸರ್ಕಾರ ಸರ್ವ ಶಿಕ್ಷಣ ಅಭಿಯಾನದಡಿ ಉಚಿತ ಹಾಗೂ ಗುಣಾತ್ಮಕ ಶಿಕ್ಷಣ ನೀಡುತ್ತಿದೆ. ಆದರೆ, ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಶಾಲೆಯೊಂದರಲ್ಲಿ ಮಕ್ಕಳಿಗೆ ಕೂರಲು ಸಹ ಸ್ಥಳಾವಕಾಶವಿಲ್ಲದೆ ಸಮುದಾಯ ಭವನಗಳಲ್ಲಿ ಕುಳಿತು ಪಾಠ ಕೇಳುವ ಪರಿಸ್ಥಿತಿ ಇದೆ.

ಚಿಕ್ಕೋಡಿ ತಾಲೂಕಿನ ಜೋಡಕುರಳಿ ಗ್ರಾಮದಲ್ಲಿ ಇಂತಹ ಪರಿಸ್ಥಿತಿ ನಿರ್ಮಾಣವಾಗಿದ್ದು ಈ ಬಗ್ಗೆ ಅಧಿಕಾರಿಗಳು ಹಾಗೂ ಸ್ಥಳೀಯ ಪ್ರಭಾವಿ ಜನಪ್ರತಿನಿಧಿಗಳು ಜಾಣ ಕುರುಡರಂತೆ ವರ್ತಿಸುತ್ತಿದ್ದಾರೆ. ಜೋಡಕುರಳಿ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯು 1939 ರಲ್ಲಿ ಆರಂಭವಾಗಿದ್ದು ಈ ಶಾಲೆಯಲ್ಲಿ ಒಟ್ಟು ಸುಮಾರು 650 ರಷ್ಟು ವಿದ್ಯಾರ್ಥಿಗಳಿದ್ದು, 1 ನೇ ತರಗತಿಯಿಂದ 8 ನೇಯ ತರಗತಿವರೆಗೆ ಶಿಕ್ಷಣ ನೀಡಲಾಗುತ್ತಿದೆ.

ಶಿಕ್ಷಕರ ಕೊರತೆ:

ಜೊತೆಗೆ ಈ ಶಾಲೆಯೂ ಶಿಕ್ಷಕರ ಕೊರತೆಯನ್ನು ಅನುಭವಿಸುತ್ತಿದೆ. ಇಲ್ಲಿಗೆ ಒಟ್ಟು 23 ಶಿಕ್ಷಕರ ಅಗತ್ಯವಿದ್ದು, ಈ ಪೈಕಿ 10 ಶಿಕ್ಷಕರು ಮಾತ್ರ ಇದ್ದು, ಸುಮಾರು 13 ಶಿಕ್ಷಕರ ಕೊರತೆ ಇದೆ. ಇನ್ನು ಒಟ್ಟು ಆರು ಕೊಠಡಿಗಳಲ್ಲಿ ಪ್ರಾಥಮಿಕ ಹಾಗೂ ಹಿರಿಯ ಪ್ರಾಥಮಿಕ ಶಾಲೆಯನ್ನು ನಡೆಸಲಾಗುತ್ತಿದ್ದು, ಅದರಲ್ಲಿ ಒಂದು ಅಡುಗೆಗಾಗಿ ಹಾಗೂ ಮತ್ತೊಂದು ಶಿಕ್ಷಕರಿಗಾಗಿ ಇದ್ದು, ಉಳಿದ ನಾಲ್ಕು ಕೊಠಡಿಗಳಲ್ಲಿ ಮಾತ್ರ ವಿದ್ಯಾರ್ಥಿಗಳು ಶಿಕ್ಷಣ ಪಡೆಯುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಶಾಲೆಗೆ ಒಟ್ಟು 10 ಕೊಠಡಿಗಳ ಅವಶ್ಯಕತೆ ಇದೆ ಎಂದು ಜೋಡಕುರಳಿ ಹಿರಿಯ ಪ್ರಾಥಮಿಕ ಶಾಲಾ ಮುಖ್ಯೋಪಾಧ್ಯಾಯ ಬಿ.ಜಿ. ಬಾಗವಾನ ಸಮಸ್ಯೆ ಬಿಚ್ಚಿಟ್ಟರು.

