ಬೆಂಗಳೂರು: ನಗರದಲ್ಲಿ ರಾತ್ರಿ ವೇಳೆ ಹೋಟೆಲ್ ಉದ್ಯಮ ನಡೆಸಲು ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆಯಿಂದ ನಿಬಂಧನೆಗಳಿವೆ. ಆದರೆ ಅವಧಿ ಮೀರಿ ಆಹಾರ ಪೂರೈಕೆಯಲ್ಲಿ ತೊಡಗಿದ್ದ ಆರೋಪದಡಿ ಪ್ರತಿಷ್ಠಿತ ಎಂಪೈರ್ ಹೋಟೆಲ್ ವಿರುದ್ಧ ಕೋರಮಂಗಲ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.
ಸಾಮಾನ್ಯವಾಗಿ ರಾತ್ರಿ 1 ಗಂಟೆಯವರೆಗೂ ಹೋಟೆಲ್ ನಡೆಸಲು ಅವಕಾಶವಿದೆ. ಆದರೆ ಕೋರಮಂಗಲದ 5ನೇ ಬ್ಲಾಕ್ ನಲ್ಲಿರುವ ಎಂಪೈರ್ ಹೋಟೆಲ್‌ನಲ್ಲಿ ಮಾತ್ರ ರಾತ್ರಿ 2 ಗಂಟೆಯವರೆಗೂ ವಹಿವಾಟು ನಡೆಸುತ್ತಿತ್ತು. ಮಧ್ಯರಾತ್ರಿಯವರೆಗೂ ಗ್ರಾಹಕರು ಕೂಗಾಡುತ್ತ ಇತರರಿಗೂ ತೊಂದರೆ ಕೊಡುತ್ತಿದ್ದರು ಎನ್ನಲಾಗ್ತಿದೆ.
ಇದೇ ವೇಳೆ ಗಸ್ತಿನಲ್ಲಿ ಕೋರಮಂಗಲದ ಠಾಣಾ ಸಿಬ್ಬಂದಿ ಹೋಟೆಲ್‌ಗೆ ತೆರಳಿ ವಿಚಾರಿಸಿದಾಗ ಅವಧಿ ಮೀರಿ 2 ಗಂಟೆಯವರೆಗೂ ಹೋಟೆಲ್ ನಡೆಸುತ್ತಿರೋದು ತಿಳಿದು ಬಂದಿದೆ. ಹೀಗಾಗಿ ಹೋಟೆಲ್ ಮ್ಯಾನೇಜರ್ ಇಕ್ಬಾಲ್ ವಿರುದ್ಧ ಕೋರಮಂಗಲ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ : ಗಂಡನ ಸಾಲದ ಶೂಲಕ್ಕೆ ಹೆಂಡತಿ ಆತ್ಮಹತ್ಯೆ
