ಬೆಂಗಳೂರು : ಯಲಂಹಕ ಜೆಡಿಎಸ್ ಅಭ್ಯರ್ಥಿ ಎಂ. ಮುನೇಗೌಡ ತಾವೇ ಕಿಡ್ನಾಪ್ ಆಗುವ ಮಾತುಕಥೆ ಒಳಗೊಂಡ ರಹಸ್ಯ ಕಾರ್ಯಚರಣೆ ವಿಡಿಯೋ ವೈರಲ್ ಆಗಿದ್ದು, ಆ ವಿಡಿಯೋ ಕುರಿತು ಪ್ರತಿಕ್ರಿಯೆ ನೀಡಿದ ಮುನೇಗೌಡ ಯಲಹಂಕ ಬಿಜೆಪಿ ಶಾಸಕ ಎಸ್ ಆರ್ ವಿಶ್ವನಾಥ್ ವಿರುದ್ಧ ಏಕವಚನದಲ್ಲಿ ವಾಗ್ಧಾಳಿ ನಡೆಸಿದರು. ವಿಡಿಯೋ ಸತ್ಯಸತ್ಯೆತೆಯ ಬಗ್ಗೆ ಧರ್ಮಸ್ಥಳಕ್ಕೆ ಬಂದು ಆಣೆ ಪ್ರಮಾಣ ಮಾಡುವಂತೆ ಮುನೇಗೌಡ ಆಹ್ವಾನ ಕೊಟ್ಟಿದ್ದಾರೆ.
ಇದನ್ನೂ ಓದಿ : ಬಜರಂಗದಳ ನಿಷೇಧ ಯಾರಿಂದಲೂ ಸಾಧ್ಯವಿಲ್ಲ: ಕಾಂಗ್ರೆಸ್ ವಿರುದ್ಧ ಬಿಎಸ್ ಯಡಿಯೂರಪ್ಪ ಕಿಡಿ
ಈ ಬಗ್ಗೆ ಯಲಹಂಕದಲ್ಲಿ ಪ್ರತಿಕ್ರಿಯೆ ನೀಡಿದ ಅವರು ಎಸ್. ಆರ್. ವಿಶ್ವನಾಥ್ ಒಬ್ಬ ರಣ ಹೇಡಿ, ಆಂಧ್ರದ ರಾಜಕಾರಣವನ್ನು ಇಲ್ಲಿ ಮಾಡುತ್ತಿದ್ದು, ಭಯ ಪಡಿಸಿದರೇ ವಾಪಸ್ ಹೋಗುತ್ತಾರೆ ಎಂದುಕೊಂಡಿದ್ದಾನೆ. ಗಂಡಸರಾಗಿದ್ದಾರೆ ಜನರ ಪ್ರೀತಿ ಗಳಿಸಬೇಕು. ಇದೇ ರೀತಿ ಈ ಹಿಂದೆಯೂ ಕೂಡಾ ಹಲವು ಕುತಂತ್ರ ಮಾಡಿದ್ದಾನೆ. ದಲಿತ ಸಮುದಾಯದ ವಜ್ರೇಶ್ ಕೊಲೆ ಪ್ರಕರಣ, ಜೈಲಿನಲ್ಲಿ ಅನಿಲ್ ರಾಜ್ ಸಾವು ತನಿಖೆ, ಕಡಬಗೆರೆ ಶ್ರೀನಿವಾಸ್ ಮೇಲಿನ ಗುಂಡಿನ ದಾಳಿ ಕೇಸ್ ಏನಾಯಿತು ಎಂದು ಎಸ್ ಆರ್ ವಿಶ್ವನಾಥ್ಗೆ ಎಂ ಮುನೇಗೌಡ ಪ್ರಶ್ನಿಸಿದರು.
ಇದನ್ನೂ ಓದಿ : ಕಾಂಗ್ರೆಸ್ ಚುನಾವಣಾ ಪ್ರಣಾಳಿಕೆ ಪ್ರತಿಗೆ ಬೆಂಕಿಯಿಟ್ಟ ಈಶ್ವರಪ್ಪ: ಕೆಎಸ್ಇ ಮಾಡಿದ್ದು ಸರಿಯಲ್ಲ ಎಂದು ಖರ್ಗೆ ಗರಂ
ಯಾರೋ ಯುಟ್ಯೂಬ್ ಚಾನಲ್ ನವರು ಬಂದು ತಮಾಷೆಗೆ ಮಾತನಾಡುತ್ತಿದ್ದರು. ಏನೋ ಐಡಿಯಾ ಕೊಡುತ್ತೇವೆ ಎಂದು ಹೇಳಿದ್ರು. ಆದರೆ ನಾನು ಈ ಬಗ್ಗೆ ತಲೆಕೆಡಿಸಿಕೊಳ್ಳದೆ ಎದ್ದು ನಡೆಯಪ್ಪ ಎಂದು ಕಳಿಸಿದ್ದೆ. ಈ ಸಂದರ್ಭದಲ್ಲಿ ಅವರೇ ಮಾತನಾಡಿರುವ ವಿಡಿಯೋ ರೆಕಾರ್ಡ್ ಮಾಡಿದ್ದು, ವಿಡಿಯೋದಲ್ಲಿ ನನ್ನ ಧ್ವನಿಯೇ ಇಲ್ಲ. ಎದ್ದು ನಡಿಯಪ್ಪ ಅನ್ನುವ ನನ್ನ ಮಾತಿಗೆ ಬಿಪ್ ಸೌಂಡ್ ಹಾಕಿದ್ದಾರೆ. ಎಂಎಲ್ಎ ದೊಡ್ಡ ಮೊತ್ತ ಕೊಟ್ಟು ಈ ವಿಡಿಯೋ ಮಾಡಿಸಿದ್ದಾರೆ. ಈ ಬಗ್ಗೆ ಪೊಲೀಸ್ ಠಾಣೆಗೆ ದೂರು ಕೊಟ್ಟಿದ್ದೇವೆ. ಸತ್ಯಾಸತ್ಯತೆಗಳು ಹೊರ ಬರಬೇಕು ಎಂದು ಎಸ್. ಆರ್. ವಿಶ್ವನಾಥ್ ವಿರುದ್ದ ಮುನೇಗೌಡ ಆರೋಪಿಸಿದರು.
ಇದನ್ನೂ ಓದಿ : ವಿಜುಗೌಡ ಪಾಟೀಲ್ಗೆ ಬಬಲೇಶ್ವರ ಬಿಜೆಪಿ ಟಿಕೆಟ್ ಸಿಕ್ಕಾಗ ಅವರ ಮಗ ಗುಂಡು ಹಾರಿಸಿ ಸಂಭ್ರಮಿಸಿದ್ದರು: ರಾಜು ಆಲಗೂರ