ಮೂಲಭೂತ ಸೌಕರ್ಯಗಳಿಲ್ಲದೆ ಸೊರಗುತ್ತಿರುವ ಸರ್ಕಾರಿ ಶಾಲೆ

ರಾಷ್ಟ್ರೀಯ ಮಾಧ್ಯಮಿಕ ಶಿಕ್ಷಣದಡಿ 2013-14ರಲ್ಲಿ 8 ಮತ್ತು 9ನೇ ತರಗತಿ ಆರಂಭವಾಗಿದ್ದು, ಸ್ವಂತ ಕಟ್ಟಡವಿಲ್ಲ. 2018-19 ರಲ್ಲಿ ಜಿಲ್ಲಾ ಪಂಚಾಯತ್ನಿಂದ ಕೊಠಡಿ ಕಾಮಗಾರಿಗೆ ಅನುದಾನ ಮಂಜೂರಾಗಿದ್ದು, ಇದುವರೆಗೂ ಕಾಮಗಾರಿಯ ಸುಳಿವಿಲ್ಲ. ಹೀಗಾಗಿ ಇರುವುದರಲ್ಲೇ ಮೂರು ಕೊಠಡಿಗಳನ್ನು ಪ್ರೌಢಶಾಲೆಗೆ ಕೊಟ್ಟು ಪಕ್ಕದ ಅಂಬೇಡ್ಕರ್ ಭವನದಲ್ಲಿ ಹಾಗೂ ಕನಕ ಭವನದಲ್ಲಿ ಪ್ರಾಥಮಿಕ ಶಾಲೆಯ ವಿಧ್ಯಾರ್ಥಿಗಳಿಗೆ ಶಿಕ್ಷಣ ನೀಡಲಾಗುತ್ತಿದೆ. ನಾಲ್ಕು, ಐದು, ಆರನೇ ಹಾಗೂ ಏಳನೇ ತರಗತಿಯಲ್ಲಿ ಸುಮಾರು 200 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು ಸರಿಯಾದ ಸಿಮೆಂಟ್ ಕಾಣದ ಗೋಡೆಯ ಮಧ್ಯೆ, ನೆಲದ ಮೇಲೆ ಕುಳಿತು ಪಾಠ ಕಲಿಯಬೇಕಾದ ಅನಿವಾರ್ಯತೆ ಇದೆ.

ನೀರಿಗೂ ಬರ

ಶಾಲೆಯಲ್ಲಿ ವಿದ್ಯಾರ್ಥಿಗಳು ಕುಡಿಯುವ ನೀರಿಗಾಗಿ ಪರದಾಡುವ ಸ್ಥಿತಿ ಉಂಟಾಗಿದ್ದು, ಊಟದ ನಂತರ ಮಕ್ಕಳು ತಮ್ಮ ತಟ್ಟೆ ತೊಳೆಯಲು ಹಾಗೂ ಕುಡಿಯಲು ನೀರು ಬೇಕಾದರು ಸುಮಾರು 200 ಮೀಟರ್ನಷ್ಟು ನಡೆದು ಸಾರ್ವಜನಿಕ ನೀರಿನ ಟ್ಯಾಂಕ್ ಅರಸಿ ಹೋಗಬೇಕಾಗಿದೆ. ಇನ್ನು ಶಾಲೆಯಲ್ಲಿ ಶೌಚಾಲಯವಿದ್ದರೂ ನೀರಿಲ್ಲದೇ ಇರುವುದರಿಂದ ವಿದ್ಯಾರ್ಥಿಗಳು ಅನಿವಾರ್ಯವಾಗಿ ಬಯಲು ಬಹಿರ್ದೆಸೆಗೆ ಹೋಗಬೇಕಾದ ಸ್ಥಿತಿ ಇದೆ.

ಒಟ್ಟಿನಲ್ಲಿ ಈ ಶಾಲೆ ಕರ್ನಾಟಕ-ಮಹಾರಾಷ್ಟ್ರ ಗಡಿಗೆ ಸಮೀಪದಲ್ಲಿದ್ದು, ಗಡಿಭಾಗದಲ್ಲಿರುವ ಕನ್ನಡ ಶಾಲೆಗಳನ್ನು ಉಳಿಸಿಕೊಳ್ಳಲು ಸರ್ಕಾರ ರೂಪಿಸಿದ ಯೋಜನೆಗಳೆಲ್ಲಾ ಎಲ್ಲಿ ಹೋದವು ಎಂಬ ಪ್ರಶ್ನೆ ಮೂಡಿದೆ.

