ಬೆಂಗಳೂರು: ತಮಿಳುನಾಡಿನ ರಾಜಕಾರಣಿ ಶಶಿಕಲಾ ನಟರಾಜನ್ ಇಂದು ಪರಪ್ಪನ ಅಗ್ರಹಾರ ಜೈಲಿನಿಂದ ಬಿಡುಗಡೆಯಾಗಿದ್ದಾರೆ. ಚಿನ್ನಮ್ಮನ ಬಿಡುಗಡೆಯಿಂದ ಖುಷಿಗೊಂಡಿರುವ ಅವರ ಅಭಿಮಾನಿಗಳು ಜಯಲಲಿತಾ ಇರುವ ಬೆಂಗಳೂರು ಮೆಡಿಕಲ್ ಕಾಲೇಜು ಆಸ್ಪತ್ರೆ ಬಳಿ ಜಮಾಯಿಸಿ, ಹರ್ಷ ವ್ಯಕ್ತಪಡಿಸಿದರು.
ವೈದ್ಯರು ತಿಳಿಸುವವರೆಗೆ ಆಸ್ಪತ್ರೆಯಲ್ಲಿ ಇರಲಿರುವ ಶಶಿಕಲಾ: ಶಶಿಕಲಾ ನಟರಾಜನ್ ಕೊರೋನಾ ಸೋಂಕು ಇನ್ನೂ ಮುಂದುವರೆದಿರುವ ಹಿನ್ನಲೆ ವೈಧ್ಯರ ಸಲಹೆ ಮೇರೆಗೆ ಆಸ್ಪತ್ರೆಯಿಂದ ಬಿಡುಗಡೆ ನಿರ್ಧಾರ ನಿಂತಿದೆ. ನ್ಯಾಯಾಲಯದ ಬಿಡುಗಡೆ ಆದೇಶದಂತೆ ಶರತ್ತುಬದ್ದ ಜಾಮೀನಿನಂತೆ ಹತ್ತು ಕೋಟಿ ಪಾವತಿಸಿದ ಹಿನ್ನೆಲೆ ನಾಲ್ಕು ವರ್ಷ ಜೈಲು ಶಿಕ್ಷೆ ಪೂರ್ಣಗೊಂಡಿದ್ದು, ಹೀಗಾಗಿ ಇಂದಿಗೆ ಶಶಿಕಲಾ ಜೈಲು ವಾಸ ಅಂತ್ಯಗೊಳ್ಳಲಿದೆ. ಆದರೆ, ಶಶಿಕಲಾ ಜ್ವರ, ಕಫ, ಕರೋನಾ ಸೋಂಕು ಹಿನ್ನೆಲೆಯಲ್ಲಿ ವೈದ್ಯರ ನಿರ್ಧಾರದ ಬಳಿಕ ಅಲ್ಲಿಂದ ಬಿಡುಗಡೆಗೊಳ್ಳಲಿದ್ದಾರೆ.
ಹೆಚ್ಚಿನ ಬಂದೋಬಸ್ತ್: ಚಿನ್ನಮ್ಮ ಬಿಡುಗಡೆ ಹಿನ್ನೆಲೆ ತಮಿಳುನಾಡಿನಿಂದ ಇಂದು ಬೆಂಗಳೂರಿಗೆ ಶಶಿಕಲಾ ಅಭಿಮಾನಿಗಳು ಮತ್ತು ಆಪ್ತರು ಆಗಮಿಸುವ ಹಿನ್ನಲೆ ಬೆಂಗಳೂರು ಮೆಡಿಕಲ್ ಕಾಲೇಜು ಆಸ್ಪತ್ರೆ ಸುತ್ತ ಹೆಚ್ಚಿನ ಭದ್ರತೆ ನೀಡಲಾಗಿದೆ.
ತಮಿಳುನಾಡಿನಲ್ಲಿ ಸಂಭ್ರಮಾಚರಣೆ: ಶಶಿಕಲಾರ ಬಿಡುಗಡೆಗೆ ತಮಿಳುನಾಡಿನಲ್ಲಿ ಕಾರ್ಯಕರ್ತರು, ಬೆಂಬಲಿಗರು ಸಂಭ್ರಮಾಚರಣೆಗೆ ಸಿದ್ಧತೆ ನಡೆಸಿಕೊಂಡಿದ್ದಾರೆ. ಇನ್ನೊಂದೆಡೆ ಚಿನ್ನಮ್ಮ ಚಿಕಿತ್ಸೆ ಪಡೆಯುತ್ತಿರುವ ಆಸ್ಪತ್ರೆ ಬಳಿ ಅವರ ಅಭಿಮಾನಿಗಳು ಸೇರುತ್ತಿದ್ದಾರೆ.
