ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ಸ್ ಪ್ರಕರಣ ಸಂಬಂಧ ರಾಗಿಣಿ ಆಪ್ತ ಎ5 ಅರೋಪಿ ವೈಭವ್ ಜೈನ್ ಓರ್ವ ಡ್ರಗ್ ವ್ಯಸನಿ ಎಂದು ಅರೋಪಿ ಪತ್ನಿ ಪೂಜಾ ಕಳೆದ ಆಗಸ್ಟ್ ತಿಂಗಳಲ್ಲೇ ವೈಯಾಲಿಕಾವಲ್ ಠಾಣೆಯಲ್ಲಿ ದೂರು ನೀಡಿದ್ದರು.
ಈ ದೂರಿನ ಆಧಾರದ ಮೇರೆಗೆ ವೈಯಾಲಿಕಾವಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಸಿಸಿಬಿ ಪೊಲೀಸರು ಇದರ ಬಗ್ಗೆ ಮಾಹಿತಿ ಕಲೆಹಾಕುತ್ತಿದ್ದಾರೆ. ಸದ್ಯ ವೈಭವ್ ಜೈನ್ ಸಿಸಿಬಿ ವಶದಲ್ಲಿದ್ದಾನೆ. ಈತ ರಾಗಿಣಿ ಆಪ್ತನಾಗಿದ್ದು, ಹಲವಾರು ಪಾರ್ಟಿಗಳಲ್ಲಿ ತೊಡಗಿ ಡ್ರಗ್ಸ್ ಸಪ್ಲೆ ಮಾಡಿದ್ದನಂತೆ.
ದೂರಿನಲ್ಲಿ ಏನಿದೆ: 2013ರಲ್ಲಿ ಹಿರಿಯರ ಇಚ್ಛೆಯಂತೆ ಮದುವೆಯಾಗಿದ್ದು, ಮದುವೆಯಾದ ದಿನದಿಂದ ವರದಕ್ಷಿಣೆ ಕಿರುಕುಳ ನೀಡುತ್ತಿದ್ದರು. ಅಷ್ಟು ಮಾತ್ರವಲ್ಲದೆ ಡ್ರಗ್ ಸೇವಿಸಿ ಮನೆಯಲ್ಲಿ ಗಲಾಟೆ ಮಾಡುತ್ತಿದ್ದರು. ಹಲ್ಲೆ ಮಾಡ್ತಿದ್ರು. ಹಾಗೆಯೇ ಎರಡನೇ ಮಗುವಿನ ಡೆಲಿವರಿಗೆ ಹೈದರಾಬಾದ್ಗೆ ಹೋದಾಗ ಇನ್ನೋರ್ವ ಯುವತಿ ಜೊತೆ ಅನೈತಿಕ ಸಂಭಂದ ಹೊಂದಿ ಆಕೆಯ ಜೊತೆ ಸೇರಿ ಡ್ರಗ್ ಸೇವನೆ ಮಾಡಿದ್ದಾಗಿ ವೈಯಾಲಿಕಾವಲ್ ಠಾಣೆಯಲ್ಲಿ ದೂರು ದಾಖಲಿಸಿದ್ರು.
ದೂರಿನ ಅನ್ವಯ ಕೇಸ್ ದಾಖಲು ಮಾಡಿದ್ದ ವೈಯಾಲಿಕಾವಲ್ ಪೊಲೀಸರು, ವೈಭವ್ ಜೈನ್ನನ್ನು ಅರೆಸ್ಟ್ ಮಾಡಿದ್ದರು. ಬಂಧನ ಮಾಡಿದ ಐದು ದಿನಕ್ಕೆ ಬೇಲ್ ಪಡೆದು ಹೊರ ಬಂದು ಸ್ಯಾಂಡಲ್ವುಡ್ ಡ್ರಗ್ಸ್ ಮಾಫಿಯಾದಲ್ಲಿ ತೊಡಗಿದ್ದನಂತೆ. ಸದ್ಯ ಸಿಸಿಬಿ ಪೊಲೀಸರು ಈ ಪ್ರಕರಣದ ಬಗ್ಗೆ ತನಿಖೆಗೆ ಇಳಿದು ಆರೋಪಿಯ ಹಿನ್ನೆಲೆ ಕಲೆಹಾಕ್ತಿದ್ದಾರೆ.