ಚಿಕ್ಕೋಡಿ: ಸರ್ಕಾರ ಸರ್ವ ಶಿಕ್ಷಣ ಅಭಿಯಾನದಡಿ ಉಚಿತ ಹಾಗೂ ಗುಣಾತ್ಮಕ ಶಿಕ್ಷಣ ನೀಡುತ್ತಿದೆ. ಆದರೆ, ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಶಾಲೆಯೊಂದರಲ್ಲಿ ಮಕ್ಕಳಿಗೆ ಕೂರಲು ಸಹ ಸ್ಥಳಾವಕಾಶವಿಲ್ಲದೆ ಸಮುದಾಯ ಭವನಗಳಲ್ಲಿ ಕುಳಿತು ಪಾಠ ಕೇಳುವ ಪರಿಸ್ಥಿತಿ ಇದೆ.

ಚಿಕ್ಕೋಡಿ ತಾಲೂಕಿನ ಜೋಡಕುರಳಿ ಗ್ರಾಮದಲ್ಲಿ ಇಂತಹ ಪರಿಸ್ಥಿತಿ ನಿರ್ಮಾಣವಾಗಿದ್ದು ಈ ಬಗ್ಗೆ ಅಧಿಕಾರಿಗಳು ಹಾಗೂ ಸ್ಥಳೀಯ ಪ್ರಭಾವಿ ಜನಪ್ರತಿನಿಧಿಗಳು ಜಾಣ ಕುರುಡರಂತೆ ವರ್ತಿಸುತ್ತಿದ್ದಾರೆ. ಜೋಡಕುರಳಿ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯು 1939 ರಲ್ಲಿ ಆರಂಭವಾಗಿದ್ದು ಈ ಶಾಲೆಯಲ್ಲಿ ಒಟ್ಟು ಸುಮಾರು 650 ರಷ್ಟು ವಿದ್ಯಾರ್ಥಿಗಳಿದ್ದು, 1 ನೇ ತರಗತಿಯಿಂದ 8 ನೇಯ ತರಗತಿವರೆಗೆ ಶಿಕ್ಷಣ ನೀಡಲಾಗುತ್ತಿದೆ.

ಶಿಕ್ಷಕರ ಕೊರತೆ:

ಜೊತೆಗೆ ಈ ಶಾಲೆಯೂ ಶಿಕ್ಷಕರ ಕೊರತೆಯನ್ನು ಅನುಭವಿಸುತ್ತಿದೆ. ಇಲ್ಲಿಗೆ ಒಟ್ಟು 23 ಶಿಕ್ಷಕರ ಅಗತ್ಯವಿದ್ದು, ಈ ಪೈಕಿ 10 ಶಿಕ್ಷಕರು ಮಾತ್ರ ಇದ್ದು, ಸುಮಾರು 13 ಶಿಕ್ಷಕರ ಕೊರತೆ ಇದೆ. ಇನ್ನು ಒಟ್ಟು ಆರು ಕೊಠಡಿಗಳಲ್ಲಿ ಪ್ರಾಥಮಿಕ ಹಾಗೂ ಹಿರಿಯ ಪ್ರಾಥಮಿಕ ಶಾಲೆಯನ್ನು ನಡೆಸಲಾಗುತ್ತಿದ್ದು, ಅದರಲ್ಲಿ ಒಂದು ಅಡುಗೆಗಾಗಿ ಹಾಗೂ ಮತ್ತೊಂದು ಶಿಕ್ಷಕರಿಗಾಗಿ ಇದ್ದು, ಉಳಿದ ನಾಲ್ಕು ಕೊಠಡಿಗಳಲ್ಲಿ ಮಾತ್ರ ವಿದ್ಯಾರ್ಥಿಗಳು ಶಿಕ್ಷಣ ಪಡೆಯುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಶಾಲೆಗೆ ಒಟ್ಟು 10 ಕೊಠಡಿಗಳ ಅವಶ್ಯಕತೆ ಇದೆ ಎಂದು ಜೋಡಕುರಳಿ ಹಿರಿಯ ಪ್ರಾಥಮಿಕ ಶಾಲಾ ಮುಖ್ಯೋಪಾಧ್ಯಾಯ ಬಿ.ಜಿ. ಬಾಗವಾನ ಸಮಸ್ಯೆ ಬಿಚ್ಚಿಟ್ಟರು.

