ಬೆಂಗಳೂರು: ವೀಕೆಂಡ್ ಲಾಕ್‌ಡೌನ್ ವೇಳೆ ಕೋವಿಡ್ ಮಾರ್ಗಸೂಚಿಗಳನ್ನು ಅನುಸರಿಸಿ ಅರಣ್ಯ ಪ್ರದೇಶಗಳು ಮತ್ತು ಅಭಯಾರಣ್ಯಗಳಲ್ಲಿ ಸಫಾರಿಗೆ ಅನುಮತಿ ನೀಡಲಾಗಿದೆ.
ಈ ಸಂಬಂಧ ಸ್ಪಷ್ಟೀಕರಣ ಹೊರಡಿಸಿರುವ ಸರ್ಕಾರ, ವಾರಾಂತ್ಯಕ್ಕೆ ಬುಕ್ಕಿಂಗ್‌ ಮಾಡಿ ಅಧಿಕೃತ ದಾಖಲೆಗಳನ್ನು ಹೊಂದಿರುವ ಪ್ರವಾಸಿಗರು ತಮ್ಮ ಕಾರು, ಟ್ಯಾಕ್ಸಿ ಮತ್ತು ಇತರ ಸಾರಿಗೆ ವಿಧಾನಗಳ ಮೂಲಕ ಪ್ರಯಾಣಿಸಲು ಅನುಮತಿಸಿದೆ. ಹೋಟೆಲ್, ರೆಸಾರ್ಟ್‌ಗಳಲ್ಲಿ ತಂಗಿರುವಂತಹ ಅತಿಥಿಗಳಿಗೆ ಯಾವುದೇ ನಿರ್ಬಂಧ ಇಲ್ಲ ಎಂದು ತಿಳಿಸಿದೆ.
ಎಲ್ಲಾ ಸೌಲಭ್ಯಗಳನ್ನು ಹೋಟೆಲ್, ರೆಸಾರ್ಟ್‌ಗಳಲ್ಲಿ ತಂಗಿರುವಂತಹ ಅತಿಥಿಗಳಿಗಾಗಿ ಮಾತ್ರ ಒದಗಿಸಲು ಅನುಮತಿಸಿದೆ. ಬುಕಿಂಗ್ ಮಾಡಿರುವ ದಾಖಲೆಯೊಂದಿಗೆ ಅತಿಥಿಗಳು, ಹೋಟೆಲ್‌ಗಳಲ್ಲಿ ಚೆಕ್-ಇನ್, ಚೆಕ್ ಔಟ್ ಮಾಡಬಹುದಾಗಿದೆ.
ಇದನ್ನೂ ಓದಿ: ಒಂದೇ ಮನೆಯ ಮೂವರ ಹೊಟ್ಟೆಗೆ ಇರಿದು ವ್ಯಕ್ತಿ ಪರಾರಿ
