ಬೆಂಗಳೂರು: ಫೇಕ್ ಗನ್ ತೋರಿಸಿ ಹಣ ವಸೂಲಿ ಮಾಡ್ತಿದ್ದ ಆರೋಪಿಗಳನ್ನ ಹೆಡೆಮುರಿ ಕಟ್ಟುವಲ್ಲಿ ಪಶ್ಚಿಮ ವಿಭಾಗದ ಕೆಂಗೇರಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ರವಿ ಹಾಗೂ ರಾಜು ಬಂಧಿತ ಆರೋಪಿಗಳು.
ಇದೇ ಡಿಸೆಂಬರ್ 2 ರಂದು ಖಾಸಗಿ ಕಂಪನಿಗೆ ಸೇರಿದ ಹಣವನ್ನು ಮಲ್ಲಿಕಾರ್ಜುನ ಎಂಬುವರು ಸಂಗ್ರಹಿಸಿಕೊಂಡು ಕೆಂಗೇರಿ ಉಪನಗರದಲ್ಲಿ ಮತ್ತೊಬ್ಬರಿಂದ ಹಣ ಕಟ್ಟಿಸಿಕೊಳ್ಳಲು ಬಂದಿದ್ದರು. ಈ ವೇಳೆ ಒಬ್ಬ ಅಪರಿಚಿತ ವ್ಯಕ್ತಿ ಗನ್ ತೋರಿಸಿ ಹಣ ಕಸಿದುಕೊಂಡಿದ್ದ. ಈ ಸಂಬಂಧ ಕೆಂಗೇರಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳನ್ನ ಬಂಧಿಸಿದ್ದಾರೆ.
ಪ್ರಕರಣದಲ್ಲಿ ಮಲ್ಲಿಕಾರ್ಜುನ ಯಾವಾಗಲು ತಮ್ಮ ಬಳಿ ಹಣ ಸಂಗ್ರಹ ಮಾಡಿಕೊಳ್ಳುವುದನ್ನ ಒಂದು ತಿಂಗಳಿನಿಂದ ಗಮನಿಸಿದ್ದ ರವಿ, ರಾಜು ಜೊತೆ ಸೇರಿಕೊಂಡು ಕೃತ್ಯ ಮಾಡಿದ್ದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಸದ್ಯ ಆರೋಪಿಗಳ ಬಳಿಯಿಂದ ಫೇಕ್ ಗನ್, ನಗದು ವಶಪಡಿಸಲಾಗಿದೆ.
ಅಂದ ಹಾಗೇ ಈ ಆರೋಪಿಗಳನ್ನು ಹಿಡಿಯಲು ಇನ್ಸ್ಪೆಕ್ಟರ್ ನೇತೃತ್ವದ ತಂಡ ಸುಮಾರು 51 ಸಿಸಿಟಿವಿ ಕ್ಯಾಮರಾಗಳನ್ನು ಪರಿಶೀಲಿಸಿದೆ.