ಮೂಲಭೂತ ಸೌಕರ್ಯಗಳಿಲ್ಲದೆ ಸೊರಗುತ್ತಿರುವ ಸರ್ಕಾರಿ ಶಾಲೆ

ರಾಷ್ಟ್ರೀಯ ಮಾಧ್ಯಮಿಕ ಶಿಕ್ಷಣದಡಿ 2013-14ರಲ್ಲಿ 8 ಮತ್ತು 9ನೇ ತರಗತಿ ಆರಂಭವಾಗಿದ್ದು, ಸ್ವಂತ ಕಟ್ಟಡವಿಲ್ಲ. 2018-19 ರಲ್ಲಿ ಜಿಲ್ಲಾ ಪಂಚಾಯತ್ನಿಂದ ಕೊಠಡಿ ಕಾಮಗಾರಿಗೆ ಅನುದಾನ ಮಂಜೂರಾಗಿದ್ದು, ಇದುವರೆಗೂ ಕಾಮಗಾರಿಯ ಸುಳಿವಿಲ್ಲ. ಹೀಗಾಗಿ ಇರುವುದರಲ್ಲೇ ಮೂರು ಕೊಠಡಿಗಳನ್ನು ಪ್ರೌಢಶಾಲೆಗೆ ಕೊಟ್ಟು ಪಕ್ಕದ ಅಂಬೇಡ್ಕರ್ ಭವನದಲ್ಲಿ ಹಾಗೂ ಕನಕ ಭವನದಲ್ಲಿ ಪ್ರಾಥಮಿಕ ಶಾಲೆಯ ವಿಧ್ಯಾರ್ಥಿಗಳಿಗೆ ಶಿಕ್ಷಣ ನೀಡಲಾಗುತ್ತಿದೆ. ನಾಲ್ಕು, ಐದು, ಆರನೇ ಹಾಗೂ ಏಳನೇ ತರಗತಿಯಲ್ಲಿ ಸುಮಾರು 200 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು ಸರಿಯಾದ ಸಿಮೆಂಟ್ ಕಾಣದ ಗೋಡೆಯ ಮಧ್ಯೆ, ನೆಲದ ಮೇಲೆ ಕುಳಿತು ಪಾಠ ಕಲಿಯಬೇಕಾದ ಅನಿವಾರ್ಯತೆ ಇದೆ.

ನೀರಿಗೂ ಬರ

ಶಾಲೆಯಲ್ಲಿ ವಿದ್ಯಾರ್ಥಿಗಳು ಕುಡಿಯುವ ನೀರಿಗಾಗಿ ಪರದಾಡುವ ಸ್ಥಿತಿ ಉಂಟಾಗಿದ್ದು, ಊಟದ ನಂತರ ಮಕ್ಕಳು ತಮ್ಮ ತಟ್ಟೆ ತೊಳೆಯಲು ಹಾಗೂ ಕುಡಿಯಲು ನೀರು ಬೇಕಾದರು ಸುಮಾರು 200 ಮೀಟರ್ನಷ್ಟು ನಡೆದು ಸಾರ್ವಜನಿಕ ನೀರಿನ ಟ್ಯಾಂಕ್ ಅರಸಿ ಹೋಗಬೇಕಾಗಿದೆ. ಇನ್ನು ಶಾಲೆಯಲ್ಲಿ ಶೌಚಾಲಯವಿದ್ದರೂ ನೀರಿಲ್ಲದೇ ಇರುವುದರಿಂದ ವಿದ್ಯಾರ್ಥಿಗಳು ಅನಿವಾರ್ಯವಾಗಿ ಬಯಲು ಬಹಿರ್ದೆಸೆಗೆ ಹೋಗಬೇಕಾದ ಸ್ಥಿತಿ ಇದೆ.

ಒಟ್ಟಿನಲ್ಲಿ ಈ ಶಾಲೆ ಕರ್ನಾಟಕ-ಮಹಾರಾಷ್ಟ್ರ ಗಡಿಗೆ ಸಮೀಪದಲ್ಲಿದ್ದು, ಗಡಿಭಾಗದಲ್ಲಿರುವ ಕನ್ನಡ ಶಾಲೆಗಳನ್ನು ಉಳಿಸಿಕೊಳ್ಳಲು ಸರ್ಕಾರ ರೂಪಿಸಿದ ಯೋಜನೆಗಳೆಲ್ಲಾ ಎಲ್ಲಿ ಹೋದವು ಎಂಬ ಪ್ರಶ್ನೆ ಮೂಡಿದೆ.

