ಸೀಲ್ ​​ಡೌನ್ ಪ್ರದೇಶ ಬಿಟ್ಟು ಸಿಲಿಕಾನ್​​ ಸಿಟಿಯಲ್ಲಿ ಕೆಲ ಅಂಗಡಿಗಳಿಗೆ ಲಾಕ್​​ಡೌನ್​ನಿಂದ ವಿನಾಯಿತಿ

ಬೆಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಸಿಮೆಂಟ್ ಮಾರಾಟ, ಕಬ್ಬಿಣ ವ್ಯಾಪಾರ, ಹಾರ್ಡ್​ವೇರ್ ಶಾಪ್​​ಗಳು, ಪ್ಲಂಬಿಂಗ್ ಮಳಿಗೆಗಳ ವ್ಯಾಪಾರವನ್ನು ಮುಂದಿನ ಸೋಮವಾರದಿಂದ ಆರಂಭಿಸಬಹುದಾಗಿದೆ ಎಂದು ಬಿಬಿಎಂಪಿ ತಿಳಿಸಿದೆ.

ಬೆಂಗಳೂರು: ನಗರದಲ್ಲಿ ಸೀಲ್ ​​​ಡೌನ್ ವಾರ್ಡ್​​​ಗಳನ್ನು ಹೊರತುಪಡಿಸಿ ಉಳಿದ ವಾರ್ಡ್​​ಗಳಲ್ಲಿ ಅಂಗಡಿ ಮಳಿಗೆಗಳನ್ನು ತೆರೆಯಲು ಅನುಮತಿ ನೀಡಲಾಗಿದೆ.

ಈ ಬಗ್ಗೆ ಪ್ರಕಟಣೆ ಹೊರಡಿಸಿರುವ ಬಿಬಿಎಂಪಿ ಆಯುಕ್ತ ಬಿ.ಹೆಚ್.ಅನಿಲ್ ಕುಮಾರ್, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಸಿಮೆಂಟ್ ಮಾರಾಟ, ಕಬ್ಬಿಣ ವ್ಯಾಪಾರ, ಹಾರ್ಡ್​ವೇರ್ ಶಾಪ್​​ಗಳು, ಪ್ಲಂಬಿಂಗ್ ಮಳಿಗೆಗಳ ವ್ಯಾಪಾರವನ್ನು ದಿನಾಂಕ 4.05.2020ರಿಂದ ಆರಂಭಿಸಬಹುದಾಗಿದೆ ಎಂದು ತಿಳಿಸಿದ್ದಾರೆ.