ವಾಟರ್​​ಮ್ಯಾನ್ ನೀರುಪಾಲು... ಮೊಸಳೆಗೆ ಬಲಿಯಾಗಿರುವ ಶಂಕೆ!

ಗ್ರಾಮಕ್ಕೆ ನೀರು ಬಿಡಲು ಹೋದ ವಾಟರ್​​ಮ್ಯಾನ್ ನೀರುಪಾಲಾಗಿದ್ದು, ಮೊಸಳೆ ತಿಂದಿರುವ ಶಂಕೆ ವ್ಯಕ್ತವಾಗಿರುವ ಘಟನೆ ಹುಕ್ಕೇರಿ ತಾಲೂಕಿನಲ್ಲಿ ನಡೆದಿದೆ.

ಹುಕ್ಕೇರಿ: ಗ್ರಾಮಕ್ಕೆ ನೀರು ಬಿಡಲು ಹೋದ ವಾಟರ್​​ಮ್ಯಾನ್ ನೀರುಪಾಲಾಗಿದ್ದು, ಅಗ್ನಿಶಾಮಕ ದಳದಿಂದ ತೀವ್ರ ಶೋಧ ಕಾರ್ಯ ಮುಂದುವರೆದಿರುವ ಘಟನೆ ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಶಿರಢಾಣ ಬಳಿ ಹಿರಣ್ಯಕೇಶಿ ನದಿಯ ದಡದಲ್ಲಿ ನಡೆದಿದೆ.

ಪಾಮಲದಿನ್ನಿ ಗ್ರಾಮ ಪಂಚಾಯತಿ ಗುತ್ತಿಗೆ ಆಧಾರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ವಾಟರ್​​​ಮ್ಯಾನ್ ಬಸವರಾಜ ಹರಿಜನ (32) ಬೆಳಗ್ಗೆ ನೀರು ಬಿಡಲು ಹೋಗಿದ್ದರು. ಜಾಕ್​​ವೆಲ್ ದುರಸ್ತಿಗೆ ನದಿಗೆ ಇಳಿದಿದ್ದ ಎನ್ನಲಾಗಿದೆ. ಅಗ್ನಿಶಾಮಕ ದಳದಿಂದ ವಾಟರ್​​ಮ್ಯಾನ್ ಶವಕ್ಕಾಗಿ ತೀವ್ರ ಹುಡುಕಾಟ ನಡೆದಿದ್ದು, ನೀರಿನಲ್ಲಿನ ಮೊಸಳೆ ದಾಳಿ ಮಾಡಿರುವ ಶಂಕೆ ವ್ಯಕ್ತವಾಗಿದೆ.

ಹುಕ್ಕೇರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ಸಂಭವಿಸಿದೆ.