ಬೆಂಗಳೂರು: ಐಎಂಎ ಬಹುಕೋಟಿ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೈಕೋರ್ಟ್ ಸೂಚನೆ ಮೇರೆಗೆ ಎಸ್ಐಟಿ ತನಿಖೆಯನ್ನು ಚುರುಕುಗೊಳಿಸಿದೆ. ಹೀಗಾಗಿ ಮನ್ಸೂರ್ ಖಾನ್ ಸ್ನೇಹಿತ ಅಬ್ಬಾಸ್ಗೆ ಎಸ್ಐಟಿಯಿಂದ ನೋಟಿಸ್ ಜಾರಿಯಾಗಿದೆ.
ಮನ್ಸೂರ್ಖಾನ್ ಹಾಗೂ ಅಬ್ಬಾಸ್ ಬಹಳ ವರ್ಷಗಳಿಂದ ಸ್ನೇಹಿತರಾಗಿದ್ದವರು. ಹೀಗಾಗಿ ಮನ್ಸೂರ್ ಐಎಂಎ ವಂಚನೆ ಬೆಳಕಿಗೆ ಬರುತ್ತಿದ್ದಂತೆ ಅಬ್ಬಾಸ್ಗೆ ₹ 9 ಕೋಟಿ ಅನ್ನು ನೀಡಿದ್ದಾನೆ. ಅದು ಕೂಡ ಐಎಂಎ ಆಭರಣದ 38 ಕೆಜಿ ಚಿನ್ನ ಕರಗಿಸಿ ನೀಡಿದ್ದಾನೆ ಎನ್ನಲಾಗ್ತಿದೆ.
ಸದ್ಯ ಅಬ್ಬಾಸ್ ದುಬೈನಲ್ಲಿ ವಾಸವಾಗಿದ್ದು. ಮನ್ಸೂರ್ ನೀಡಿದ ₹ 9 ಕೋಟಿ ಹಣದ ಮಾಹಿತಿಯನ್ನು ನೀಡುವಂತೆ ಎಸ್ಐಟಿ ತಿಳಿಸಿದೆ. ಸಿಬಿಐಗೆ ಕೇಸ್ ವರ್ಗಾವಣೆ ಆಗಿರುವ ಕಾರಣ ಒಂದು ವೇಳೆ ಅಬ್ಬಾಸ್ ವಿಚಾರಣೆಗೆ ಹಾಜರಾದರೆ ಸಿಬಿಐ ಅಧಿಕಾರಿಗಳು ಹಾಗೂ ಇಡಿ ಅಧಿಕಾರಿಗಳು ವಿಚಾರಣೆ ನಡೆಸುವ ಸಾಧ್ಯತೆಯಿದೆ.
