ಬೆಂಗಳೂರು: ಜೆಡಿಎಸ್ ನಾಯಕರು ಅಗಾಗ ಕಾಂಗ್ರೆಸ್‌ನ ಲಾಭ ಪಡೆದುಕೊಂಡಿದ್ದಾರೆ. ಇದೀಗ ಅದನ್ನು ಮರೆತಿದ್ದಾರೆ ಎಂದು ಮಾಜಿ ಸಚಿವ ಆರ್. ಬಿ. ತಿಮ್ಮಾಪುರ್ ಆರೋಪಿಸಿದ್ದಾರೆ.
ಸಭಾಪತಿ, ಉಪಸಭಾಪತಿ ಸ್ಥಾನಕ್ಕೆ ಜೆಡಿಎಸ್, ಬಿಜೆಪಿ ಮೈತ್ರಿ ಕುರಿತು ವಿಧಾನಸೌಧದಲ್ಲಿ ಮಾತನಾಡಿದ ಅವರು, ದೇವೇಗೌಡರು ಕಾಂಗ್ರೆಸ್ನವರಿಂದ ಪ್ರಧಾನಿಯಾಗಿದ್ರು. ಕುಮಾರಸ್ವಾಮಿ ಕಾಂಗ್ರೆಸ್ನಿಂದ ಸಿಎಂ ಆಗಿದ್ದರು. ಬಿಜೆಪಿಯ ಜೊತೆ ಹೋಗಿ ಮಾತು ತಪ್ಪಿ ದೂರ ಆಗಿದ್ರು. ಈಗ ಮತ್ತೆ ಬಿಜೆಪಿ ಜೊತೆ ಹೋಗಿದ್ದಾರೆ. ಜೆಡಿಎಸ್‌ನವರು ಅಧಿಕಾರಕ್ಕಾಗಿ ಯಾವಾಗ ಏನ್ ಮಾಡ್ತಾರೆ ಅನ್ನೋದು ಗೊತ್ತಿಲ್ಲ ಎಂದರು.
ಓದಿ: ನೂತನ ಉಪ ಸಭಾಪತಿಯಾಗಿ ಬಿಜೆಪಿಯ ಪ್ರಾಣೇಶ್ ಆಯ್ಕೆ
ಉಪಕಾರ ಮಾಡಿದವರನ್ನ ಮರೆತುಬಿಡ್ತಾರೆ. ಜೆಡಿಎಸ್‌ಗೆ ತತ್ತ್ವ ಸಿದ್ಧಾಂತ ಏನೂ ಇಲ್ಲ. ಕೆಲವೊಮ್ಮೆ ನಾವು ಕೋಮುವಾದಿ ಅಲ್ಲ ಅಂತಾರೆ, ಈಗ ಕೋಮುವಾದಿಗಳ ಜೊತೆ ಕೈ ಜೋಡಿಸಿದ್ದಾರೆ ಎಂದು ಜೆಡಿಎಸ್ ವಿರುದ್ಧ ಕಿಡಿ ಕಾರಿದರು.
