ಬೆಂಗಳೂರು : ಕೊರೊನಾ ಕಾಲದಲ್ಲೂ ದುಬಾರಿ ಪ್ಯಾಕೇಜ್ ಪಡೆಯುವ ಮೂಲಕ ಪಿಇಎಸ್ ವಿದ್ಯಾರ್ಥಿಗಳು ಎಲ್ಲರ ಗಮನ ಸೆಳೆದಿದ್ದಾರೆ. ಪಿಇಎಸ್ ಪ್ಲೇಸ್ಮೆಂಟ್ನಲ್ಲಿ ಇದೇ ಮೊದಲ ಬಾರಿಗೆ ಭಾರಿ ಮೊತ್ತದ ಪ್ಯಾಕೇಜ್ ಪಡೆದಿದ್ದು, ಆಡಳಿತ ಮಂಡಳಿ ಸಂತಸ ವ್ಯಕ್ತಪಡಿಸಿದೆ.
ಈ ಹಿಂದೆ ಪಿಇಎಸ್ ವಿದ್ಯಾರ್ಥಿಯೊಬ್ಬರು ವಾರ್ಷಿಕ ಪ್ಯಾಕೇಜ್ 50 ಲಕ್ಷ ರೂ. ಪಡೆದಿದ್ದರು. ಇದೀಗ ಸಾರಂಗ್ ರವೀಂದ್ರ ಎಂಬ ವಿದ್ಯಾರ್ಥಿ ಲಂಡನ್ ಮೂಲದ ಕನ್‌ಲೈಕ್ಸ್ ಕಚೇರಿಗೆ ಆಯ್ಕೆಯಾಗಿದ್ದರು. ಕಂಪ್ಯೂಟರ್ ಸೈನ್ಸ್ ವಿಭಾಗದಲ್ಲಿ ಓದುತ್ತಿದ್ದ ಸಾರಂಗ್, ಈ ಹಿಂದೆ ಕನ್‌ಲೈಕ್ಸ್ ಕಂಪನಿಯಲ್ಲೇ ಇಂಟರ್ನ್ಶಿಪ್ ಮಾಡಿದ್ದರು. ಆ ನಂತರ ಅವರಿಗೆ ಕಂಪನಿಯು 1.5 ಕೋಟಿ ಪ್ಯಾಕೇಜ್ ನೀಡಿ ಆಯ್ಕೆ ಮಾಡಿಕೊಂಡಿದೆ.
ಮತ್ತೊಬ್ಬ ವಿದ್ಯಾರ್ಥಿನಿ ಜೀವನ ಹೆಗಡೆಗೆ ಗೂಗಲ್ನಲ್ಲಿ ಪೂರ್ಣ ಕಾಲಿಕ ಉದ್ಯೋಗ ದೊರೆತಿದ್ದು, ಈ ಹಿಂದೆ ಗೂಗಲ್ ಸಂಸ್ಥೆ ಆಯೋಜಿಸಿದ್ದ ಜಾಗತಿಕ ಮಟ್ಟದ ಕಾರ್ಯಕ್ರಮ ಒಂದರಲ್ಲಿ ಭಾಗವಹಿಸಿದ್ದರು. ಇದೀಗ ಗೂಗಲ್ನಲ್ಲಿ ನೇಮಕಗೊಂಡಿದ್ದು, ಪ್ಯಾಕೇಜ್ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ.
ಓದಿ: ಕಾಂಟ್ರೋವರ್ಸಿ ಇಷ್ಟವಿಲ್ಲ, ವಿವಾದಕ್ಕೆ ಅವರೇ ಅಂತ್ಯವಾಡಿದ್ರೆ ನಂಗೆ ಸಂತೋಷ : ಸಂಸದೆ ಸುಮಲತಾ ಅಂಬಿ
ಈಕುರಿತು ಪಿಇಎಸ್ ವಿಶ್ವವಿದ್ಯಾಲಯದ ಕುಲಾಧಿಪತಿ ಎಂ.ಆರ್.ದೊರೆಸ್ವಾಮಿ ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿದ್ದು, ವಿದ್ಯಾರ್ಥಿಗಳು ಕೊರೊನಾದ ಸಾಂಕ್ರಾಮಿಕ ಪ್ರಸರಣದಲ್ಲೂ ಈ ಭಾರಿ ಪ್ರಮಾಣದ ಪ್ಯಾಕೇಜ್ ಪಡೆಯುವ ಮೂಲಕ ಸಂಸ್ಥೆಯ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.
ಲಾಕ್ಡೌನ್ ಕೊರೊನಾ ಕಾರಣಕ್ಕೆ ವರ್ಚುವಲ್ ಮೂಲಕವೇ ಇಂಟರ್ಶಿಪ್ ಮಾಡಿದ್ದು, 40ಕ್ಕೂ ಅಧಿಕ ಪ್ರತಿಷ್ಠಿತ ಕಂಪನಿಗಳು ಕ್ಯಾಂಪಸ್ ಇಂಟರ್ ವ್ಯೂ ಮಾಡಿರುವ ಕುರಿತು ತಿಳಿಸಿದ್ದಾರೆ. ಸುಮಾರು 1,283 ವಿದ್ಯಾರ್ಥಿಗಳಿಗೆ 87,000 ರೂ. ತನಕ ಪ್ಯಾಕೇಜ್ ಆಫರ್ ಬಂದಿರುವುದಾಗಿ ಮಾಹಿತಿ ನೀಡಿದ್ದಾರೆ.
