ಅಥಣಿ: ನಗರದಿಂದ ಮೀರಜ್‌ಗೆ ಸಂಪರ್ಕ ಕಲ್ಪಿಸುವ ರಾಜ್ಯ ಹೆದ್ದಾರಿಯ ವಿಭಜಕದ ಮೇಲೆ ಬೆಳೆದಿದ್ದ ಹುಲ್ಲು, ಕಸ, ಕಡ್ಡಿಗಳನ್ನು ಗುತ್ತಿಗೆದಾರ ರಾಜು ಆಲಬಾಳ ಅವರು ಕಾರ್ಮಿಕರ ಸಹಾಯದಿಂದ ತೆರವುಗೊಳಿಸಿ ವಿಭಜಕವನ್ನು ಸ್ವಚ್ಛಗೊಳಿಸಿದರು.
ಆರಂಭಗೊಂಡ ರಸ್ತೆ ವಿಭಜಕದ ಸ್ವಚ್ಛತಾ ಕಾರ್ಯ
ಈ ಕುರಿತು ಮಾತನಾಡಿದ ರಾಜು, ಮಳೆಗಾಲದ ವೇಳೆ ಆಲಬಾಳದಲ್ಲಿ ಕಸ ಬೆಳೆಯುವುದು ಸಹಜ. ಈ ಬಾರಿ ಕೊರೊನಾದಿಂದಾಗಿ ಕಸ ತೆಗೆಯುವುದು ಸ್ವಲ್ಪ ತಡವಾಗಿತ್ತು. ಈ ಕುರಿತು ಈಟಿವಿ ಭಾರತದಲ್ಲಿ ಪ್ರಕಟವಾದ ವರದಿಯನ್ನು ನೋಡಿ ಕಾರ್ಯೋನ್ಮುಖರಾಗಿ ಮೂರು ದಿನದಿಂದ ಸ್ವಚ್ಛ ಮಾಡುತ್ತಿದ್ದೇವೆ. ವರದಿ ಮೂಲಕ ನಮ್ಮನ್ನು ಎಚ್ಚರಿಸಿದ ಈಟಿವಿ ಭಾರತಕ್ಕೆ ಧನ್ಯವಾದ ಎಂದರು.
