ಬೆಂಗಳೂರು: ರಾಜ್ಯದಲ್ಲಿ ನಾಲ್ಕನೇ ಹಂತದ ಲಾಕ್ಡೌನ್ ಘೋಷಣೆ ಮಾಡಲಾಗಿದೆ. ಈ ಹಂತದಲ್ಲಿ ರಾಜ್ಯ ಸರ್ಕಾರ ಕೆಎಸ್ಆರ್ಟಿಸಿ ಮತ್ತು ಬಿಎಂಟಿಸಿ ಬಸ್ ಸಂಚಾರಕ್ಕೆ ಅವಕಾಶ ನೀಡಿದೆ. ಆದರೆ ಜನರು ಮಾತ್ರ ಸಾರಿಗೆ ಸೇವೆ ಬಳಸಿಕೊಳ್ಳಲು ಮುಂದಾಗುತ್ತಿಲ್ಲ.
ಕಳೆದೊಂದು ವಾರದಿಂದ ಕೊರೊನಾ ಪ್ರಕರಣಗಳ ಸಂಖ್ಯೆಯಲ್ಲಿ ಏರಿಕೆ ಆಗುತ್ತಿರುವುದನ್ನು ಗಮನಿಸಿರುವ ಸಾರ್ವಜನಿಕರು, ಸಾರಿಗೆ ಸೇವೆ ಬಳಕೆಯಿಂದ ದೂರ ಉಳಿದಿದ್ದಾರೆ. ಮೆಜೆಸ್ಟಿಕ್ನ ಬಿಎಂಟಿಸಿ ನಿಲ್ದಾಣದಲ್ಲಿ ಬೆರಳೆಣಿಕೆಯಷ್ಟು ಪ್ರಯಾಣಿಕರು ಮಾತ್ರ ಇದ್ದು, ಹಲವು ಬಸ್ಗಳು ಖಾಲಿ ಖಾಲಿಯಾಗಿವೆ.
ಬಿಎಂಟಿಸಿ ಟಿಕೆಟ್ ನೀತಿಗೆ ಜನರ ಆಕ್ರೋಶ:
ಟಿಕೆಟ್ ವಿತರಣೆಗೆ ಗೇಟ್ ಪಾಸ್ ನೀಡಿರುವ ಬಿಎಂಟಿಸಿ ನಿಗಮ, ಇದೀಗ ಪಾಸ್ ಇದ್ದವರಿಗೆ ಮಾತ್ರ ಸಂಚರಿಸಲು ಅವಕಾಶ ಕಲ್ಪಿಸಿದೆ.
ಫಸ್ಟ್ ಸ್ಟೇಜ್ಗೆ ಹೋಗುವವಗೂ ಕೂಡ 70 ರೂ. ಪಾಸ್ ತೆಗೆದುಕೊಂಡೇ ಹೋಗಬೇಕಾಗಿದೆ. ಇದರಿಂದ ಪ್ರಯಾಣಿಕರು ಹೆಚ್ಚು ದರ ತೆರಬೇಕಾಗಿದೆ. ಹೀಗಾಗಿ ಬಸ್ ಹತ್ತುವುದಕ್ಕೆ ಹಿಂದೇಟು ಹಾಕುತ್ತಿದ್ದಾರೆ ಎನ್ನಲಾಗಿದೆ. ಕೊರೊನಾ ಸಂಕಷ್ಟದಲ್ಲಿ ಹೆಚ್ಚುವರಿ ಹಣ ವಸೂಲಿಗೆ ಇಳಿದಿರುವ ಬಿಎಂಟಿಸಿ ನೀತಿಗೆ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
