ಬೆಂಗಳೂರು: ಈ ಬಾರಿ ಕೂಡ ಹೊಸ ವರ್ಷದಲ್ಲಿ ದಾಖಲೆಯ ಪ್ರಮಾಣದಲ್ಲಿ ಮದ್ಯ ಮಾರಾಟವಾಗಿದೆ.
ನಗರದ ಎಲ್ಲ ಭಾಗಗಳಲ್ಲೂ ಬಾರ್ ಮತ್ತು ಎಂಆರ್ಪಿಗಳ ಮುಂದೆ ಜನ ಸಾಲು ಸಾಲಾಗಿ ಗಂಟೆ ಗಟ್ಟಲೆ ಪರದಾಡಿದ್ದು, ವ್ಯಾಪಾರದ ಸುಳಿವು ಕೊಟ್ಟಿತ್ತು. ಅಬಕಾರಿ ಇಲಾಖೆಗೆ ಕಳೆದ ಒಂದು ವಾರದಿಂದ 100 ಕೋಟಿಗೂ ಅಧಿಕ ಆದಾಯ ಸಿಕ್ಕಿದೆ. ಈ ವರ್ಷ ಶೇಕಡಾ 20 ರಷ್ಟು ಮದ್ಯ ಮಾರಾಟ ಹೆಚ್ಚಳವಾಗಿದೆ.
ಬಿಯರ್ ಶೇ. 20 ರಷ್ಟು ಹೆಚ್ಚು ಸೇಲ್:
ಪ್ರಸ್ತುತ ವರ್ಷದಲ್ಲಿ ಲಿಕ್ಕರ್ 5.88 ಲಕ್ಷ ಕೇಸ್ ಮಾರಾಟವಾಗಿದೆ. 2019 ರಲ್ಲಿ ಬಿಯರ್ 5.45 ಲಕ್ಷ ಕೇಸ್ ಮಾರಾಟವಾಗಿತ್ತು. 2019 ರಲ್ಲಿ ಒಟ್ಟು ಮದ್ಯ ಮಾರಾಟದಿಂದ ಬರೋಬ್ಬರಿ 597 ಕೋಟಿ ಆದಾಯಗಳಿಕೆ ಆಗಿದೆ.
ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ 117 ಕೋಟಿ ಹೆಚ್ಚುವರಿ ಆದಾಯ ಪಡೆದುಕೊಂಡಿದೆ. ಇನ್ನು ಬೆಂಗಳೂರು ಒಂದರಲ್ಲೇ 60 ಕೋಟಿ ಆದಾಯ ಬಂದಿರುವುದು ಗಮನಾರ್ಹ.
