ಸಂಡೇ ಲಾಕ್​ಡೌನ್​ ಬಳಿಕ ಸಹಜ ಸ್ಥಿತಿಯತ್ತ ಬೆಂಗಳೂರು: ವಾಹನ ಸಂಚಾರ ಆರಂಭ

ಭಾನುವಾರದ ಲಾಕ್​ಡೌನ್​ ಹಿನ್ನೆಲೆ ನಗರದ ಬಹುತೇಕ ಚಟುವಟಿಕೆಗಳು ಸ್ತಬ್ದವಾಗಿದ್ದವು. ಬೆಂಗಳೂರಿನಲ್ಲಿ ಇಂದು ಬೆಳಗ್ಗಯಿಂದಲೇ ಮತ್ತೆ ಸರ್ಕಾರಿ ಬಸ್​, ಆಟೋ, ಟ್ಯಾಕ್ಸಿ, ಅಂಗಡಿ ಮುಂಗಟ್ಟು, ಶಾಪಿಂಗ್ ಮಾಲ್, ಮಸೀದಿ,ಚರ್ಚ್ ಮತ್ತು ದೇವಸ್ಥಾನ, ಬೀದಿಬದಿಯ ವ್ಯಾಪಾರ ಆರಂಭವಾಗಿದೆ.

ಬೆಂಗಳೂರು: ಕೋವಿಡ್‌ 19 ಸೋಂಕು ಹರಡುವಿಕೆ ನಿಯಂತ್ರಿಸಲು ರಾಜ್ಯ ಸರ್ಕಾರ ಘೋಷಿಸಿರುವ ಲಾಕ್‌ಡೌನ್‌ನಿಂದಾಗಿ ಸುಮಾರು 38 ಗಂಟೆಗಳ ಕಾಲ‌ನಗರದ ಬಹುತೇಕ ಚಟುವಟಿಕೆಗಳು ಸ್ತಬ್ಧವಾಗಿದ್ದವು. ಇಂದು ಬೆಳಗ್ಗೆಯಿಂದ ವಾಹನ ಸಂಚಾರ, ವ್ಯಾಪಾರ ವಹಿವಾಟು ಆರಂಭವಾಗಿದೆ.

ಸೋಮವಾರ ಕೂಡ ಲಾಕ್ ಡೌನ್ ಮುಂದುವರೆಯುತ್ತದೆ ಎಂಬ ಭೀತಿಯಲ್ಲಿ ಬಹುತೇಕ ಮಂದಿ ಸಿಲಿಕಾನ್ ಸಿಟಿಯನ್ನ ಬಿಟ್ಟು ತಮ್ಮ ಊರುಗಳ ಕಡೆಗೆ ಶನಿವಾರ ಪ್ರಯಾಣ ಬೆಳೆಸಿದ್ರು. ಕೊರೊನಾ ವ್ಯಾಪಕವಾಗಿ ಹರಡುತ್ತಿರುವ ಕಾರಣ 38 ಗಂಟೆಗಳ ‌ಕಾಲ‌ ಅನಗತ್ಯ ಚಟುವಟಿಕೆಗಳಿಗೆ ಬ್ರೇಕ್ ಹಾಕಿ ಅಗತ್ಯ ಸೇವೆಗಳಿಗೆ ಅನುಮತಿ‌ ನೀಡಲಾಗಿತ್ತು.

ಸದ್ಯ ಎಂದಿನಂತೆ ದೈನದಿಂದ ಚಟುವಟಿಕೆಗಳು ಆರಂಭವಾಗಿವೆ. ಆದರೆ ಮಾಸ್ಕ್ ಧರಿಸದೇ ಓಡಾಡುವುದು, ದೈಹಿಕ ಅಂತರ ಕಾಯ್ದಯಕೊಳ್ಳದೇ ಇರುವುದು ಕಂಡು ಬಂದರೆ‌ ಬಿಬಿಎಂಪಿ ಮಾರ್ಷಲ್ ಹಾಗೂ ಪೊಲೀಸರು ಕಠಿಣ ಕ್ರಮ‌ ಕೈಗೊಂಡು ದಂಡ ವಿಧಿಸಲಿದ್ದಾರೆ.