ತಾಯಿಗೆ ಚಾಕು ಇರಿದು ಕೊಲೆ ಪ್ರಕರಣಕ್ಕೆ ಟ್ವಿಸ್ಟ್​​​​​: ಯುವಕನ ಬೈಕ್​ ಏರಿ ಮಗಳು ಎಸ್ಕೇಪ್​​​​... ಸಿಸಿಟಿವಿಯಲ್ಲಿ ದೃಶ್ಯ

ಸಾಲದ ವಿಚಾರವಾಗಿ ತಾಯಿಯನ್ನೇ ಮಗಳು ಕೊಲೆ ಮಾಡಿರುವ ಪ್ರಕರಣಕ್ಕೆ ಟ್ವಿಸ್ಟ್​ ಸಿಕ್ಕಿದೆ. ಹತ್ಯೆ ಪ್ರಕರಣಕ್ಕೆ ಸಿಸಿಟಿವಿ ದೃಶ್ಯ ರೋಚಕ ತಿರುವು​ ಕೊಟ್ಟಿದೆ.

ಬೆಂಗಳೂರು: ಸಾಲದ ವಿಚಾರವಾಗಿ ತಾಯಿಯನ್ನೇ ಮಗಳು ಕೊಲೆ ಮಾಡಿರುವ ಪ್ರಕರಣಕ್ಕೆ ಟ್ವಿಸ್ಟ್​ ಸಿಕ್ಕಿದೆ. ಹತ್ಯೆ ಪ್ರಕರಣಕ್ಕೆ ಸಿಸಿಟಿವಿ ದೃಶ್ಯ ರೋಚಕ ತಿರುವು​ ಕೊಟ್ಟಿದೆ.

ತಾಯಿ ಹತ್ಯೆಯ ಹಿಂದೆ ಪ್ರೇಮ್ ಕಹಾನಿ ಇದೆಯಾ ಎಂಬ ಅನುಮಾನ ವ್ಯಕ್ತವಾಗಿದ್ದು, ಕೊಲೆ ಬಳಿಕ ಮನೆಯಿಂದ ಹೊರಟ ಯುವತಿಯನ್ನು ಯುವಕನೊಬ್ಬ ಕರೆದುಕೊಂಡು ಹೋಗಿದ್ದಾನೆ. ಪಲ್ಸರ್ ಬೈಕ್​​ನಲ್ಲಿ ಬಂದು ಯುವಕನೊಬ್ಬ ಕಾದು ಕುಳಿತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಯುವಕನೊಂದಿಗೆ ಬೈಕ್ ಏರಿ ಅಮೃತಾ ಪರಾರಿಯಾಗಿದ್ದಾಳೆ.

ಸಾಲದ ವಿಚಾರವಾಗಿ ಕೆ.ಆರ್​​.ಪುರಂನ‌ ಅಕ್ಷಯ್ ನಗರದಲ್ಲಿ ತಾಯಿಯನ್ನೇ ಮಗಳು ಕೊಲೆ ಮಾಡಿರುವ ಘಟನೆ ನಡೆದಿದೆ. ಫೆಬ್ರವರಿ 1ರಂದು ನಡೆದಿರೋ ಘಟನೆ ತಡವಾಗಿ ಬೆಳಕಿಗೆ ಬಂದಿತ್ತು. ಮಲಗಿದ್ದ ತಾಯಿಗೆ ಚಾಕು ಇರಿದು ಅಮೃತಾ(33) ಎಂಬುವಳು, ತಮ್ಮ ಹರೀಶ್​ನನ್ನೂ ಕೊಲ್ಲಲು ಯತ್ನಿಸಿದ್ದಳು ಎನ್ನಲಾಗಿದೆ.