ಬೆಂಗಳೂರು: ಪೊಲೀಸರಿಗೆ ರಾಷ್ಟ್ರೀಯ ತನಿಖಾ ದಳ ಹೊಸ ಟಾಸ್ಕ್‌ ನೀಡಿದ್ದು, ಬಂಧಿಸಲಾಗಿರುವ ಪಿಎಫ್ಐ ಮುಖಂಡರ ಬ್ಯಾಂಕ್ ಡಿಟೇಲ್ಸ್ ನೀಡುವಂತೆ ಸೂಚಿಸಲಾಗಿದೆ. ಇದಕ್ಕೆ ಕಾರಣವೂ ಇದೆ. ಪಿಎಫ್ಐನಿಂದ ಎಲೆಕ್ಷನ್ಗೆ ನಿಲ್ಲಲು ಕೆಲವರು ತಯಾರಾಗಿದ್ದರು ಎಂಬ ಮಾಹಿತಿ ಲಭ್ಯವಾಗಿತ್ತು. ಹೀಗಾಗಿ ಇವರ ಹಣದ ಮೂಲ ಏನೂ ಎಂಬ ಬಗ್ಗೆ ಎನ್ಐಎ ಮಾಹಿತಿ ಕಲೆಹಾಕುತ್ತಿದೆ.
ಮಾಹಿತಿ ಸಂಗ್ರಹಿಸಲು ಸೂಚನೆ: ಹೀಗಾಗಿ ಬೆಂಗಳೂರು ಪೊಲೀಸರಿಗೂ ಮಾಹಿತಿ ಕಲೆಹಾಕುವಂತೆ ಎನ್ಐಎ ಅಧಿಕಾರಿಗಳು ಸೂಚಿಸಿದ್ದಾರೆ. ಈ ಸೂಚನೆ ಬೆನ್ನಲ್ಲೇ ನಗರ ಪೊಲೀಸ್ ಆಯುಕ್ತ ಪ್ರತಾಪ್‌ ರೆಡ್ಡಿ ಡಿಸಿಪಿಗಳ ಜೊತೆ ಸಭೆ ನಡೆಸಿದ್ದಾರೆ. ಸಭೆಯಲ್ಲಿ ಪಿಎಫ್ಐ ಸದಸ್ಯರಲ್ಲಿ ಯಾರೆಲ್ಲಾ ಎಲೆಕ್ಷನ್ಗೆ ನಿಲ್ಲುವ ಪ್ಲಾನ್ ಮಾಡಿದ್ರು. ಅವರ ಬ್ಯಾಗ್ರೌಂಡ್ ಏನು, ಹಣಕಾಸಿನ ಸ್ಥಿತಿಗತಿ ಹೇಗಿತ್ತು ಎಂಬ ಬಗ್ಗೆ ಮಾಹಿತಿ ಸಂಗ್ರಹಿಸಲು ಸೂಚಿಸಿದ್ದಾರೆ. ಸದ್ಯ ನಗರ ಪೊಲೀಸರು ಸೂಚನೆ ಬೆನ್ನಲ್ಲೇ ನಗರದಾದ್ಯಂತ ಅಲರ್ಟ್ ಆಗಿದ್ದಾರೆ.
ಚುನಾವಣೆ ಗೆಲ್ಲುವ ಪ್ಲ್ಯಾನ್‌ ಮಾಡಿದ್ದ ಪಿಎಫ್ಐ: ಇನ್ನೂ ಮುಂದಿನ ವರ್ಷ ರಾಜ್ಯದಲ್ಲಿ ವಿಧಾನಸಭೆ ಹಾಗೂ ದೇಶದಲ್ಲಿ ಲೋಕಸಭಾ ಚುನಾವಣೆ ಬರುತ್ತಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ರಾಜಕೀಯದಲ್ಲಿ ಅಧಿಪತ್ಯ ಸಾಧಿಸಬೇಕು ಎಂದು ಪಿಎಫ್ಐ ಪ್ಲ್ಯಾನ್‌ ಮಾಡಿಕೊಂಡಿತ್ತು. ಇದಕ್ಕಾಗಿ ದೊಡ್ಡ ಮಟ್ಟದಲ್ಲಿ ಪ್ರಚಾರಕ್ಕೆ ಸಿದ್ಧತೆ ನಡೆಸಲಾಗಿತ್ತು.
ಗಲ್ಫ್ ರಾಷ್ಟ್ರಗಳಿಂದ ಹಣದ ಹೊಳೆ: ರಾಜಕೀಯವಾಗಿ ಬಲಿಷ್ಠವಾಗಲು ಪಿಎಫ್ಐ ಖಾತೆಗೆ ಗಲ್ಫ್ ರಾಷ್ಟ್ರಗಳಿಂದ ಹಣದ ಹೊಳೆಯೇ ಹರಿದಿತ್ತು. ಅದರಲ್ಲಿ ಎಲೆಕ್ಷನ್ಗೆ ಅಂತಾ ಅಡ್ವಾನ್ಸ್ ಆಗಿ ಕೋಟಿ ಕೋಟಿ ಬಂದಿರೋ ಮಾಹಿತಿ ಲಭ್ಯವಾಗಿದೆ. ಹೀಗಾಗಿ ಕಾರ್ಪೋರೇಟ್ ಎಲೆಕ್ಷನ್ನಿಂದ ಹಿಡಿದು ವಿಧಾನಸಭೆ ಹಾಗೂ ಲೋಕಸಭೆಗೂ ಎಲ್ಲಾ ಕ್ಷೇತ್ರದಲ್ಲೂ ಎಲೆಕ್ಷನ್ಗೆ ನಿಲ್ಲಲು ತಯಾರಿ ನಡೆಸಿದ್ದರು ಎನ್ನಲಾಗಿದೆ.
ಇದನ್ನೂ ಓದಿ: ಸ್ಫೋಟಕ ಮಾಹಿತಿ ಬಹಿರಂಗ: ಅಪರಾಧ ನಡೆಸಲು ತರಬೇತಿ ಪಡೆಯುತ್ತಿದ್ದರಾ ಪಿಎಫ್ಐ ಮುಖಂಡರು?
ಇದಕ್ಕಾಗಿ ಪಿಎಫ್ಐ ಕಡೆಯಿಂದ ಅಭ್ಯರ್ಥಿಗಳ ಲಿಸ್ಟ್ ಸಹ ತಯಾರಾಗಿತ್ತು. ಈ ಕಾರಣದಿಂದಲೇ ಇವರ ಅಕೌಂಟ್ ಡಿಟೇಲ್ಸ್ನ್ನು ಎನ್ಐಎ ಕೇಳಿದೆ. ಇದರ ಜೊತೆಗೆ ಅಭ್ಯರ್ಥಿಗಳ ಕುಟುಂಬ ಹಾಗೂ ಸಂಬಂಧಿಕರ ಅಕೌಂಟ್ ಗಳ ಪರಿಶೀಲನೆಗೆ ಸಹ ಪೊಲೀಸರಿಗೆ ಸೂಚಿಸಲಾಗಿದೆ.
