ಕೊರೊನಾ ಸೋಂಕಿತ ಎಪಿಎಂಸಿ ನೌಕರನಿಂದ ಹೆಚ್ಚಿದ ಆತಂಕ: ಮನೆಯ ಮೂವರಿಗೆ ಸೋಂಕು

ಕೊರೊನಾ ಸೋಂಕಿತ ಎಪಿಎಂಸಿ ನೌಕರನಿಂದ ಅವರ ಮನೆಯ ಮೂರು ಜನರಿಗೆ ಸೋಂಕು ತಗುಲಿದೆ. ಇಂದು ಮಧ್ಯಾಹ್ನದ ವೇಳೆ ಕೊರೊನಾ ಪಾಸಿಟಿವ್ ರಿಪೋರ್ಟ್ ಬಂದಿದ್ದು, ಎಲ್ಲರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಬೆಂಗಳೂರು: ಎಪಿಎಂಸಿ ನೌಕರನಿಗೆ ಬಂದ ಕೊರೊನಾ ಇದೀಗ ಅವರ ಮನೆಯವರಿಗೂ ಹರಡಿದೆ. P - 2764 (48 ವರ್ಷ) ವ್ಯಕ್ತಿಗೆ ಮೇ 29 ರಂದು ಕೊರೊನಾ ಲಕ್ಷಣ ಕಂಡು ಬಂದು ಆಸ್ಪತ್ರೆ ದಾಖಲಾಗಿದ್ದರು. ಇದೀಗ ಅವರ ಪತ್ನಿ, ಮಗ ಹಾಗೂ ತಂಗಿ ಮಗಳಿಗೂ ಕೊರೊನಾ ಸೋಂಕು ತಗುಲಿದೆ. ಆತನ ಪ್ರಾಥಮಿಕ ಸಂಪರ್ಕವಾದ್ದರಿಂದ ಅವರನ್ನು ಹೋಟೆಲ್​​​​​ನಲ್ಲಿ ಕ್ವಾರಂಟೈನ್​​​​​​ ಮಾಡಲಾಗಿತ್ತು.

ಇಂದು ಮಧ್ಯಾಹ್ನದ ವೇಳೆ ಕೊರೊನಾ ಪಾಸಿಟಿವ್ ರಿಪೋರ್ಟ್ ಬಂದಿದ್ದು, ಎಲ್ಲರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು ಎಪಿಎಂಸಿ ಆನೇಕಲ್​​​​​ಗೆ ಶಿಫ್ಟ್ ಆಗಿರುವುದರಿಂದ, ಅಲ್ಲಿ ಸಂಪರ್ಕದಲ್ಲಿದ್ದ ಜನರನ್ನು ಕ್ವಾರಂಟೈನ್ ಮಾಡಲಾಗಿದೆ. 48 ವರ್ಷದ ವ್ಯಕ್ತಿಗೆ ಕೊರೊನಾ ಲಕ್ಷಣಗಳು ಇದ್ದ ಕಾರಣ, ಇಎಸ್​​​ಐ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು. ಬಳಿಕ ಪರೀಕ್ಷೆ ಮಾಡಿದಾಗ ಕೊರೊನಾ ದೃಢಪಟ್ಟಿತ್ತು. ಅನಾರೋಗ್ಯವಿದ್ದರೂ ಕೆಲಸಕ್ಕೆ ಹೋದ ಕಾರಣ ಸೋಂಕು ಇನ್ನಷ್ಟು ಜನರಿಗೆ ಹರಡಿರುವ ಸಾಧ್ಯತೆ ಇದೆ.