ಕೆಪಿಎಲ್​​​ನಲ್ಲಿ ಫಿಕ್ಸಿಂಗ್​​ ಭೂತ... ಕ್ರಿಕೆಟರ್ ಸಿಎಂ​ ಗೌತಮ್​ ಸೇರಿ ಹಲವರ ಬಂಧನ

ಕೆಪಿಎಲ್ ಮ್ಯಾಚ್ ಫಿಕ್ಸಿಂಗ್ ಹಗರಣ ದಿನಕ್ಕೊಂದು ತಿರುವು ಪಡೆಯುತ್ತಿದ್ದು, ಇದೀಗ ಸಿಸಿಬಿ ಹೆಚ್ಚುವರಿ ಆಯುಕ್ತ ಸಂದೀಪ್ ಪಾಟೀಲ್ ಅವರ ನೇತೃತ್ವದಲ್ಲಿ ಪ್ರಮುಖ ಆಟಗಾರರನ್ನ ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರು: ಕೆಪಿಎಲ್ ಮ್ಯಾಚ್ ಫಿಕ್ಸಿಂಗ್ ಹಗರಣ ದಿನಕ್ಕೊಂದು ತಿರುವು ಪಡೆಯುತ್ತಿದ್ದು, ಇದೀಗ ಸಿಸಿಬಿ ಹೆಚ್ಚುವರಿ ಆಯುಕ್ತ ಸಂದೀಪ್ ಪಾಟೀಲ್ ನೇತೃತ್ವದಲ್ಲಿ ಪ್ರಮುಖ ಆಟಗಾರರನ್ನ ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಕರ್ನಾಟಕ ರಣಜಿ ತಂಡದ ಮಾಜಿ ವಿಕೆಟ್​ ಕೀಪರ್​ ಸಿ.ಎಂ ಗೌತಮ್, ಆಲ್​ರೌಂಡರ್​ ಅಬ್ರಾರ್ ಖಾಜಿ ಬಂಧಿತ ಫಿಕ್ಸಿಂಗ್ ಪ್ಲೇಯರ್​ಗಳು. ಇಬ್ಬರೂ ಬಳ್ಳಾರಿ ಟೀಂ ಪ್ಲೇಯರ್ಸ್​ಳಾಗಿದ್ದು, ಗೌತಮ್ ಬಳ್ಳಾರಿ ಟೀಂ ನ ನಾಯಕರಾಗಿದ್ದರು. ಕೆಪಿಎಲ್​ನ 2019 ರ ಹುಬ್ಬಳ್ಳಿ ಮತ್ತು ಬಳ್ಳಾರಿ ನಡುವಿನ ಪಂದ್ಯದಲ್ಲಿ ಈ ಇಬ್ಬರು ಆಟಗಾರರು ಸ್ಲೋ ಬ್ಯಾಟಿಂಗ್ ಸೇರಿದಂತೆ ಇನ್ನಿತರ ವಿಚಾರಗಳಿಗೆ 20 ಲಕ್ಷಕ್ಕೆ ಫಿಕ್ಸಿಂಗ್ ಮಾಡಿಕೊಂಡಿದ್ರು ಎಂದು ತನಿಖೆಯಿಂದ ತಿಳಿದುಬಂದಿದೆ.

ಅಲ್ಲದೇ ಬೆಂಗಳೂರು ಮ್ಯಾಚ್​ನಲ್ಲೂ ಇದೇ ರೀತಿ ಫಿಕ್ಸಿಂಗ್ ನಡೆದಿತ್ತು ಅನ್ನೋ ವಿಚಾರ ಸಿಸಿಬಿ ತನಿಖೆಯಲ್ಲಿ ಬಯಲಾಗಿ‌ದ್ದು, ಸದ್ಯ ಇಬ್ಬರು ಆಟಗಾರರನ್ನು ಬಂಧಿಸಲಾಗಿದೆ. ಇನ್ನು ಸಿಎಂ ಗೌತಮ್ ಕರ್ನಾಟಕ ಹಾಗೂ ಗೋವಾ ಪರ ರಣಜಿಯಲ್ಲೂ, ಐಪಿಎಲ್​ ತಂಡಗಳಾದ ಆರ್ಸಿ​ಬಿ, ಮುಂಬೈ ಇಂಡಿಯನ್ಸ್, ಡೆಲ್ಲಿ ಡೇರ್ ಡೆವಿಲ್ಸ್ ಪರ ಆಟಡಿದ್ದರು. ಇನ್ನು ಅಬ್ರಾರ್ ಖಾಜಿ ಕರ್ನಾಟಕ ಹಾಗೂ ಮಿಜೊರಾಂ ಪರ ರಣಜಿ ಟೂರ್ನಿಯಲ್ಲಿ ಆಡಿದ್ದಾರೆ. ಸದ್ಯ ಇಬ್ಬರು ಆಟಗಾರರನ್ನ ಬಂಧಿಸಿರುವ ಸಿಸಿಬಿ ಪೊಲೀಸರು ಮತ್ತಷ್ಟು ವಿಚಾರಣೆ ನಡೆಸುತ್ತಿದ್ದಾರೆ.

.