Intro:ಮಕ್ಕಳಿಗೆ ಸರಿಯಾದ ಕಟ್ಟಡ ಇಲ್ಲ, ಮೂಲ ಸೌಕರ್ಯ ಕೊರತೆಯಿಂದ ಬೇಸತ್ತ ವಿದ್ಯಾರ್ಥಿಗಳು
Body:
ಚಿಕ್ಕೋಡಿ :
ಪ್ಯಾಕೇಜ್

ಸರ್ವ ಶಿಕ್ಷಣ ಅಭಿಯಾನದಡಿ ಶಿಕ್ಷಣ ಇಲಾಖೆ ಹತ್ತು ಹಲವು ಸರ್ಕಾರದ ಮಹತ್ವಾಕಾಂಕ್ಷೀಯ ಯೋಜನೆಯ ಅಡಿಯಲ್ಲಿ ಉಚಿತ ಹಾಗೂ ಗುಣಾತ್ಮಕ ಶಿಕ್ಷಣ ನೀಡುತ್ತಿದೆ. ಆದರೆ, ಇಲ್ಲೊಂದು ಶಾಲೆಯಲ್ಲಿ ಮಕ್ಕಳಿಗೆ ಸ್ಥಳಾವಕಾಶವಿಲ್ಲದೆ ಬೆಂಚ್‍ಗಳ ಮೂಲೆಗಳಲ್ಲಿ ಹಾಗೂ ಸಮೂದಾಯ ಭವನಗಳಲ್ಲಿ ಕುಳಿತು ಶಾಲೆ ಕೆಲಿಯುವ ಪರಸ್ಥಿತಿ ನಿರ್ಮಾಣವಾಗಿದೆ. ಹಲವು ಮೂಲ ಭೂತ ಸೌಕರ್ಯ ಕೊರತೆಗಳ ಮದ್ಯ ಶಾಲೆ ಕಲಿಯುವ ಪರಿಸ್ಥಿತಿ ಸುಮಾರು ಎರಡು ವರ್ಷಗಳಿಂದ ಚಾಲ್ತಿಯಲ್ಲಿರುವುದು ವಿಪರ್ಯಾಸವೇ ಸರಿ.

ಹೌದು ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಜೋಡಕುರಳಿ ಗ್ರಾಮದದಲ್ಲಿ ಇಂತಹ ಪರಿಸ್ಥಿತಿ ನಿರ್ಮಾಣವಾಗಿದ್ದು ಅನಿವಾರ್ಯತೆಯ ಪರಿಸ್ಥತಿಯಲ್ಲಿ ಮಕ್ಕಳು ಶಾಲೆ ಕಲಿಯುತ್ತಿದ್ದು ಅಧಿಕಾರಿಗಳು ಹಾಗೂ ಸ್ಥಳೀಯ ಪ್ರಭಾವಿ ಜನಪ್ರತಿನಿಧಿಗಳು ಜಾನ ಕುರುಡರಂತೆ ವರ್ತಿಸುತ್ತಿರುವುದು ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ.

ಜೋಡಕುರಳಿ ನಮ್ಮೂರ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯು 1939 ರಲ್ಲಿ ಆರಂಭವಾಗಿದ್ದು ಈ ಶಾಲೆಯಲ್ಲಿ ಒಟ್ಟು ಸುಮಾರು 650 ರಷ್ಟು ವಿಧ್ಯಾರ್ಥಿಗಳೊಂದಿಗೆ 1 ನೇ ತರಗತಿಯಿಂದ 8 ನೇಯ ತರಗತಿವರೆಗೆ ಪ್ರಾಥಮಿಕ ಶಾಲೆಯಲ್ಲಿ ನಡೆಸಲಾಗುತ್ತಿದ್ದು, ಒಟ್ಟು 23 ಶಿಕ್ಷಕರ ಪೈಕಿ 10 ಶಿಕ್ಷಕರು ಮಾತ್ರ ಇದ್ದು ಇನ್ನು ಸುಮಾರು 13 ಶಿಕ್ಷಕರ ಕೊರತೆ ಅನುಭವಿಸುತ್ತಿದೆ ಎಂದು
ಜೋಡಕುರಳಿ ಹಿರಿಯ ಪ್ರಾಥಮಿಕ ಶಾಲಾ ಮುಖ್ಯೋಪಾದ್ಯಾಯ ಬಿ.ಜಿ ಬಾಗವಾನ ತಮ್ಮ ತೊಂದರೆಯನ್ನು ಹೇಳಿಕೊಂಡರು.

