ಲಾಡ್ಜ್ ರೂಂ ಬಾಯ್ ಕೊಲೆ ಪ್ರಕರಣ: ಪ್ರಮುಖ ಆರೋಪಿಯ ಬಂಧನ

ಬೆಳಗಾವಿ ನಗರದ ಆರ್​ಟಿಒ ವೃತ್ತದ ಶ್ರೀ ಸಾಯಿ ಲಾಡ್ಜ್ ರೂಂ ಬಾಯ್ ವಿನಾಯಕ ಕಲಾಲ್​ನನ್ನು ಕೊಲೆ ಮಾಡಿ ಪರಾರಿಯಾಗಿದ್ದ ಆರೋಪಿಯನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಬೆಳಗಾವಿ: ನಗರದ ಆರ್​ಟಿಒ ವೃತ್ತದ ಶ್ರೀ ಸಾಯಿ ಲಾಡ್ಜ್ ರೂಂ ಬಾಯ್ ವಿನಾಯಕ ಕಲಾಲ್​ನನ್ನು ಕೊಲೆ ಮಾಡಿ ಪರಾರಿಯಾಗಿದ್ದ ಆರೋಪಿಯನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಕೊಲೆ ಆರೋಪಿ ಶಶಿಕುಮಾರ್ ಉದ್ದಪ್ಪಗೋಳನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಶ್ರೀ ಸಾಯಿ ಲಾಡ್ಜ್​ನಲ್ಲಿ ಕೆಲಸ ಮಾಡುತ್ತಿದ್ದ ವಿನಾಯಕ ಎಂಬುವರನ್ನು ಕ್ಷುಲ್ಲಕ ಕಾರಣಕ್ಕೆ ಮದ್ಯದ ಬಾಟಲಿಯಿಂದ ಹೊಡೆದು ಅಕ್ಟೋಬರ್ 6ರಂದು ಕೊಲೆ ಮಾಡಲಾಗಿತ್ತು. ಕೊಲೆ ಆರೋಪದಲ್ಲಿ ಅಮಿತ್, ನವೀನ ಎಂಬವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು. ಕೊಲೆಯ ಪ್ರಮುಖ ಆರೋಪಿ ಶಶಿಕುಮಾರ್ ಪರಾರಿಯಾಗಿದ್ದ.

ಈ ಪ್ರಕರಣ ಬೆನ್ನಟ್ಟಿದ್ದ ಪೊಲೀಸರು ಆರೋಪಿ ಶಶಿಕುಮಾರ್​ನನ್ನು ಹುಕ್ಕೇರಿ ತಾಲೂಕಿನ ಹಿಡಕಲ್ ಡ್ಯಾಂ ಬಳಿ ಬಂಧಿಸಿದ್ದಾರೆ.