ಚಿಕ್ಕೋಡಿ : ಮಹಾರಾಷ್ಟ್ರ ಉಪ ಮುಖ್ಯಮಂತ್ರಿ ಅಜಿತ್ ಪವಾರ್ ಮಾನಸಿಕ ಸ್ಥಿಮಿತತೆ ಕಳೆದುಕೊಂಡಿದ್ದಾರೆ ಎಂದು ಕುಡಚಿ ಶಾಸಕ ಪಿ. ರಾಜೀವ ಲೇವಡಿ ಮಾಡಿದ್ದಾರೆ.
ಶಾಸಕ ಪಿ.ರಾಜೀವ ಹೇಳಿಕೆ
ಬೆಳಗಾವಿ ಕರ್ನಾಟಕದ ಅವಿಭಾಜ್ಯ ಅಂಗ, ಕರ್ನಾಟಕದ ಕಿರೀಟ ಇದ್ದ ಹಾಗೆ. ಅಂತಹುದರಲ್ಲಿ ಪವಾರ್ ತರಹದ ಎಷ್ಟೋ ಹೇಳಿಕೆಗಳನ್ನು ಕೊಟ್ಟ ವ್ಯಕ್ತಿಗಳು ಅಸ್ತಿತ್ವವೇ ಇಲ್ಲದ ಹಾಗೆ ಕೊನೆಯಾಗಿದ್ದಾರೆ ಎಂದು ಕುಡಚಿ ಶಾಸಕ ಹಾಗೂ ತಾಂಡಾ ಅಭಿವೃದ್ಧಿ ನಿಗಮ ಅಧ್ಯಕ್ಷ ಪಿ.ರಾಜೀವ್ ಹೇಳಿದರು.
ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಹೇಳಿಕೆ ವಿಚಾರವಾಗಿ ಬೆಳಗಾವಿ ಜಿಲ್ಲೆಯ ರಾಯಬಾಗ ತಾಲೂಕಿನ ಹಾರೋಗೆರಿಯಲ್ಲಿ ಪ್ರತಿಕ್ರಿಯಿಸಿದ ಅವರು, ಅಖಂಡ ಕರ್ನಾಟಕ ಛಿದ್ರಗೊಳಿಸುತ್ತೇನೆ ಎಂದು ಹೇಳುವ ಮುನ್ನ, ಕರ್ನಾಟಕದಲ್ಲಿ ರಾಜಾಹುಲಿ ಯಡಿಯೂರಪ್ಪನವರ ಸರ್ಕಾರ ಇದೆ ಎನ್ನುವುದನ್ನ ಅಜಿತ್ ಪವಾರ್ ಪ್ರಜ್ಞೆಯಲ್ಲಿ ಇಟ್ಟುಕೊಳ್ಳಬೇಕು, ಇಂತಹ ಹೇಳಿಕೆಗಳಿಗೆ ನಾವು ಪ್ರಾಮುಖ್ಯತೆಯನ್ನು ಕೊಡಲ್ಲ ಎಂದಿದ್ದಾರೆ.
