ದೇಶ ಕಾಯೋ ಯೋಧರಿಗೆ ಇಲ್ಲಿ ಉಚಿತ ಊಟೋಪಹಾರ ಯಾಕೆ ಅಂತೀರಾ..?

ದರೂರ ಗ್ರಾಮದ ಗುರುರಾಜ ಗಳತಗಿ ಎಂಬವವರು ಸಣ್ಣ ಉಪಹಾರ ಗೃಹವೊಂದನ್ನು ನಡೆಸುತ್ತಿದ್ದು, ಇವರ ಹೊಟೇಲ್​ಗೆ ಯಾರೇ ಸೈನಿಕರು ಬಂದರೂ ಉಚಿತವಾಗಿ ಉಟೋಪಹಾರ ನೀಡುತ್ತಾರೆ. ಈ ಮೂಲಕ ಸೈನಿಕರ ದೇಶ ಸೇವೆಗೆ ಕೃತಜ್ಞತೆ ಸಲ್ಲಿಸುತ್ತಾರೆ.

ಅಥಣಿ : ಕೇವಲ ಬಾಯಿ ಮಾತಿಗೆ ಮಾತ್ರ ಸೈನಿಕರ ಬಗ್ಗೆ ಅಭಿಮಾನ ವ್ಯಕ್ತಪಡಿಸುವ ಜನರ ಮಧ್ಯೆ ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ದರೂರ ಗ್ರಾಮದ ವ್ಯಕ್ತಿಯೊಬ್ಬ ದೇಶ ಕಾಯೋ ಯೋಧರಿಗೆ ತನ್ನ ಹೊಟೇಲ್​ನಲ್ಲಿ ಉಚಿತ ಊಟ ಹಾಕುವ ಮೂಲಕ ಗಮನ ಸೆಳೆದಿದ್ದಾರೆ.

ದರೂರ ಗ್ರಾಮದ ಗುರುರಾಜ ಗಳತಗಿ ಎಂಬುವವರು ಸಣ್ಣ ಉಪಹಾರ ಗೃಹವೊಂದನ್ನು ನಡೆಸುತ್ತಿದ್ದು, ಇವರ ಹೋಟೆಲ್​​​​​​ಗೆ ಯಾರೇ ಸೈನಿಕರು ಬಂದರೂ ಉಚಿತವಾಗಿ ಉಟೋಪಹಾರ ನೀಡುತ್ತಾರೆ. ಈ ಮೂಲಕ ಸೈನಿಕರ ದೇಶ ಸೇವೆಗೆ ಕೃತಜ್ಞತೆ ಸಲ್ಲಿಸುತ್ತಾರೆ.

ಈ ಬಗ್ಗೆ ಗುರುರಾಜ ಗಳತಗಿಯವರನ್ನು ಕೇಳಿದ್ರೆ, ತಮ್ಮ ಪ್ರಾಣವನ್ನು ಒತ್ತೆಯಿಟ್ಟು ನಮಗೋಸ್ಕರ, ದೇಶಕ್ಕೋಸ್ಕರ ಹೋರಾಡುವ ಸೈನಿಕರಿಗೆ ನನ್ನ ಕಡೆಯಿಂದ ಸಣ್ಣದೊಂದು ಅಳಿಲು ಸೇವೆ ಮಾಡುತ್ತಿದ್ದೇನೆ, ಈ ಬಗ್ಗೆ ನನಗೆ ಖುಷಿಯಿದೆ ಎನ್ನುತ್ತಾರೆ.