ಹೋಟೆಲ್​ ಉದ್ಯಮದ ನಷ್ಟ ತುಂಬಿಕೊಡುವಂತೆ ಸರ್ಕಾರಕ್ಕೆ ಮನವಿ

ಲಾಕ್​ಡೌನ್​ನಿಂದಾಗಿ ಸಾವಿರಾರು ಉದ್ಯಮಗಳು ತಾತ್ಕಾಲಿಕವಾಗಿ ಬಾಗಿಲು ಹಾಕಿಕೊಂಡಿವೆ. ಈ ಸಾಲಿಗೆ ಹೋಟೆಲ್​ ಉದ್ಯಮ ಕೂಡ ಸೇರಿದ್ದು, ಕೊರೊನಾ ಎಫೆಕ್ಟ್​ನಿಂದಾಗಿ ಉದ್ಯಮಕ್ಕೆ ಕೋಟಿ ಕೋಟಿ ನಷ್ಟ ಉಂಟಾಗಿದೆ. ಈ ಹಿನ್ನೆಲೆ ಉದ್ಯಮಕ್ಕಾದ ನಷ್ಟ ಬರಿಸಿಕೊಡುವಂತೆ ಬೆಂಗಳೂರು ಹೋಟೆಲ್ ಸಂಘದ ಅಧ್ಯಕ್ಷ ಪಿ.ಸಿ.ರಾವ್ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.

ಬೆಂಗಳೂರು: ದೇಶದಲ್ಲಿ ಲಾಕ್​​​ಡೌನ್ ಇರುವ ಕಾರಣ ಹೋಟೆಲ್ ಉದ್ಯಮಕ್ಕೆ ಆರ್ಥಿಕವಾಗಿ ಭಾರಿ ಹೊಡೆತ ಉಂಟಾಗಿದೆ. ಹೋಟೆಲ್ ಉದ್ಯಮವನ್ನು ಸರ್ಕಾರ ಕೈ ಹಿಡಿದು ಮೇಲೆತ್ತಬೇಕು ಅಂತ ಬೆಂಗಳೂರು ಹೋಟೆಲ್ ಸಂಘದ ಅಧ್ಯಕ್ಷ ಪಿ.ಸಿ.ರಾವ್ ಸರ್ಕಾರಕ್ಕೆ ವಿನಂತಿ ಮಾಡಿದರು.

ಸರ್ಕಾರದ ಆದೇಶದ ಪ್ರಕಾರ ಹೋಟೆಲ್ ಲಾಕ್​ಡೌನ್ ಸಮಯದಲ್ಲಿ ಪಾರ್ಸೆಲ್​​ ರೂಪದಲ್ಲಿ ಊಟ ನೀಡಬಹುದು. ಆದರೆ, ಅಧಿಕ ವಸತಿ ಇರುವ ಬಡಾವಣೆಗಳಲ್ಲಿ ಹೋಟೆಲ್​​​ಗಳು ಸೇವೆ ಲಭ್ಯವಿಲ್ಲ.

ಹೋಟೆಲ್ ಉದ್ಯಮಕ್ಕೆ ಆಗುತ್ತಿರುವ ನಷ್ಟವನ್ನು ಸರ್ಕಾರ ತುಂಬಿ ಕೊಡಬೇಕು. ಹೋಟೆಲ್ ನೌಕರರ ಇಪಿಎಫ್ 6 ತಿಂಗಳು ಮುಂದೂಡಬಹುದು ಹಾಗೂ ಇಎಸ್​​ಐಸಿ ಯ 19ನೆ ವಿಧಿಯಡಿ ಅರ್ಧ ಸಂಬಳವನ್ನು ನಿರುದ್ಯೋಗ ವೇತನವನ್ನು ಇಎಸ್ಐಸಿಯಲ್ಲಿ ಉಳಿದಿರುವ 91,000 ಕೋಟಿಯನ್ನು ವಿತರಣೆ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ.