ಬೆಂಗಳೂರು: ಕೊರೊನಾ ಸೋಂಕಿನಿಂದ ಸಾವನ್ನಪ್ಪುತ್ತಿರುವವರ ಸಂಖ್ಯೆ ಏರಿಕೆಯಾಗುತ್ತಿದ್ದು, ಇತ್ತ ಚಿತಾಗಾರದ ಬಳಿ ಆ್ಯಂಬುಲೆನ್ಸ್ಗಳು ಸಾಲುಗಟ್ಟಿ ನಿಲ್ಲುತ್ತಿವೆ. ನಗರದ ಸುಮನಹಳ್ಳಿ ಚಿತಾಗಾರದೊಳಗೆ ಕೋವಿಡ್ನಿಂದ ಮೃತಪಟ್ಟವರ ಅಂತ್ಯಕ್ರಿಯೆಗೆ ಸರದಿಯಲ್ಲಿ ನಿಲ್ಲಬೇಕಾದ ಅನಿವಾರ್ಯತೆ ಎದುರಾಗಿದೆ.
ಕೋವಿಡ್ನಿಂದ ಮೃತಪಟ್ಟವವರ ಶವ ತಂದಿರುವ 7 ಆ್ಯಂಬುಲೆನ್ಸ್ಗಳು ನಿಂತಿರುವುದು ಕಂಡುಬರುತ್ತಿದೆ. ನಿನ್ನೆ ಮಧ್ಯರಾತ್ರಿಯಿಂದ ಅಂತ್ಯಕ್ರಿಯೆ ನಡೆಸುತ್ತಿರುವ ಚಿತಾಗಾರದ ಸಿಬ್ಬಂದಿ ಒಟ್ಟು 40 ಮೃತದೇಹಗಳ ಅಂತ್ಯಕ್ರಿಯೆ ನೆರವೇರಿಸಿದ್ದಾರೆ.
ಕೋವಿಡ್ನಿಂದ ಮೃತಪಟ್ಟವರ ದಹನಕ್ಕೂ ಸರದಿ ಸಾಲು
ಬೆಳಗ್ಗೆ 7ಕ್ಕೆ ಮೃತದೇಹಗಳ ಅಂತ್ಯಕ್ರಿಯೆ ಆರಂಭಗೊಳ್ಳುತ್ತಿದ್ದು, ಕತ್ತಲಾದರೂ ಅಂತ್ಯಕ್ರಿಯೆ ನೆರವೇರುತ್ತಲೇ ಇದೆ. ನಗರದ ಹಲವು ಚಿತಾಗಾರದ ಬಳಿ ಆ್ಯಂಬುಲೆನ್ಸ್ಗಳು ಸಾಲುಗಟ್ಟಿ ನಿಂತಿವೆ.
ಈ ಸಂಬಂಧ ಒತ್ತಡ ತಗ್ಗಿಸಲು ನಿರ್ವಹಣೆಯಲ್ಲಿರುವ 13 ರಲ್ಲಿ 12 ಚಿತಾಗಾರಗಳನ್ನು ಇಂದಿನಿಂದ ಕೋವಿಡ್ನಿಂದ ಮೃತಪಟ್ಟವರಿಗಾಗಿ ತೆರೆದಿರುವುದಾಗಿ ಬಿಬಿಎಂಪಿ ತಿಳಿಸಿದೆ.