ಇನ್ನು ಒಟ್ಟು ಆರು ಕೊಠಡಿಗಳಲ್ಲಿ ಪ್ರಾಥಮಿಕ ಹಾಗೂ ಹಿರಿಯ ಪ್ರಾಥಮಿಕ ಶಾಲೆಯನ್ನು ನಡೆಸಲಾಗುತ್ತಿದ್ದು, ಅದರಲ್ಲಿ ಒಂದು ಅಡುಗೆಗಾಗಿ ಹಾಗೂ ಶಿಕ್ಷಕರಿಗಾಗಿ ಒಂದು ಕೋಠಡಿ ಇದ್ದು, ಉಳಿದ ನಾಲ್ಕು ಕೊಠಡಿಗಳಲ್ಲಿ ಮಾತ್ರ ವಿಧ್ಯಾರ್ಥಿಗಳು ಶಿಕ್ಷಣ ಪಡೆಯುವಂತ ಪರಸ್ಥಿತಿ ನಿರ್ಮಾಣವಾಗಿದೆ. ಇನ್ನು ವಿದ್ಯಾರ್ಥಿಗಳ ವಿದ್ಯಭ್ಯಾಸಕ್ಕಾಗಿ 10 ಕೊಠಡಿಗಳ ಅವಶ್ಯಕತೆ ಇದೆ ಎಂದು ಇಲ್ಲಿನ ಶಿಕ್ಷಕರು ದೂರುತ್ತಿದ್ದಾರೆ.

ಸ್ವಂತ ಕಟ್ಟಡ ಇಲ್ಲ :

ರಾಷ್ಟ್ರೀಯ ಮಾಧ್ಯಮಿಕ ಶಿಕ್ಷಣದಡಿ ಫ್ರೌಡ ಶಾಲೆಯಲ್ಲಿ 8 ಮತ್ತು 9ನೇ ತರಗತಿ 2013-14ರಲ್ಲಿ ಆರಂಭವಾದ ಸರ್ಕಾರಿ ಫ್ರೌಡಶಾಲೆ ಮಂಜುರಾಗಿದ್ದರು ಇಲ್ಲಿವರೆಗೂ ಒಂದು ಕೊಠಡಿಗಳು ಇಲ್ಲದೆ ಇರುವದು ವಿಪರ್ಯಾಸವೇ ಸರಿ. 2018-19 ರಲ್ಲಿ ಜಿಲ್ಲಾ ಪಂಚಾಯತನಲ್ಲಿ ಕೊಠಡಿ ಕಾಮಗಾರಿ ಮಂಜುರಾಗಿದ್ದು, ಇನ್ನುವರೆಗೂ ಯಾವುದೇ ಕಾಮಗಾರಿಯ ಸುಳಿವು ಕಾಣುತ್ತಿಲ್ಲ.

ಈ ಎರಡು ತರಗತಿಗಳನ್ನು ಶಾಲಾ ಆರಂಭದಿಂದಲೂ ಪ್ರಾಥಮಿಕ ಶಾಲಾ ಕೊಠಡಿಗಳಲ್ಲಿ ಕಲಿಸಲಾಗುತಿದ್ದು, ಶಿಕ್ಷರಿಗಾಗಿ ಒಂದು ಕೊಠಡಿಯನ್ನು ಪ್ರಾಥಮಿಕ ಶಾಲೆ ಬಿಟ್ಟು ಕೊಟ್ಟಿದೆ.

ಸಮುದಾಯ ಭವನಗಳೇ ಮಕ್ಕಳಿಗೆ ಪಾಠದ ಕೊಠಡಿಗಳು :

ಅತ್ಯಾಧುನಿಕ ತಂತ್ರಜ್ಞಾನ ಯುಗದಲ್ಲಿ ವಿಧ್ಯಾರ್ಥಿಗಳಿಗೆ ಸರ್ಕಾರಿ ಶಾಲೆಯತ್ತ ಸೆಳೆಯಲು ಬಗೆ-ಬಗೆಯ ಕಸರತ್ತು ಮಾಡಲಾಗುತ್ತಿದ್ದರು ಸ್ಥಳೀಯರ ನಿರ್ಲಕ್ಷತನದಿಂದ ಕನ್ನಡ ಶಾಲೆಗಳು ಮುಚ್ಚಿಕೊಳ್ಳುತ್ತಿವೆ. ಆದರೆ, ಈ ಶಾಲೆಯಲ್ಲಿ ಸೌಕರ್ಯಗಳು ಒಂದು ಕಡೆಗಿರಲಿ ಸರಿಯಾಗಿ ಕಲಿಯಬೇಕೆಂದರೆ ಕಲಿಯಲು ಕೊಠಡಿಗಳು ಇಲ್ಲದೇ ವಿದ್ಯಾರ್ಥಿಗಳು ಇಕ್ಕಟ್ಟಿನಲ್ಲಿ ಶಾಲೆ ಕಲಿಯಬೇಕಾದ ಪರಸ್ಥಿತಿ ನಿರ್ಮಾಣವಾಗಿದೆ. ಈ ಎಲ್ಲ ತೊಂದರೆಗಳಿಂದ ಮಕ್ಕಳು ಸಮುದಾಯ ಭವನದಲ್ಲಿ ಕಲಿಯುತ್ತಿರುವದು ಎಷ್ಟರ ಮಟ್ಟಿಗೆ ಸರಿ ಎಂಬುವದು ಸಾರ್ವಜನಿಕರಲ್ಲಿ ಪ್ರಶ್ನೆ ಮೂಡಿದೆ.

