ಬೆಂಗಳೂರು: ಕೊರೊನಾ ವೈರಸ್ ಈಗಾಗಲೇ ಜಗತ್ತಿನ ಆರ್ಥಿಕ ಪರಿಸ್ಥಿತಿಯನ್ನು ಹದಗೆಡಿಸಿದೆ. ಕೇಂದ್ರದ ಅಂಕಿ ಅಂಶಗಳ ಪ್ರಕಾರ ದೇಶದಲ್ಲಿ ಗ್ರಾಹಕ ಬೆಲೆ ಸೂಚ್ಯಂಕವು, ಅಕ್ಟೋಬರ್ ತಿಂಗಳಲ್ಲಿ 1,052 (ಗ್ರಾಮೀಣ) ಹಾಗೂ 1,057 (ನಗರ) ಇದೆ. ಹಾಗೂ ರಾಜ್ಯದ ಸೂಚ್ಯಂಕವು ರಾಷ್ಟ್ರೀಯ ಗ್ರಾಹಕ ಬೆಲೆ ಸೂಚ್ಯಂಕಕ್ಕಿಂತಲೂ ಹೆಚ್ಚಿದೆ.
ಕರ್ನಾಟಕದಲ್ಲಿ ಗ್ರಾಹಕ ಬೆಲೆ ಸೂಚ್ಯಂಕ
1. ಗ್ರಾಮೀಣ ಭಾಗದ ಗ್ರಾಹಕ ಬೆಲೆ ಸೂಚ್ಯಂಕ
ಸೆಪ್ಟೆಂಬರ್ ತಿಂಗಳಲ್ಲಿ ಸಾಮಾನ್ಯ 1,163 ಹಾಗೂ ಆಹಾರ 1,164 ಇದ್ದು, ಇನ್ನು ಅಕ್ಟೋಬರ್ ತಿಂಗಳಲ್ಲಿ ಸಾಮಾನ್ಯ 1,181 ಹಾಗೂ ಆಹಾರ 1,189 ಇದೆ.
2. ನಗರ ಪ್ರದೇಶದ ಗ್ರಾಹಕ ಬೆಲೆ ಸೂಚ್ಯಂಕ
ಸೆಪ್ಟೆಂಬರ್ ತಿಂಗಳಲ್ಲಿ ಸಾಮಾನ್ಯ 1,151 ಹಾಗೂ ಆಹಾರ 1,137 ಇದ್ದು, ಇನ್ನು ಅಕ್ಟೋಬರ್ ತಿಂಗಳಲ್ಲಿ ಸಾಮಾನ್ಯ 1,170 ಹಾಗೂ ಆಹಾರ 1,163 ಇದೆ.
ರಾಷ್ಟ್ರೀಯ ಗ್ರಾಹಕ ಬೆಲೆ ಸೂಚ್ಯಂಕಕ್ಕೂ ರಾಜ್ಯದ ಅಂಕಿ ಅಂಶಕ್ಕೂ ಗ್ರಾಮೀಣ ಭಾಗದಲ್ಲಿ, 152 ಅಂಕಿ ಹೆಚ್ಚಿದ್ದು, ಹಾಗೂ ನಗರ ಪ್ರದೇಶಗಳಲ್ಲಿ 113 ಹೆಚ್ಚಿದೆ.
ಗ್ರಾಹಕ ಬೆಲೆ ಸೂಚ್ಯಂಕ ಎಂದರೆ ಏನು..?
ಗೃಹಸ್ಥರು ಖರೀದಿ ಮಾಡಿದ ಗ್ರಾಹಕ ಸರಕುಗಳನ್ನು ಹಾಗೂ ಸೇವೆಗಳನ್ನು ಅಂದಾಜು ಮಾಡುವುದೇ ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ). ಅಕ್ಕಿ, ಬೇಳೆಯಿಂದ ಮೊಬೈಲ್ ರೀಚಾರ್ಜ್ನಂತಹ ಸೇವೆಯ ಒಟ್ಟು ಅಂದಾಜು ಬೆಲೆ ಒಂದು ನಗರ/ ಹಳ್ಳಿಯಲ್ಲಿ ಒಂದು ಕುಟುಂಬದ ವ್ಯಕ್ತಿ ಮಾಡುವ ವ್ಯಯದ ಅಳತೆಯೇ ಸಿಪಿಐ.
ಈ ಅಳತೆ ಹಣದುಬ್ಬರ ಪ್ರಮಾಣ ಕಂಡುಹಿಡಿಯಲು ಸಹಕಾರಿ.
ವಿಶ್ವ ಒಂದೆಡೆ ಆರೋಗ್ಯ ಕಾಪಾಡುಕೊಳ್ಳುವ ಕಾಳಜಿಯಲ್ಲಿ ಇದ್ದರೆ, ಹಣದುಬ್ಬರ ಹೆಚ್ಚಾಗುತ್ತಿದ್ದು, ದೇಶದಲ್ಲಿ ಇತ್ತೀಚಿಗೆ ದಾಖಲೆಯಾಗಿರುವ ಪ್ರಕಾರ 7.6% ಹಣದುಬ್ಬರ ಏರಿಕೆಗೊಂಡಿದೆ.
ಹಣದುಬ್ಬರ ಎಂದರೇನು..?
ಆರ್ಥಿಕತೆಯ ಕಾಲಾವಧಿಯಲ್ಲಿ ಸರಕು ಹಾಗೂ ಸೇವೆಗಳ ಬೆಲೆ ಏರಿಕೆ ಆಗುವುದು. ಬೆಲೆ ಏರಿಕೆ ಆದರೆ ಕೊಳ್ಳುವ ಶಕ್ತಿ ಕ್ಷೀಣಿಸುತ್ತದೆ. ಕೊಳ್ಳುವ ಶಕ್ತಿ ಕಡಿಮೆಯಾದರೆ ಉತ್ಪಾದನೆ ಕಡಿಮೆಯಾಗುತ್ತದೆ..
