ಬೆಂಗಳೂರು: ವೀಕೆಂಡ್ ಬಂದ್ರೆ ಸಾಕು ಮೋಜು-ಮಸ್ತಿಗಾಗಿ ಒಂದಲ್ಲಾ ಇನ್ನೊಂದು ಪ್ಲ್ಯಾನ್ ಮಾಡ್ತಾನೆ ಇರ್ತೀವಿ. ಆದರೆ ಇಲ್ಲೊಂದು ಟೆಕ್ಕಿಗಳ ತಂಡ, ರಜೆಯನ್ನು ಪರಿಸರ ಕಾಳಜಿಯಲ್ಲಿ ಕಳೆದು ಗಮನ ಸೆಳೆದಿದೆ.
ಉದ್ಯಾನ ನಗರಿಯಲ್ಲಿ ಇತ್ತೀಚೆಗೆ ಗಿಡ-ಮರಗಳ ಮಾರಣ ಹೋಮ ನಡೆಯುತ್ತಲೇ ಇದೆ. ಈ ಮಧ್ಯೆ ಟೆಕ್ಕಿಗಳ ಬ್ರಿಗೇಡ್ ಗ್ರೂಪ್ 45 ಎಕರೆ ಜಾಗದಲ್ಲಿ ಸಸಿಗಳನ್ನು ನೆಟ್ಟು ಪರಿಸರ ರಕ್ಷಿಸುವ ಕೆಲಸಕ್ಕೆ ಮುಂದಾಗಿದೆ. ಬ್ರಿಗೇಡ್ ಗ್ರೂಪ್ನ ಸಿಎಸ್ಆರ್ ಫಂಡ್ನಲ್ಲಿ 10 ಸಾವಿರ ಸಸಿಗಳನ್ನು ನೆಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ನೂರಾರು ಮಕ್ಕಳು ಹಾಗೂ ನಿವಾಸಿಗಳು ಸೇರಿ ನಗರದ ವರ್ತೂರಿನಲ್ಲಿ ಸಸಿಗಳನ್ನು ನೆಟ್ಟು ಪ್ರಕೃತಿ ಉಳಿವಿಗೆ ಅಳಿಲು ಸೇವೆ ಮಾಡಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ವರ್ತೂರು ಸುತ್ತಮುತ್ತಲಿನ ಅಪಾರ್ಟ್ಮೆಂಟ್ ನಿವಾಸಿಗಳು ಸಹ ಪಾಲ್ಗೊಂಡಿದ್ದರು. 100 ಕ್ಕೂ ಹೆಚ್ಚು ಬಗೆಯ 10 ಸಾವಿರ ಸಸಿಗಳನ್ನುನೆಡಲಾಗಿದ್ದು, ಇನ್ನು 6 ತಿಂಗಳ ಅವಧಿಯಲ್ಲಿ ಈ ಸಸಿಗಳು ಮರಗಳಾಗಿ ಬೆಳೆದು, ಅರಣ್ಯ ವಾತಾವರಣ ನಿರ್ಮಾಣವಾಗಲಿದೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ.
ಒಟ್ಟಿನಲ್ಲಿ ರಜೆ ಸಿಕ್ಕರೆ ಸಾಕು ಸಿನಿಮಾ, ಪಾರ್ಟಿ, ಟೂರ್, ಟ್ರಿಪ್ ಎಂದು ಎಂಜಾಯ್ ಮಾಡುವ ಇಂದಿನ ಯುವ ಪೀಳಿಗೆಗೆ ಈ ಟೆಕ್ಕಿಗಳು ಮಾದರಿಯಾಗಿದ್ದಾರೆ.