ಇರುವುದರಲ್ಲೇ ಮೂರು ಕೊಠಡಿಗಳನ್ನು ಫ್ರೌಡಶಾಲೆಗೆ ಕೊಟ್ಟು ಪಕ್ಕದ ಅಂಬೇಡ್ಕರ ಭವನದಲ್ಲಿ ಹಾಗೂ ಕನಕ ಭವನದಲ್ಲಿ ವಿಧ್ಯಾರ್ಥಿಗಳು ಶಿಕ್ಷಣ ಕಲಿಯುತ್ತಿದ್ದಾರೆ. ನಾಲ್ಕು, ಐದು, ಆರನೇ ಹಾಗು ಏಳನೇ ತರಗತಿಯಲ್ಲಿ ಸುಮಾರು 200 ಕ್ಕೂ ಹೆಚ್ಚು ವಿಧ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು ಸರಿಯಾದ ಸಿಮೆಂಟ್ ಕಾಣದ ಗೋಡೆಯ ಮದ್ಯ, ನೆಲದ ಮೇಲೆ ಕುಳಿತು ಪಾಠ ಕಲಿಯ ಬೇಕಾದ ಅನಿವಾರ್ಯತೆಯಲ್ಲಿ ಇದ್ದಾರೆ ಇಲ್ಲಿನ ಮಕ್ಕಳು

ಬಹಿರ್ದೆಸೆಯಲ್ಲಿಯೇ ಶೌಚ :

ಕೇಂದ್ರ ಸರ್ಕಾರ ಹಾಗೂ ರಾಜ್ಯ ಸರ್ಕಾರಗಳು ಸೇರಿ ಸ್ವಚ್ಛ ಭಾರತ ಅಭಿಯಾನದಡಿ ಇಡೀ ದೇಶವೇ ಬಯಲು ಮುಕ್ತ ಭಾರತ ಮಾಡುವ ಉದ್ದೇಶದಿಂದ ಕೋಟ್ಯಾಂತರ ಹಣ ಪೋಲು ಮಾಡುತ್ತಿದೆ. ಆದರೆ, ಈ ಶಾಲೆಯಲ್ಲಿ ಶೌಚಾಲಯಗಳಿದ್ದರು ನೀರಿಲ್ಲದೆ ಗಬ್ಬೇದ್ದು ನಾರುತ್ತಿದ್ದು, ವಿದ್ಯಾರ್ಥಿಗಳು ಒಂದು ಕಡೇಗಿರಲಿ ವಿದ್ಯಾರ್ಥಿನಿಯರು ಬಯಲು ಬರ್ಹಿದೆಸೆಗೆ ಮಾರುಹೋಗಿದ್ದು ವಿಪರ್ಯಾಸವೇ ಸರಿ, ಇನ್ನು ಯಾರಿಗೂ ಹೇಳದ ಪರಿಸ್ಥತಿ ವಿದ್ಯಾರ್ಥಿನಿಯರಿಗೆ ಬಂದೋದಗಿದ್ದು ಇಲ್ಲಿಯ ಮಕ್ಕಳು ಬಯಲ ಬಹಿರ್ದೆಸೆಯನ್ನೆ ಆಧರಿಸಿದ್ದಾರೆ.

