ಬೆಂಗಳೂರು: ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (ಕೆಎಸ್ಸಿಎ) ಚುನಾವಣೆ ಫಲಿತಾಂಶ ಹೊರಬಿದ್ದಿದ್ದು ರೋಜರ್ ಬಿನ್ನಿ ಬಣ ಗೆಲುವು ಪಡೆದಿದೆ. ಈ ಮೂಲಕ ಎಂ ಹರೀಶ್ ಬಣ ನಿರೀಕ್ಷೆಯಂತೆ ಸೋಲು ಅನುಭವಿಸಿದೆ.
ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ರೋಜರ್ ಬಿನ್ನಿ ಬಣ ಹಾಗು ಎಂ ಹರೀಶ್ ಬಣದ ಮಧ್ಯೆ ಕೆಎಸ್ಸಿಎ ಅದ್ಯಕ್ಷ ಗಾದಿಗಾಗಿ ತೀವ್ರ ಪೈಪೋಟಿ ಕಂಡು ಬಂದಿತ್ತು. ಎರಡು ಬಣದ ಸದಸ್ಯರು ರಾಜ್ಯ ಕ್ರಿಕೆಟ್ ಸಂಸ್ಥೆಯ ಚುಕ್ಕಾಣಿ ಹಿಡಿಯಲು ತಮ್ಮದೇ ರೀತಿಯಲ್ಲಿ ಪ್ರಯತ್ನ ಪಟ್ಟಿದ್ದರು. ಆದ್ರೆ, ಚುನಾವಣಾ ಕಣದಲ್ಲಿ ಬಿನ್ನಿ ಮೇಲುಗೈ ಸಾಧಿಸುವುದು ಖಚಿತ ಅಂತ ಫಲಿಂತಾಶಕ್ಕೂ ಮುನ್ನ ಹೇಳಲಾಗುತ್ತಿತ್ತು. ಕೊನೆಗೂ ಈ ಭವಿಷ್ಯ ನಿಜವಾಗಿದೆ. ಸರಿಯಾದ ಕಾಲಾವಕಾಶ ಜೊತೆಗೆ ಸದಸ್ಯರ ಸಂಪರ್ಕಕ್ಕೆ ಮಾಹಿತಿ ಸಿಗದೇ ಕ್ಯಾಪ್ಟನ್ ಎಂ ಎನ್ ಹರೀಶ್ ಬಣ ಚುನಾವಣೆಗೂ ಮುನ್ನವೇ ಸೋತಂತೆ ಕಂಡುಬಂದಿತ್ತು. ಇದೀಗ ನಿರೀಕ್ಷೆಯಂತೆಯೇ ಫಲಿತಾಂಶ ಹೊರಬಂದಿದೆ.
ಬಿನ್ನಿ ಪಣ ಗೆಲುವು ದಾಖಲು ಮಾಡುತ್ತಿದ್ದಂತೆ ನಮ್ಮ ಪ್ರತಿನಿಧಿ ಅವರೊಂದಿಗೆ ಚಿಟ್ಚಾಟ್ ನಡೆಸಿದ್ದು, ಕೆಎಸ್ಸಿಎ ಅಭಿವೃದ್ದಿ ಬಗ್ಗೆ ಏನೆಲ್ಲ ಕ್ರಮ ಕೈಗೊಳ್ಳುತ್ತೇವೆ ಎಂಬುದರ ಕುರಿತು ಮಾತನಾಡಿದ್ದರು.
ಕೆಎಸ್ಸಿಎ ಮಾಜಿ ಕಾರ್ಯದರ್ಶಿ ಬ್ರಿಜೇಶ್ ಪಟೇಲ್ ಬೆಂಬಲಿತ ಬಣವೆಂದೇ ರೋಜರ್ ಬಿನ್ನಿ ಗುರುತಿಸಿಕೊಂಡಿದ್ದರು.
ಚುನಾವಣೆಯಲ್ಲಿ ಬಿನ್ನಿ 943 ಮತಗಳನ್ನು ಪಡೆದು ಜಯ ಗಳಿಸಿದ್ರೆ, ಹರೀಶ್ 111 ಮತಗಳನ್ನು ಪಡೆದು ಸೋಲು ಅನುಭವಿಸಿದ್ದಾರೆ.
