ಕೊರೊನಾ ಡ್ಯೂಟಿಯಲ್ಲಿ ನಿರತರಾಗಿರುವ ಪೊಲೀಸ್ ಸಿಬ್ಬಂದಿ ಮೆಡಿಕಲ್ ಚೆಕ್​ ಅಪ್​....

ದೇಶದಲ್ಲಿ ಲಾಕ್​ಡೌನ್​ ಜಾರಿಯಾದ ದಿನದಿಂದ ಇಲ್ಲಿಯವರೆಗೆ ಸಾರ್ವಜನಿಕರ ಸೇವೆಗೆ ನಿರಂತವಾಗಿ ಶ್ರಮಿಸುತ್ತಿರುವ ಪೊಲೀಸ್​ ಸಿಬ್ಬಂದಿಗಳಿಗಾಗಿ ಇಂದು ಬೆಂಗಳೂರು ನಗರದ ಈಶಾನ್ಯ ಭಾಗದಲ್ಲಿ ವೈದ್ಯಕೀಯ ತಪಾಸಣೆ ಹಮ್ಮಿಕೊಳ್ಳಲಾಗಿತ್ತು.

ಬೆಂಗಳೂರು: ಲಾಕ್​​ಡೌನ್ ಪ್ರಾರಂಭವಾದ ದಿನದಿಂದ ನಿತ್ಯ ಹಗಲಿರುಳು ಸಾರ್ವಜನಿಕರಿಗಾಗಿ ಸೇವೆ ಮಾಡುತ್ತಿರುವ ಪೊಲೀಸರಿಗೆ ಮುಂಜಾಗ್ರತಾ ಕ್ರಮವಾಗಿ ವೈದ್ಯಕೀಯ ಚೆಕ್​ ಅಪ್ ಕಾರ್ಯಕ್ರಮವನ್ನು ಈಶಾನ್ಯ ವಿಭಾಗ ವ್ಯಾಪ್ತಿಯಲ್ಲಿ ನಡೆಸಲಾಯಿತು.

ಕೊರೊನಾ ಡ್ಯೂಟಿಯಲ್ಲಿ ನಿರತರಾಗಿರುವ ಪೊಲೀಸ್ ಸಿಬ್ಬಂದಿಗಳಿಗೆ ಮೆಡಿಕಲ್ ಚೆಕ್​ ಅಪ್

ಕಾರ್ಯಕ್ರಮಕ್ಕೆ ಡಿಸಿಪಿ ಭೀಮಾಶಂಕರ್ ಗುಳೇದ್, ಯಲಹಂಕ ಶಾಸಕ ವಿಶ್ವನಾಥ್ ಕೂಡ ಹೆಲ್ತ್ ಕ್ಯಾಂಪ್​​ನಲ್ಲಿ ಭಾಗಿಯಾಗಿದ್ದರು. ಯಲಹಂಕ ,ನ್ಯೂ ಟೌನ್,ವಿದ್ಯಾರಣ್ಯಪುರ, ಕೊಡಿಗೆಹಳ್ಳಿ, ಅಧಿಕಾರಿ ಮತ್ತು ಸಿಬ್ಬಂದಿ, ಸಾರ್ವಜನಿಕರು, ಸ್ವಯಂ ಸೇವಕರು ಒಟ್ಟು 300 ಜನರಿಗೆ ಚಿಕಿತ್ಸೆ ನಡೆಸಿದ್ದು ಕಾರ್ಯಕ್ರಮದಲ್ಲಿ ‌ವೈದ್ಯರು ಪೊಲೀಸರಿಗೆ ಕೆಲ ಕಿವಿ ಮಾತು ತಿಳಿಸಿದ್ದಾರೆ.

ಕೊರೊನಾ ಹಾಟ್​ಸ್ಪಾಟ್​​ನಲ್ಲಿ ಹೆಚ್ಚು ಎಚ್ಚರ ವಹಿಸಿ, ರೋಗ ನಿರೋಧಕ ಆಹಾರವನ್ನು ಸೇವಿಸಿ , ರೋಗ ಯಾವಾಗ ಹೇಗೆ ಬರುತ್ತಿದೆ ಅನ್ನೋದು ಗೊತ್ತಾಗಲ್ಲ. ಸೋಂಕಿತ ವ್ಯಕ್ತಿಗಳಿಂದ ದೂರ ಇರಿ ಎಂದಿದ್ದಾರೆ. ಇನ್ನು ಚೆಕ್ ಅಪ್ ನಂತರ ಎಂದಿನಂತೆ ಮತ್ತೆ ಸಿಬ್ಬಂದಿಗಳು ಕರ್ತವ್ಯಕ್ಕೆ ಮರಳಿದ್ದಾರೆ.