ನೀರಿಗಾಗಿ ಪರದಾಟ :

ಶಾಲೆ ಆರಂಭವಾಗಿ ಎರಡು ವಾರ ಕಳೆದರು ವಿಧ್ಯಾರ್ಥಿಗಳು ಕುಡಿಯುವ ನೀರಿಗಾಗಿ ಪರದಾಡುವ ಸ್ಥಿತಿ ಉಂಟಾಗಿದ್ದು, ಊಟದ ನಂತರ ಮಕ್ಕಳು ತಮ್ಮ ತಟ್ಟೆ ತೊಳೆಯಲು ಹಾಗೂ ಕುಡಿಯಲು ನೀರು ಬೇಕಾದರು ಸುಮಾರು 200 ಮೀಟರ ನಷ್ಟು ಸಾರ್ವಜನಿಕ ನೀರಿನ ಟ್ಯಾಂಕರ್ ಅರಸಿ ಹೋಗಬೇಕಾದ ಅನಿವಾರ್ಯತೆ ಎದುರಾಗಿದೆ.

ಶೌಚಾಲಯಗಳಲ್ಲಿ ಮಾತ್ರ ಒಂದು ತೊಟ್ಟು ನೀರು ಕಾಣದೆ ಗಬ್ಬೇದ್ದು ನಾರುತ್ತಿವೆ.
ಗಡಿ ಭಾಗದ ಕನ್ನಡ ಶಾಲೆಗಳನ್ನು ನಿರ್ಲಕ್ಷ ಮಾಡುತ್ತಿರುವುದರಿಂದ ಅಲ್ಲಿನ ಶಾಲೆಗಳು ಅಳಿವಿನಂಚಿನಲ್ಲಿದು, ಕನ್ನಡ ನಾಡು ನುಡಿ ಬೆಳೆಸುವ ದೃಷ್ಟಿಯಿಂದ ಸರ್ಕಾರ ಹಲವಾರು ಯೋಜನೆಗಳ ಹೆಸರಲ್ಲಿ ಕೋಟಿ ಕೋಟಿ ಹಣ ಪೋಲು ಮಾಡುವದಾಗಿ ತೋರಿಸುವ ಡಾಂಬೀಕತೆಯನ್ನು ಬಿಟ್ಟು ಕನ್ನಡನಾಡಿನ ಹಿರಿಮೆ ಹೆಚ್ಚಿಸುವ ಕನ್ನಡ ಶಾಲೆಳ ಬಗ್ಗೆ ಕಾಳಜಿವಹಿಸುವ ಕಾರ್ಯಕ್ಕೆ ಮುಂದಾಗಬೇಕೆಂಬುವದೆ ಸ್ಥಳಿಯರ ಅಹವಾಲಾಗಿದೆ.

ಇನ್ನಾದರು ಜನಪ್ರತಿನಿಧಿಗಳು ಹಾಗೂ ಸಂಭಂದಪಟ್ಟ ಮೇಲಾಧಿಕಾರಿಗಳು ಎಚ್ಚೆತ್ತುಕೊಂಡು ಶಾಲಾ ಕೊರತೆಗಳನ್ನು ನೀಗಿಸಿ ವಿಧ್ಯಾರ್ಥಿಗಳ ಅನೂಕುಲದೊಟ್ಟಿಗೆ ಮೂಲಭೂತ ಸೌಕರ್ಯಗಳನ್ನು ಒದಗಿಸುತ್ತಾರಾ ಎಂದು ಕಾದು ನೋಡಬೇಕಾಗಿದೆ.

ಬೈಟ್ 1 : ಬಿ.ಜಿ ಬಾಗವಾನ( ಹಿರಿಯ ಪ್ರಾರ್ಥಮಿಕ ಶಾಲಾ ಮುಖ್ಯೋಪಾದ್ಯಾಯರು)

ಬೈಟ್ 2 : ಬಿ.ಆಯ್ ಜನಮಟ್ಟಿ (ಪ್ರೌಡ ಶಾಲಾ ಪ್ರಭಾರ ಮುಖ್ಯೋಪಾದ್ಯಾಯರು)

ಬೈಟ್ 3 : ಚಂದ್ರಕಾಂತ ಹುಕ್ಕೇರಿ - ಸಮಾಜ ಸೇವಕರು

Conclusion:ಸಂಜಯ ಕೌಲಗಿ
ಚಿಕ್ಕೋಡಿ

For All Latest Updates

TAGGED:

ಸರ್ಕಾರಿ ಶಾಲೆ

ಸರ್ವ ಶಿಕ್ಷಣ ಅಭಿಯಾನ

ಚಿಕ್ಕೋಡಿ

ಜೋಡಕುರಳಿ

Copyright © 2025 Ushodaya Enterprises Pvt. Ltd., All Rights Reserved.