ಬೆಂಗಳೂರು: ಶ್ರೀರಾಮ ಸೇವಾ ಮಂಡಳಿ ವತಿಯಿಂದ ರಾಮ ನವಮಿ ಸೆಲೆಬ್ರೇಶನ್ ಟ್ರಸ್ಟ್ ಏರ್ಪಡಿಸಿದ್ದ 84ನೇ ರಾಮನವಮಿ ಸಂಗೀತೋತ್ಸವ ಕಾರ್ಯಕ್ರಮಕ್ಕೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಚಾಮರಾಜಪೇಟೆಯ ಕೋಟೆ ಮೈದಾನದಲ್ಲಿ ಚಾಲನೆ ನೀಡಿದರು.
ನಂತರ ಮಾತನಾಡಿದ ಸಿಎಂ, ರಾಮ ಸೇವಾ ಮಂಡಳಿ 8 ದಶಕಗಳಿಂದ ನಡೆಸಿಕೊಂಡು ಬರುತ್ತಿರುವ ಕಾರ್ಯಕ್ರಮ ಪ್ರಖ್ಯಾತಿ ಹೊಂದಿದೆ. ಚಪ್ಪಾಳೆ ಕೂಡ ಒಂದು ಸಂಗೀತ. ಶಾಸ್ತ್ರೀಯವಾಗಿ ನೈಜವಾಗಿ ಇಲ್ಲದೇ ಹೋದ್ರೂ ಅದನ್ನು ಗುರುತಿಸಬೇಕಿದೆ. ಸಂಗೀತ ಕೇಳುವಾಗ ಮನಸ್ಸು ಆಹ್ಲಾದವಾಗುತ್ತದೆ. ರಾಮನವಮಿ ಜೊತೆ ಸಂಗೀತ ಸೇರಿಸಿರುವವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ ಎಂದರು. ಈ ಸಂದರ್ಭದಲ್ಲಿ ಇನ್ಫೋಸಿಸ್ ಪ್ರತಿಷ್ಠಾನದ ಮುಖ್ಯಸ್ಥೆ ಹಾಗೂ ಸಾಹಿತಿ ಡಾ.ಸುಧಾಮೂರ್ತಿ, ಶಿಕ್ಷಣ ಇಲಾಖೆ ಕಾರ್ಯದರ್ಶಿ ಸೆಲ್ವಕುಮಾರ್, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ನಿರ್ದೇಶಕ ರಂಗಪ್ಪ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
ಇದನ್ನೂ ಓದಿ: ಇಮ್ರಾನ್ ರಾಜಕೀಯ ಭವಿಷ್ಯಕ್ಕೆ ಕುತ್ತು..ವೇಗದ ಬೌಲಿಂಗ್ನಿಂದಲೇ ವಿಕೆಟ್ ಉರುಳಿಸಲು ಖಾನ್ ಹೊಸ ತಂತ್ರ
