ಬೆಂಗಳೂರಿನಲ್ಲಿ ಜೋರಾದ ಡ್ರಗ್ಸ್​ ಘಾಟು: ನಕಲಿ ಗುಟ್ಕಾ ವಶಕ್ಕೆ ಪಡೆದ ಸಿಸಿಬಿ

ಕೆ.ಆರ್ ಮಾರ್ಕೆಟ್​ನಲ್ಲಿ ನಕಲಿ ಗುಟ್ಕಾ ದಂಧೆ ಜೋರಾಗಿದ್ದು, ಮಾಹಿತಿ ಮೇರೆಗೆ ಸಿಸಿಬಿ ಅಧಿಕಾರಿಗಳ ತಂಡ ದಾಳಿ ಮಾಡಿ ಮೂಟೆ ಮೂಟೆ ನಕಲಿ ಗುಟ್ಕಾ ಜಪ್ತಿ ಮಾಡಿದ್ದಾರೆ. ಜೊತೆಗೆ ನೆಲಮಂಗಲ ರಸ್ತೆಯಲ್ಲಿನ ಗೋಡೌನ್ ಮೇಲೆ ಸಹ ದಾಳಿ ಮಾಡಲಾಗಿದೆ.

ಬೆಂಗಳೂರು: ಸ್ಯಾಂಡಲ್​​ವುಡ್ ಡ್ರಗ್ಸ್​​ ಮಾಫಿಯಾ ತನಿಖೆ ಜೋರಾದ ಬೆನ್ನಲ್ಲೇ ತಡರಾತ್ರಿ ಸಿಸಿಬಿ ನಾರ್ಕೋಟಿಕ್ಸ್ ಭರ್ಜರಿ ಬೇಟೆಯಾಡಿದೆ.

ಕೆ.ಆರ್ ಮಾರ್ಕೆಟ್​ನಲ್ಲಿ ನಕಲಿ ಗುಟ್ಕಾ ದಂಧೆ ಜೋರಾಗಿದ್ದು, ಮಾಹಿತಿ ಮೇರೆಗೆ ಸಿಸಿಬಿ ಅಧಿಕಾರಿಗಳ ತಂಡ ದಾಳಿ ಮಾಡಿ ಮೂಟೆ ಮೂಟೆ ನಕಲಿ ಗುಟ್ಕಾ ಜಪ್ತಿ ಮಾಡಿದೆ. ದಾಳಿ ವೇಳೆ‌ 200 ಮೂಟೆ ನಕಲಿ ಗುಟ್ಕಾ, 3 ಲಾರಿಗಳನ್ನು ಸೀಜ್ ಮಾಡಿ ಆರೋಪಿಗಳಿಗಾಗಿ ಶೋಧ ಮುಂದುವರೆಸಿದ್ದಾರೆ. ಮತ್ತೊಂದಡೆ ನೆಲಮಂಗಲ ರಸ್ತೆಯಲ್ಲಿನ ಗೋಡೌನ್ ಮೇಲೆ ದಾಳಿ ಮಾಡಿದ ಸಿಸಿಬಿ ನಾರ್ಕೋಟಿಕ್ಸ್, ಡ್ರಗ್ಸ್​ ಜಪ್ತಿ ಮಾಡಿದೆ.

ದಾಳಿ ವಿಚಾರ ತಿಳಿಯುತ್ತಿದ್ದಂತೆ ಕೆಲವರು ತಲೆಮರೆಸಿಕೊಂಡಿದ್ದು, ಸಿಸಿಬಿ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.